II Samuel 2:7 - Sră Goh 2018

⁷ Gen tàng lơh tĕ pràn kơldang tê bol mê dê mơ khin cha, bơh Sol cau tòm bol mê dê neh chơt, mơ hìu cau Juda neh bong mơñà añ in lơh gơs bơtau at bồ bol khai.”

II Samuel 2:7 Σταυροειδείς Αναφορές

Sơnròp Gơlik Gơs 15:1

Tơnơ̆ mơ ală broă hơ̆, tòm dô bơta gơtơnggŏ gơs jơnau Yàng Jehôwa đơs mơ Abram lah: “Ơ Abram, bañ rngòt! Añ la khèl đo mê dê, phan ƀàn mê rơp dờng ngan.”

II Samuel 10:12

Lơh tĕ pràn kơldang mơ bol he khin cha tĕ tòmlơh tài bơh làng bol bol he dê mơ ală ƀòn dờng Yàng Tom Trồ bol he dê; mơ dan Yàng Jehôwa lơh bơta lơi niam nùs Kơnràñ.”

II Samuel 2:6

Tŭ do dan Yàng Jehôwa yal tơlik bol mê in bơta kòñ gơboh kơ̆ dơn mơ bơta dòn song Kơnràñ dê, mơ añ kung rơp ràng tơlik ală bơta niam gơwèt hơ bol mê tài bơh bol mê neh lơh bơta hơ̆.

II Samuel 2:8

Mơya Apner kòn klau Ner, cau kwang at bồ mpồl ling Sol dê, kup Isbôset kòn klau Sol dê mơ cèng khai tus hơ Mahanaim.

II Samuel 5:3

Behơ̆ jơh ală cau kwang kra Israel neh tus mơ bơtau tòm Hebrôn; mơ bơtau Dabit lơh dô bơta ho bal mơ bol khai tòm Hebrôn di đap Yàng Jehôwa, mơ bol khai bong mơñà Dabit in lơh bơtau hơđang Israel.

II Ală Bơtau 11:12

Gen Jehôyada tơlik kòn bơtau, tơndau sơgơn bơtau hơđang bồ khai, mơ jào sră bơta boh lam khai in; bol khai yal tơnggit mơ bong mơñà khai in lơh gơs bơtau, bol khai tàp tê mơ driau dờng lah: “Bơtau kis gam sùm sùm!”

Nehemi 2:18

Añ yal bol khai in git mbe tê Yàng Tom Trồ añ jê neh kòñ nđàc di añ, mơ kung yal ală jơnau bơtau neh đơs mơ añ. Bol khai ho lah: “Bol he bơt wơl tĕ!” Behơ̆ bol khai lơh broă bal dô bă niam.

I Kôrintô 16:13

Oh mi drơng kơp tĕ, ơm kơ̆ tĕ tòm bơta dòn, lơh tĕ be cau dờng, mơ pràn kơldang tĕ.

Ephesô 6:10

Lồi tơnơ̆ wơl, oh mi gơs tĕ pràn kơldang tòm Yàng, mơ tòm gơnap gơnoar pràn kơldang Kơnràñ dê.

I Samuel 31:12

gen jơh ală cau khin cha bol khai dê ñă lòt mang àng tus hơ Betsan. Bol khai tơmù ƀồc Sol mơ ƀồc ală kòn klau khai dê bơh di dơrñang Betsan; gen bol khai rê hơ Jabes mơ chu ală ƀồc hơ̆ tềng hơ̆.

I Samuel 31:7

Tòm tŭ cau Israel ơm rò gah thòng mơ ală cau ơm đah ne hiòng Jordan gŏ mpồl ling Israel neh dô mơ gŏ Sol mơ ală kòn klau khai dê neh chơt, gen bol khai sang ală ƀòn dờng bol khai dê mơ dô. Gen cau Philistin tus ơm tòm ală ƀòn hơ̆.

I Samuel 4:9

Ơ cau Philistin, lơh khin cha tĕ, nàng bol mê ò gơlik gơs dĭ cau Hebrơ kung be bol khai neh lơh dĭ bol mê in! Lơh tĕ be cau dờng mơ tòmlơh tĕ!