II Samuel 14:17 - Sră Goh 2018

¹⁷ Cau duh broă bơtau dê neh kơlôi lah: ‘Kơp kòñ jơnau đơs cau tòm añ jê la bơtau ai añ in bơta rlô; bơh cau tòm añ jê la bơtau ò gơkrơi be dô nă cau gơnrơh Yàng Tom Trồ dê git nền bơta niam mơ bơta iơh.’ Dan Jehôwa Yàng Tom Trồ bơtau dê ơm bal mơ bơtau!”

II Samuel 14:17 Σταυροειδείς Αναφορές

II Samuel 14:18

Gen cau bơtau ho mơ cau ùr lah: “Bañ pồn mơ añ bơh bơta añ rơp lùp ai.” Cau ùr đơs lah: “Dan cau tòm añ jê la bơtau đơs tĕ.”

II Samuel 14:20

Cau duh broă bơtau dê la Jôap neh lơh bơta do nàng tòmgơl bơta neh gơlik gơs. Cau tòm añ jê gơs bơta jak chài kung be cau gơnrơh Yàng Tom Trồ dê, git jơh ală bơta gơlik gơs tòm lơgar.”

II Samuel 19:27

Mơ khai neh yă blac añ mơ cau tòm añ jê la bơtau. Mơya cau tòm añ jê la bơtau kung be cau gơnrơh Yàng Tom Trồ dê. Gen tàng lơh tĕ bơta lơi gơlơh niam gơwèt mơ bơtau.

II Samuel 19:28

Jơh ală kòn sau ồng añ jê ò di pal dòp geh bơta lơi rlau mơ bơta chơt bơh di cau tòm añ jê la bơtau, mơya bơtau neh ai cau duh broă bơtau in dô bă tiah digùl ală cau nggui di cơnòng sa bơtau dê. Behơ̆, añ gơs gơnoar lơi nàng dan mơ bơtau rlau mơ hơ̆ taih?”

I Ală Bơtau 3:28

Tòm tŭ jơh ală cau Israel kơno bơta cahrña bơtau dê, gen bol khai duh rngòt ngan di bơtau, tài bơh bol khai dòp git cau bơtau gơs bơta jak chài Yàng Tom Trồ dê nàng lơh jat bơta song ring.

I Ală Bơtau 3:9

Gen tàng dan ai cau duh broă Yàng in dô nơm nùs nhơm jak chài àng loh nàng at bồ làng bol Kơnràñ dê mơ đal git bơta niam mơ bơta iơh; bơh ñcau rgơi at bồ làng bol dờng ngan do Yàng dê taih?”

Sră Jop 6:30

Gơs bơta tìs lơi tòm lơmpiat añ jê sơl? Bơr añ jê ò git đal bơta iơh bơsak ò ơ?”

Jơnau Pơnđik 27:21

Bơnhă lòng priă, glah lòng màh: ai bơta jòng ro lòng kòn mơnus.

Jơnau Pơnđik 29:5

Cau lơi rơmhòc cau ơm rềp mơ he, pơt dă di đap cơnđòa khai.

Hebrơ 5:14

Mơya phan sa kơldang gen lòi ală cau neh dờng in, la ală cau kơnòm di bơta lơh jat mơ bơtê git bơta chài rgơi nàng cah is bơta niam mơ bơta iơh.

Jôsue 1:17

Be bol hi neh dòn bơr Môise tòm jơh ală bơta, gen bol hi kung rơp dòn bơr ồng behơ̆ sơl. Mìng dan Jehôwa Yàng Tom Trồ ồng dê ơm bal mơ ồng kung be Kơnràñ neh ơm bal mơ Môise.

I Samuel 29:9

Akis ho lah: “Añ git lah mê ò lơh bơta tìs lơi di đap mat añ kung be dô nă cau gơnrơh Yàng Tom Trồ dê, bulah behơ̆, ală kwang at bồ ling cau Philistin dê neh đơs lah: ‘Khai ò di lòt bal mơ bol he tòm bơta tòmlơh.’