Este 3:7 - Sră Goh 2018

⁷ Tòm nam jơt bàr rài at bồ bơtau Ahasuerus dê, tòm kơnhai dùl la kơnhai Nisan, bol khai tĕ phur (hơ̆ la tĕ khà) di đap Haman nàng sac rwah bơh ngai mơ kơnhai. Mơ khà neh tĕ di kơnhai jơt bàr la kơnhai Adar.

Este 3:7 Σταυροειδείς Αναφορές

Ejra 4:6

Tòm rài at bồ Ahasuerus dê, tòm nam khai sơntòm at bồ, bol khai cih sră yă làng bol Juda mơ làng bol ơm tòm Jerusalem.

Ejra 6:15

Hìu duh khoai neh geh bơt sir tòm ngai pe kơnhai Adar, nam dơ̆ prau rài at bồ bơtau Darius dê.

Nehemi 2:1

Tòm nam Nisan, nam dơ̆ bàr jơt rài bơtau Artaserses, tòm tŭ gơs tơrnòm di đap cau bơtau, añ cèng tơrnòm mơ tong bơtau in. Bơh lài añ ò gơs tŭ lơi gơs bơta moat jrùng di đap bơtau.

Este 1:3

tòm nam dơ̆ pe rài at bồ khai dê, khai yò dô bơta ñô sa dờng jơh ală cau kwang at bồ mơ ală cau kwang duh broă khai in. Ală mpồl ling Persia mơ Medi dê mơ ală cau màng ryŭ mơ ală cau kwang dờng at bồ ală kơnhwàl neh gơs mat.

Este 2:16

Tòm tŭ Ester geh cèng tus hơ bơtau Ahasuerus tòm hìu gơlang bơtau dê tòm kơnhai jơt, hơ̆ la kơnhai Tebet, tòm nam dơ̆ poh rài at bồ khai dê.

Este 9:1

Ngai jơt pe kơnhai jơt bàr la kơnhai Adar, tòm tŭ gơnoar sồr bơtau dê mơ bơta lơh nền bơtau dê pal geh lơh jat, tòm ngai do tòm tŭ ală cau sò tơm di cau Juda kơp kòñ geh pha rlau mơ bol khai, mơya bơta hơ̆ neh geh tòmgơl gơlik gơs dô ngai ală cau Juda geh wơl gơnoar pràn hơđang ală cau sò tơm bol khai dê.

Este 9:21

Sồr bol khai pal prap gàr ngai pơjum sa tòm ngai jơt poan mơ ngai jơt pram kơnhai Adar kòp nam,

Este 9:5

Behơ̆ ală cau Juda ai đào sreh jơh ală cau sò tơm di bol khai, tơnchơt mơ tơnroh bol khai; mơ lơh bơta lơi niam nùs bol khai kòñ gơwèt hơ ală cau lơi gơjrañ kơuềng di bol khai.

Jơnau Pơnđik 16:33

Cau tă khà tòm tiang ào; Mơya bơta lơh nền bơh di Yàng Jehôwa mơ tus.

Mathiơ 27:35

Tŭ neh pơng Kơnràñ di chi pơng rau, bol khai tă khà mơ tòmpà ào Kơnràñ dê;