Este 3:5 - Sră Goh 2018

⁵ Tòm tŭ Haman gŏ Mordike ò kun khoai mơ duh rngòt di khai, gen Haman gơhào gơjrañ ngan.

Este 3:5 Σταυροειδείς Αναφορές

Este 1:12

Mơya bau bơtau la mò Basthi ò bài tus, jat gơnoar sồr bơtau dê mơ ală cau kwang kriau neh yal. Tòm bơta do, bơtau gơhào nùs mơ bơta gơjrañ duh ngan tòm nùs khai dê.

Este 3:2

Mơ jơh ală cau kwang duh broă bơtau la ală cau ơm di mpồng gơlang bơtau kun khoai mơ sền dờng màng di Haman; bơh bơtau neh ai gơnoar sồr pal lơh behơ̆ gơwèt mơ khai. Mơya Mordike ò kun khoai hala duh rngòt di khai.

Este 3:4

Bol hơ̆ đơs mơ khai bơh ngai do tus hơ ngai ne, mơya khai ò bài iat bol hơ̆, bol khai yal mơ Haman nàng sền bơta Mordike neh lơh hơ̆ rơp gơlik be lơi, bơh khai neh yal bol hơ̆ in khai la cau Juda.

Este 5:9

Tòm ngai hơ̆ Haman lik lòt tòm bơta chò hòp mơ tòm hwềng nùs hừh hơh. Mơya tòm tŭ Haman gŏ Mordike ơm di mpồng gơlang bơtau dê mơ sền gŏ khai ò ñă ntào hala ơrơm să di đap khai, gen khai gơhào gơjrañ oă ngan di Mordike.

Sră Jop 5:2

Bơta lơh sơềt sơềl tơnchơt cau bơrngơl gơla, Bơta ƀoah pơrhiat tơnchơt cau ƀă liă.

Đơs Crih 37:12

Cau iơh bơsak kơlôi lơh iơh tòmdră di cau song ring, Mơ rkiat sề di bol khai;

Jơnau Pơnđik 12:16

Cau tùl gơla yal tơlik bơta gơjrañ dờng bol khai dê mo; Ai cau git kơrhia pồn ndơp bơta sền òsơp he.

Jơnau Pơnđik 19:19

Cau jak gơhào gơjrañ jàñ bơsak, rơp kong àñ glài; bơh dilah kòn dong tă khai, ngan pal dong tă wơl tai.

Jơnau Pơnđik 21:24

Bơrsèl tơnhial, hơ̆ la sơnđan cau jòng să, pơnhừ să; khai lơh lòt iơh rmơh jat bơta pơnhừ să khai dê.

Cau Bơto 10:6

hơ̆ la cau tùl gơla geh ơn tòm broă dờng jơnhoa, ai cau pas gen nggui tòm tiah liah.

Daniel 3:19

Tŭ hơ̆, bơtau Nebukatnessar gơhào gơjrañ dum muh dum mat gơwèt mơ Sadrak, Mesak mơ Abetnegô, mơ ai jơnau sồr sing ồs duh hơng poh dơ̆ rlau mơ òs,