Este 10:3 - Sră Goh 2018

³ Mordike cau Juda la cau kwang at bồ tơnơ̆ mơ bơtau Ahasuerus, mơ khai geh gơnoar pràn digùl cau Juda, mơ geh sền dờng màng digùl ală oh mi cau Juda khai dê, tài bơh khai jòi jat bơta lơngai niam làng bol khai in, mơ neh đơs jơnau cèng bơta ring lơngai jơh jơi bơtiàn khai in.

Este 10:3 Σταυροειδείς Αναφορές

Sơnròp Gơlik Gơs 41:40

Behơ̆ mê rơp at bồ hìu nhă añ jê, mơ jơh làng bol añ jê rơp jat jơnau mê dê. Añ rơp dờng rlau mơ mê mìng tòm sơbàn añ jê lơm.”

Sơnròp Gơlik Gơs 45:10

Bèp, ală kòn, ală sau, ală belàt, ală kơnrồ mơ jơh ală phan bèp dê rơp ơm tòm lơgar Gôsen rềp mơ añ.

Sơnròp Gơlik Gơs 45:11

Tềng hơ̆ añ rơp ròng bèp, tài bơh gam pram nam jơgloh rung tai, rngòt bèp, hìu nhă bèp, mơ jơh ală phan bèp dê gơkòl jơgloh rƀah.’

II Yal Yau 28:7

Mơ Jikri dô nă cau Epraim la cau pràn kơldang mơ jak tòmlơh, khai tơnchơt Maaseya kòn klau bơtau, Ajrikam cau kwang sền gàr gơlang, mơ Elkana cau kwang dờng gơnoar oh bơtau dê.

Nehemi 2:10

Mơya tòm tŭ Sanbalat, cau Hôrôn mơ Tôbiah cau Ammôn dê kơno bơta hơ̆, bol khai sơềt sơềl oă ngan, bơh gơs cau ƀà tus nàng jòi bơta lơngap lơngai làng bol Israel.

Este 2:5

Mơ tai, gơs dô nă cau Juda tòm Susa sơnđan la Mordike kòn klau Jair sau Simei dê, se Kis la dô nă cau Benjamin dê,

Este 3:2

Mơ jơh ală cau kwang duh broă bơtau la ală cau ơm di mpồng gơlang bơtau kun khoai mơ sền dờng màng di Haman; bơh bơtau neh ai gơnoar sồr pal lơh behơ̆ gơwèt mơ khai. Mơya Mordike ò kun khoai hala duh rngòt di khai.

Daniel 5:16

Añ kơno đơs la mê rgơi yal tơlik ală bơta ndơp ndơr mơ lơh pơnring jơh ală bơta kalke. Daniel mê rgơi sền ală jơnau do mơ yal tơlik jơnau gơtha gơ dê añ in, gen mê rơp geh soh ào dà gur cau bơtau dê, rơp geh wan che rơnjài màh di ngko, mơ rơp gơs kwang dơ̆ pe tòm gơnoar broă at bồ lơgar dê.”

Daniel 5:29

Jat jơnau gơnoar sồr bơtau Belsassar dê, cau tơnsoh ào dà gur cau bơtau dê Daniel in, tơnwan di ngko khai dô nơm che rơnjài màh, mơ yal pơnro lah khai geh pồ bơtào gơs kwang dơ̆ pe tòm gơnoar broă at bồ lơgar dê.

Daniel 6:3

Mơ tai, Daniel la jak chài lin rlau mơ bàr nă cau kwang đơng lơgar, mơ jơh ală cau kwang at bồ kơnhwàl lơgar ne, tài bơh gơs Hwềng jak chài àng loh ơm tòm khai, gen cau bơtau kòñ pồ bơtào khai at bồ jơh lơgar.

Rôma 10:1

Ơ oh mi, bơta kơp kòñ tòm nùs añ mơ bơta añ hòi dan mơ Yàng Tom Trồ, hơ̆ la tồ làng bol Israel in geh dong klàs.

Rôma 14:18

Cau lơi lơh jat behơ̆ mơ duh broă Bơtau Krist, gen geh niam nùs Yàng Tom Trồ mơ geh cau dô nùs bal.

I Samuel 18:16

Mơya jơh Israel mơ Juda gen kòñ gơboh di Dabit. Tài bơh Dabit lam bol khai lik lòt mơ rê wơl.

I Samuel 23:17

Khai đơs mơ Dabit lah: “Bañ rngòt, bơh tê bèp añ la Sol rơp ò bàn bi. Bi rơp lơh gơs bơtau at bồ Israel, mơ añ rơp gơs kwang at bồ dơ̆ bàr tơnơ̆ mơ bi. Bèp añ jê Sol kung git bơta do behơ̆ sơl.”