Daniel 9:14 - Sră Goh 2018

¹⁴ Tài bơh hơ̆, Yàng Jehôwa neh rcang mơ đùh bơta rung rài hơđang bol hi. Ngan, Jehôwa Yàng Tom Trồ bol hi dê la song ring tòm jơh ală broă Kơnràñ lơh; bơh bol hi ò dòn bơr Kơnràñ.

Daniel 9:14 Σταυροειδείς Αναφορές

II Yal Yau 12:6

Gen Bơtau mơ ală cau at bồ tơnliah să bol khai dê mơ đơs lah: “Yàng Jehôwa ơm tòm bơta song ring.”

Ejra 9:15

Ơ Yàng Jehôwa, la Yàng Tom Trồ Israel dê, Kơnràñ la song ring, mơya bol hi geh pleh klàs be làng bol gam tơngkah wơl, be ngai do. Do bol hi ơm di đap Kơnràñ tòm bơta tồi glài bol hi dê, bulah ò gơs dô nă cau lơi rgơi ntào di đap mat Kơnràñ tài bơh bơta do.”

Nehemi 9:33

Tòm kòp bơta neh gơlik bol hi in, Kơnràñ ngan song ring; tài bơh Kơnràñ lơh dô bă dòn song ai bol hi neh lơh bơta iơh bơsak.

Đơs Crih 111:7

Ală broă bơh tê Kơnràñ lơh la dòn song mơ song ring; Ală bơta sồr lam Kơnràñ dê la pal dòn kơnòm.

Đơs Crih 116:5

Yàng Jehôwa gơs nùs kòñ nđàc, mơ la song ring, Yàng Tom Trồ bol he dê gơs nùs nđàc sơngit.

Đơs Crih 119:137

Ơ Yàng Jehôwa, Kơnràñ la song ring, Bơta cahrña Kơnràñ dê la song ngan.

Đơs Crih 51:14

Ơ Yàng Tom Trồ la Yàng Tom Trồ bơta dong klàs añ jê, Dan dong tă añ bơh di glài lơh gơtuh mhàm, Gen lơmpiat añ rơp đơs chò dờng jòng ro bơta dong tă Kơnràñ dê.

Lik Ejiptơ 9:27

Gen Pharaôn sồr hòi Môise mơ Arôn tus mơ đơs lah: “Dơ̆ do añ neh tìs glài, Yàng Jehôwa la di; añ mơ làng bol añ jê la tìs.

Jeremi 12:1

Khoai Yàng Jehôwa, Kơnràñ song ring ngan; Tòm tŭ añ tòm pơndang mơ Kơnràñ Bulah behơ̆, añ dan lùp Kơnràñ. Ñchi bơh tài gùng dà cau iơh geh bơtoah bơtoài taih? Ală cau tìs glài geh cồng nha taih?

Jeremi 31:28

Kung be Añ neh sền gàr bol khai, nàng dus, phà tơrlah, tuh tơlup, tơnroh, mơ lơh bòl glar mbe lơi, gen Añ kung rơp sền gàr nàng bơt bơtào, tam wơl kung behơ̆,” Yàng Jehôwa đơs behơ̆.

Jeremi 4:17

Bol khai gơrwàng Jerusalem be cau kơp gàr sre; Tài bơh gơ neh pơrlơ̆ dră mơ Añ.’” Yàng Jehôwa đơs behơ̆.

Jeremi 44:27

Añ rơp drơng kơp nàng tơndùh bơta rung rài bol khai in mơ ò tơndùh bơta lơngai; kòp nă cau Juda ơm tòm lơgar Ejiptơ rơp kong tơnroh bơh pềs tà mơ jơgloh rung jơl tus neh tơnroh jơh.

Ñìm Rac 1:5

Cau tòmdră khai dê gơlik gơs cau tòm, cau sò tơm khai dê gơlik cau pas gơs; Tài bơh Yàng Jehôwa lơh khai in bòl glar, bơh tồi glài khai dê gơbơtơl oă. Ală kòn dềt khai dê neh lòt tiah ngài, gơkòl kup cèng di đap cau sò tơm.

Ejekiel 16:43

Tài bơh ai ò kah ală ngai tòm tŭ ai gam kơnòm să, mơya neh lơh Añ in gơhào gơjrañ bơh jơh ală bơta do, gen ngan la Añ rơp tơndùh hơđang ai ală bơta ai neh lơh,’ Jehôwa Yàng Tom Trồ đơs behơ̆. Ai ò di neh bơtơl bơta rềs àr bơrnàn tòm ală broă cù kìr ai neh lơh ò ơ?

Daniel 4:34

Tus di lồi dut ală ngai hơ̆, añ la Nebukatnessar, añ wèt mat tơnggòr sền hơđang trồ, gen dơngoh jak gơrê wơl hơ añ, mơ añ jòng ro Bơtau Hơđang Rlau Jơh. Añ jòng ro mơ lơh gơklŏ sơnđan Bơtau kis gam sùm sùm: Gơnoar at bồ Kơnràñ dê la gơnoar gam sùm sùm. Lơgar Kơnràñ dê gam bơh rài do tus hơ rài ne.

Daniel 9:7

Ơ Yàng, Kơnràñ la song ring, ai bol hi pal kong bơta ƀàssìl kung be tòm ngai do; bol hi la cau Juda, làng bol Jerusalem mơ jơh ală cau Israel ơm rềp ơm ngài, bal mơ jơh ală cau gơkòl nrah nring tòm jơh ală lơgar pal kong bơta hơ̆ tài bơh bol hi ò dòn song mơ Kơnràñ.