Daniel 4:2 - Sră Goh 2018

² Añ ai lơh niam nùs mơ yal bol mê in ală bơta krơi mơ tềl is crih crài mơ Yàng Tom Trồ Hơđang Rlau Jơh neh lơh añ in.

Daniel 4:2 Σταυροειδείς Αναφορές

Sră Jop 7:14

Gen Yàng tơrngòt añ mơ bơta mpau, mơ pơhìn tơrngòt añ mơ bơta gơtơnggŏ.

Đơs Crih 51:14

Ơ Yàng Tom Trồ la Yàng Tom Trồ bơta dong klàs añ jê, Dan dong tă añ bơh di glài lơh gơtuh mhàm, Gen lơmpiat añ rơp đơs chò dờng jòng ro bơta dong tă Kơnràñ dê.

Đơs Crih 65:9

Yàng lòt còp ù tiah mơ tuh dà gơ in, Lơh gơ in gơlik ù bơkah tiah lơngồt; Hiòng Yàng Tom Trồ dê bềng dà; Kơnràñ ai cau in phan sa bơh Kơnràñ neh rcang lài.

Đơs Crih 66:16

Ơ jơh ală cau duh rngòt di Yàng Tom Trồ, tus tĕ iat, Gen añ rơp yal wơl bơta Yàng neh lơh añ in.

Đơs Crih 71:18

Ơ Yàng Tom Trồ, bulah di tŭ añ neh kra bồ kò sŏ rau, Dan bañ sang lòi añ, Jơl tus di tŭ añ yal tơlik jơh ală kòn sau rài tơnơ̆ in bơh gơnoar pràn Kơnràñ dê.

Daniel 2:1

Tòm nam dơ̆ bàr rài bơtau Nebukatnessar dê, bơtau gŏ bơta mpau gen bồ dơngoh khai dơrcul mơ ò lơhă bic.

Daniel 3:26

Gen bơtau Nebukatnessar tus rềp hơ mpồng bơnhă ồs, mơ ai jơnau hòi lah: “Ơ Sadrak, Mesak mơ Abetnegô la cau duh broă Yàng Tom Trồ Hơđang Rlau Jơh dê, lik tĕ mơ lòt tus hơ do!” Gen Sadrak, Mesak mơ Abetnegô lik bơh digùl bơnhă ồs.

Daniel 4:17

Hơ̆ la bơta lơh nền bơh ală bơtau kơp gàr, la jơnau sồr ală bơtau sàng goh neh yal tơlik tồ jơh ală jơi phan kis in git lah Bơtau Hơđang Rlau Jơh at bồ tòm ală lơgar kòn mơnus dê; Kơnràñ kòñ ai cau lơi in jat nùs kòñ Kơnràñ dê; mơ pồ bơtào cau dềt rhền rlau jơh tòm jơi kòn mơnus hơđang hơ̆.’

Daniel 4:24

Ơ bơtau, do la jơnau gơtha, mơ do la bơta lơh nền mơ Bơtau Hơđang Rlau Jơh dê rơp lơh gơlik hơđang bơtau la cau tòm añ jê.

Daniel 4:25

Làng bol bơtau dê rơp bơtrơh bơtau bơh di gơlang bơtau dê. Bơtau rơp ơm tòm ƀlàng kung be kơnrồ, mơ rơp kong sùh mơ dà tŭ bơh đang trồ. Tòm poh sơnam, bơtau pal kis behơ̆, jơl tus di tŭ bơtau đal git lah Bơtau Hơđang Rlau Jơh at bồ tòm ală lơgar kòn mơnus dê, mơ Kơnràñ kòñ ai gơnoar at bồ cau lơi in jat nùs kòñ Kơnràñ dê.

Daniel 4:34

Tus di lồi dut ală ngai hơ̆, añ la Nebukatnessar, añ wèt mat tơnggòr sền hơđang trồ, gen dơngoh jak gơrê wơl hơ añ, mơ añ jòng ro Bơtau Hơđang Rlau Jơh. Añ jòng ro mơ lơh gơklŏ sơnđan Bơtau kis gam sùm sùm: Gơnoar at bồ Kơnràñ dê la gơnoar gam sùm sùm. Lơgar Kơnràñ dê gam bơh rài do tus hơ rài ne.

Daniel 5:18

Ơ bơtau, Yàng Tom Trồ Hơđang Rlau Jơh neh ai sơbàn bơtau, gơnoar dờng, bơta jòng ro mơ bơta ryŭ ryơm bèp bơtau in la Nebukatnessar.

Daniel 6:27

Kơnràñ dong tă mơ dong klàs, lơh ală tềl is bơta krơi hơđang trồ mơ tòm ù, Kơnràñ neh dong tă Daniel bơh di gơnoar pràn ală klìu triă dê.”

Daniel 7:25

Cau bơtau hơ̆ rơp đơs ală jơnau tòmdră mơ Bơtau Hơđang Rlau Jơh, rồn bơklơn ală cau sàng goh Kơnràñ dê, mơ lơh nền tòmgơl sră kòp tơngai mơ bơta boh lam; ală cau sàng goh rơp kòl phi tòm tê khai tòm dô tơngai, ală tơngai mơ nggùl tơngai.

Jang 4:48

Yàng Jesu đơs mơ cau kwang hơ̆ lah: “Dilah bol mê ò gŏ tềl is mơ bơta krơi gen bol mê ò dòn ò!”

Jôsue 7:19

Gen Jôsue đơs mơ Akan lah: “Ơ kòn klau añ jê, lơh gơklŏ tĕ Jehôwa Yàng Tom Trồ Israel dê, mơ yal glài tĕ mơ Kơnràñ; tŭ do yal tĕ añ in ñchi mê neh lơh, bañ pồn bơta hơ̆ bơh di añ.”