Daniel 3:29 - Sră Goh 2018

²⁹ Gen tàng añ ai jơnau sồr do: Bulah la làng bol lơi, lơgar lơi, jơnau đơs lơi, dilah gơs cau lơi đơs jơnau lơi tòmdră di Yàng Tom Trồ Sadrak, Mesak mơ Abetnegô dê, gen să jan khai rơp kong crè rpot rpet, hìu ơm khai dê rơp gơlik dô gơnru thul, tài bơh ò gơs yàng lơi ndai gơs gơnoar dong tă be do ò.”

Daniel 3:29 Σταυροειδείς Αναφορές

II Ală Bơtau 10:27

Bol khai pòng bơcah rùp ràk Baal, mơ phà tơrlah hìu duh khoai gơ dê, lơh gơlik gơs dô bă tiah lòt jă brê gam jơl tus di ngai do.

Ejra 6:11

Rlau mơ hơ̆ tai, añ ai jơnau gơnoar sồr lah dilah cau lơi tòmgơl ală jơnau sồr do gen pal tă tĕ dô nơm ròc bơh di hìu khai, sơntơp ròc hơ̆ mơ yồng khai hơđang; mơ hìu khai pal lơh gơlik gơs dô gơnru sù siă.

Đơs Crih 3:8

Bơta dong klàs gơrê bal mơ Yàng Jehôwa, Dan bơta lơngai Kơnràñ dê mù hơđang làng bol Kơnràñ dê.

Đơs Crih 76:10

Bơta gơhào gơjrañ kòn mơnus dê gơlik bơta jòng ro Yàng; Ai bơta gơjrañ rlau ir gen Yàng rơp kơryan wơl.

Daniel 1:19

Bơtau tòmbơhbơr mơ bol khai mơ jơh ală cau pơnu hơ̆, ò gơs cau lơi ndròm bal mơ Daniel, Hanania, Misael mơ Ajaria, behơ̆ bol khai geh duh broă di đap cau bơtau.

Daniel 1:7

Cau kwang at bồ gơlang bơtau tơmoh sơnđan ndai bol khai in: Daniel khai sơnđan la Beltesassar, Hanania la Sadrak, Misael la Mesak, mơ Ajaria la Abetnegô.

Daniel 2:17

Gen Daniel rê hìu khai dê mơ yal bơta hơ̆ ală oh mi bơyô khai in la Hanania, Misael, mơ Ajaria.

Daniel 2:47

Bơtau đơs mơ Daniel lah: “Ngan, Yàng Tom Trồ bol mê dê la Yàng Tom Trồ ală yàng dê, mơ la Bơtau at bồ ală bơtau dê, Kơnràñ la Bơtau yal tơlik ală bơta ndơp ndơr, mìng kơnòm di Yàng hơ̆ mơ mê rgơi yal tơlik bơta ndơp ndơr do.”

Daniel 2:49

Jat jơnau Daniel dan gen cau bơtau pồ bơtào Sadrak, Mesak, mơ Abetnegô gơs kwang at bồ bal tòm kơnhwàl Babilôn, ai Daniel gen ơm wơl duh broă tòm gơlang bơtau.

Daniel 2:5

Cau bơtau ho wơl mơ ală cau Kalde lah: “Do lah bơta añ lơh nền: ‘Dilah bol mê ò yal añ in git bơta mpau hơ̆ bal mơ jơnau gơtha gơ dê, gen să jan bol mê rơp kong crè rpot rpet, hìu ơm bol mê rơp kong tơnlề jơh.

Daniel 3:12

Mơ tai, ơ bơtau, tềng do gơs ală cau Juda ne mơ bơtau neh pồ bơtào tòm broă nàng at bồ kơnhwàl Babilôn, hơ̆ la Sadrak, Mesak, mơ Abetnegô, ală cau hơ̆ ò ki ngàm dê bơtau dô êt lơi. Bol khai ò duh khoai ală yàng bơtau dê, mơ ò duh broă rùp ràk mơ màh mơ bơtau neh bơt bơtào.”

Daniel 3:15

Behơ̆ tŭ do, tòm tŭ bol mê kơno ntas kơlwòk, rkèl, kơwào, kơñi pĕ, kơñi rơs, kơmboat, mơ ală bơta kơñi ndai, mơ bol mê pal rcang sir tơmbic să nàng duh khoai rùp ràk mơ añ neh lơh gơs, gen di; mơya dilah bol mê ò cùn khoai gen bol mê rơp kong sơrbì mo tòm gùl bơnhă ồs hơng gen gơs yàng lơi rgơi dong bol mê klàs bơh di tê añ taih?”

Daniel 3:17

Dilah bơtau sơrbì bol hi tòm bơnhă ồs hơng, gen ơ bơtau; Yàng Tom Trồ la Bơtau bol hi duh broă geh gơnoar dong bol hi klàs bơh hơ̆ mơ bơh di tê bơtau.

Daniel 3:28

Bơtau Nebukatnessar ai jơnau đơs lah: “Pal jòng ro Yàng Tom Trồ Sadrak, Mesak mơ Abetnegô dê! Kơnràñ neh sồr cau gơnrơh Kơnràñ dê nàng dong tă ală cau duh broă Kơnràñ neh kơnòm di Kơnràñ, bol khai neh ò rngòt di jơnau sồr bơtau dê mơ phi să jan bol khai dê tồ ò duh broă mơ ò duh khoai yàng lơi ndai rlau mơ Yàng Tom Trồ bol khai dê.

Daniel 6:28

Behơ̆ Daniel kư̆ geh bơtoah bơtoài sùm tòm rài at bồ bơtau Darius mơ bơtau Sirus la cau Persia.

Yal Wơl 32:31

Bơh Pơnai Lŭ bol khai dê ò di be Pơnai Lŭ bol he dê, ală cau sò tơm bol he dê la bơrngơl gơla.