Daniel 2:49 - Sră Goh 2018

⁴⁹ Jat jơnau Daniel dan gen cau bơtau pồ bơtào Sadrak, Mesak, mơ Abetnegô gơs kwang at bồ bal tòm kơnhwàl Babilôn, ai Daniel gen ơm wơl duh broă tòm gơlang bơtau.

Daniel 2:49 Σταυροειδείς Αναφορές

Daniel 1:7

Cau kwang at bồ gơlang bơtau tơmoh sơnđan ndai bol khai in: Daniel khai sơnđan la Beltesassar, Hanania la Sadrak, Misael la Mesak, mơ Ajaria la Abetnegô.

Este 2:19

Tòm tŭ ală cau ơruh pơjum bal dô bă bal gen Mordike ơm nggui di mpồng gơlang cau bơtau dê.

Amôs 5:15

Gơjrañ kơuềng tĕ di bơta iơh mơ kòñ gơboh tĕ di bơta niam; mơ bơt bơtào tĕ bơta song ring di mpồng ƀòn dờng. Digơlan Jehôwa Yàng Tom Trồ Gơnap Gơnoar Dờng Làm Jơh rơp ai bơta nđàc gơwèt hơ ală cau gam wơl Jôsep dê.

Este 2:21

Tòm ală ngai hơ̆ tòm tŭ Mordike ơm nggui di mpồng gơlang bơtau dê, gen gơs bàr nă cau kwang duh broă bơtau dê gơs broă tòm kơp gàr gùng mpồng bơtau la Bikthan mơ Teres bàr nă kwang kriau kơp gàr mpồng neh gơhào gơjrañ di cau bơtau mơ bơtào kai gơrmơ̆i nàng tơnchơt òm bơtau Ahasuerus.

Daniel 2:17

Gen Daniel rê hìu khai dê mơ yal bơta hơ̆ ală oh mi bơyô khai in la Hanania, Misael, mơ Ajaria.

Daniel 1:17

Yàng Tom Trồ ai poan nă cau pơnu hơ̆ gơs bơta jak chài, git wă jơh ală sră pơàr, ală bơta bơtê. Daniel kung git wă ală bơta gơtơnggŏ mơ bơta mpau tai sơl.

Jeremi 39:3

Tòm tŭ Jerusalem kòl tòmpìt ai, jơh ală kwang at bồ bơtau Babilôn dê mut tòm ƀòn mơ nggui di mpồng Digùl. Hơ̆ la Netgan Saretse, Samga Nebô, Sasekim, lam bồ kwang kơndời, Netgan Saretse, lam bồ ală cau jak chài, bal mơ ală kwang ndai bơtau Babilôn dê.

Jơnau Pơnđik 28:12

Tŭ cau song ring pha lin rlau, gen gơs bơta gơklŏ dờng; ai tŭ cau iơh bơsak bơtào tơngguh, gen cau dô pồn jơh.

Este 3:2

Mơ jơh ală cau kwang duh broă bơtau la ală cau ơm di mpồng gơlang bơtau kun khoai mơ sền dờng màng di Haman; bơh bơtau neh ai gơnoar sồr pal lơh behơ̆ gơwèt mơ khai. Mơya Mordike ò kun khoai hala duh rngòt di khai.

Daniel 6:2

Hơđang bol khai gơs pe nă cau kwang đơng lơgar, mơ dô nă tòm pe nă cau hơ̆ la Daniel. Ală cau kwang at bồ kơnhwàl lơgar pal yal broă bol khai dê mơ pe nă cau kwang đơng lơgar hơ̆, tồ bơtau in ò kong bơta roh gơcoh lơi.

Daniel 3:1

Bơtau Nebukatnessar bơt dô nơm rùp ràk mơ màh jơnhoa prau jơt tal mơ ơnàng prau tal, mơ bơtào tòm ƀlàng Dura kơnhwàl Babilôn dê.