Daniel 12:11 - Sră Goh 2018

¹¹ Bơh tŭ tơngai pơndut phan ơn chu kòp ngai mơ bơtào gơs bơta ngkòr ngkàc lơh gơlik gơs bơta tơnroh gơprah gen rơp gơs dô rbô bàr rhiang sin jơt ngai.

Daniel 12:11 Σταυροειδείς Αναφορές

Lik Ejiptơ 29:38

Do la ală phan mê pal ơn sùm be òs kòp ngai hơđang cơnòng duh khoai: bàr nơm belàt kòn dô nam.

Ejekiel 4:6

Tơnơ̆ mơ tŭ mê neh lơh sir bơta hơ̆ gen mê pal bic sơrkềng să đah ma mơ àñ ơnòng bơta lơh glài hìu Juda dê. Añ neh lơh nền mê in tòm poan jơt ngai, dô ngai ala dô nam.

Daniel 1:12

“Dan ồng lòng tĕ ală cau duh broă ồng dê tòm jơt ngai, ai bol hi in sa mìng biap mơ hùc mìng dà lơm.

Daniel 11:31

Mpồl ling khai sồr rơp lơh ƀơ̆ ƀơl tiah sàng goh mơ ƀòn dờng kơp gàr; ò ai ơn phan ơn chu kòp ngai, mơ bơtào bơta ngkòr ngkàc la bơta lơh gơlik gơs bơta tơnroh gơprah gơpring.

Daniel 7:25

Cau bơtau hơ̆ rơp đơs ală jơnau tòmdră mơ Bơtau Hơđang Rlau Jơh, rồn bơklơn ală cau sàng goh Kơnràñ dê, mơ lơh nền tòmgơl sră kòp tơngai mơ bơta boh lam; ală cau sàng goh rơp kòl phi tòm tê khai tòm dô tơngai, ală tơngai mơ nggùl tơngai.

Daniel 8:26

Bơta gơtơnggŏ bơh ală trồ mho mơ ală trồ àng drim neh yal mê in hơ̆ la ngan. Mơya til tĕ bơta gơtơnggŏ do tài bơh gơ tơrgòm ală bơta gam jŏ jòng sồng tus.”

Daniel 9:27

Khai rơp lơh kơ̆ nền dô bơta ho bal mơ oă cau tòm dô poh, mơya tus di nggùl poh, khai rơp pơndut jơh phan ơn duh khoai mơ phan ơn; mơ tòm tiah bol khai dê rơp gơlik bơta ngkòr ngkàc, bơta hơ̆ tơnggơs bơta tơnroh gơprah, jơl tus di bơta lồi dut neh lơh nền tuh hơđang cau lơh tơrlah tơrling.”

Sră Ôse 3:4

Bơh làng bol Israel rơp kis jŏ ngai mơ ò gơs bơtau, ò gơs kwang at bồ, ò gơs phan ơn duh khoai, ò gơs cơnòng duh khoai, ò gơs ephot, mơ kung ò gơs theraphim.

Mathiơ 24:15

“Behơ̆ tòm tŭ bol mê gŏ bơta ngkòr ngkàc lơh gơprah gơpring Tiah Sàng Goh in, be cau gơnoar hwơr Daniel neh đơs, (cau lơi sền, wă tĕ),

Jơnau Niam Jat Mak 13:14

“Mơya tòm tŭ bol mê gŏ bơta rngòt rngơt dờng geh bơtào tòm tiah ò di pal bơtào (cau lơi sền wă tĕ) Gen cau lơi ơm tòm Jude, dô tĕ hơđang mơnơm,

Yal Tơlik 11:2

Mơya ƀlàng jơng gùng hìu duh khoai gen lòi tĕ bañ was, bơh tiah hơ̆ neh lòi ală làng bol bơdìh in; bol khai rơp jă ƀòn dờng sàng goh tòm poan jơt bàr kơnhai.

Yal Tơlik 12:6

Ai cau ùr hơ̆ dô pleh tòm ƀlàng bràs, tềng hơ̆ khai gơs dô bă tiah Yàng Tom Trồ neh rcang sir khai in, tòm tiah hơ̆ khai geh ròng siam tòm dô rbô bàr rhiang prau jơt ngai.

Yal Tơlik 13:5

Neh ai phan poan jơng in dô nơm bơr đơs ală jơnau pơnhừ să mơ tràl sơrbil di Yàng Tom Trồ, mơ gơ kung geh ai gơnoar at bồ tòm poan jơt bàr kơnhai.