Daniel 11:13 - Sră Goh 2018

¹³ Bơtau đah đang rơp pơjum dô mpồl ling gal rlau mơ lài tai, mơ tòm dô êt nam tơnơ̆, khai rơp tus bal mơ dô mpồl ling dờng mơ oă ngan phan tòmlơh.

Daniel 11:13 Σταυροειδείς Αναφορές

Daniel 11:12

Tòm tŭ neh lơh gơprah mpồl ling đah đang rau gen bơtau đah đơm gơlik pơnhừ să. Khai rơp tơnchơt tơlak tơmàn cau mơya khai ò geh pha jŏ jòng.

Daniel 11:14

Tòm tŭ hơ̆ gơs oă cau rơp bơtào tơngguh tòmdră mơ bơtau đah đơm. Ală cau iơh bơsak tòm làng bol mê dê rơp sòdră tồ gơlik di ngan be bơta gơtơnggŏ, mơya bol khai rơp kòl roh gơcoh.

Daniel 11:40

Tus di tŭ tơngai lồi dut, bơtau đah đơm rơp tòmlơh mơ bơtau đah đang. Bơtau đah đang cèng rơndeh tòmlơh, ling hào ơseh, mơ ơhò tòmlơh, brồ lơh bơtau đah đơm kung be càl rbut dờng. Khai rơp tòmpìt ai oă lơgar, lòt gan tơnroh bol gơ kung be dà kŏ.

Daniel 12:7

Cau klau soh bài che dơmài ntào hơđang dà hiòng pò tê ma mơ tê kiau hơđang trồ, mơ añ kơno khai ai sơnđan Bơtau gam kis sùm sùm dê mơ srat să lah: “Rơp rlau dô tơngai, ală tơngai, mơ nggùl tơngai; tŭ lơi gơnoar pràn làng bol sàng goh dê neh gơkòl roh gơprah jơh, gen tŭ hơ̆ ală bơta do rơp geh sir wil tơl.”

Daniel 4:16

Tòmgơl tĕ nùs kòn mơnus bơh di khai, mơ ơn nùs phan poan jơng khai in mơ lòi poh tơngai rơp rlau hơđang khai.