Daniel 10:14 - Sră Goh 2018

¹⁴ Tŭ do añ lòt tus nàng yal mê in git bơh ală bơta rơp gơlik gơs di làng bol mê dê tòm ală ngai tơnơ̆, bơh bơta gơtơnggŏ do gơwèt hơ tŭ tơngai òhềt tus.”

Daniel 10:14 Σταυροειδείς Αναφορές

Sơnròp Gơlik Gơs 49:1

Jakôp hòi ală kòn klau khai dê lòt tus mơ đơs lah: “Pơjum tĕ tềng do, añ rơp đơs ală bơta rơp gơlik ală bol mê in tòm ngai tơnơ̆.

Esai 2:2

Tòm ală ngai rơp tus, mơnơm hìu duh khoai Yàng Jehôwa dê rơp geh bơt bơtào jơnhoa hơđang rlau jơh ală mơnơm; gơ rơp geh tơngguh jòng rlau mơ ală dòr, mơ jơh ală làng bol rơp lòt kung be dà hòr tus tềng hơ̆,

Ejekiel 12:27

“Ơ kòn mơnus, hìu Israel đơs lah: ‘Bơta gơtơnggŏ mơ khai neh gŏ la bơh jŏ ngai lài òr, mơ jơnau đơs hwơr khai dê la bơh tŭ tơngai gam ngài.’

Ejekiel 38:16

Mê rơp lòt tus tòmdră mơ làng bol Israel Añ jê, kung be dô puk mhwal jơm gòm lơgar. Tòm ală ngai rơp tus, Ơ Gok, Añ rơp cèng mê tus tòmdră mơ lơgar Añ jê, tồ ală làng bol rgơi git Añ tòm tŭ Añ ràng tơlik să tòm Añ sàng goh bơh mê di đap mat bol khai.’”

Daniel 10:1

Tòm nam dơ̆ pe rài bơtau Sirus, lơgar Persia dê, gơs jơnau yal tơlik Daniel in, kung sơnđan la Beltesassar. Jơnau yal tơlik gơ la ngan, mơ gơyal bơh dô bơta sòdră dờng. Daniel git wă jơnau yal hơ̆, dòp mơ git wă jơnau gơtha tòm bơta gơtơnggŏ.

Daniel 12:4

Ai mê, Ơ Daniel, prap gàr tĕ bơta ndơp ndơr mơ tap ƀang kì ală jơnau tòm sră do jơl tus di tŭ tơngai lồi dut. Oă cau rơp lòt tềng do tềng dă mơ bơta git wă rơp gơbơtơl tai.”

Daniel 12:9

Khai ho lah: “Ơ Daniel, lơh tĕ broă tòm mê dê; tài bơh ală jơnau do neh prap lòi mơ tap ƀang kì rau jơl tus di tŭ tơngai lồi dut.

Daniel 2:28

Mơya gơs dô nă Yàng Tom Trồ ơm hơđang trồ rgơi yal tơlik ală bơta ndơp ndơr, mơ Kơnràñ neh yal bơtau Nebukatnessar in git bơta rơp tus tòm ală ngai lồi dut. Do la bơta mpau mơ bơta gơtơnggŏ mơ bơtau neh gŏ tòm tŭ bic hơđang cơnòng bic:

Daniel 8:16

Mơ añ kơno jơnau dô nă cau klau bơh di hiòng Ulai hòi mơ đơs lah: “Ơ Gabriel, yal tĕ cau do in git jơnau gơtha bơta gơtơnggŏ hơ̆.”

Daniel 8:26

Bơta gơtơnggŏ bơh ală trồ mho mơ ală trồ àng drim neh yal mê in hơ̆ la ngan. Mơya til tĕ bơta gơtơnggŏ do tài bơh gơ tơrgòm ală bơta gam jŏ jòng sồng tus.”

Daniel 9:22

Khai tus mơ yal loh añ in lah: “Ơ Daniel, tŭ do añ tus nàng ai mê in bơta àng loh mơ git wă.

Sră Ôse 3:5

Tơnơ̆ mơ hơ̆, làng bol Israel rơp rê wơl jòi jat Jehôwa la Yàng Tom Trồ bol khai dê, mơ Dabit la cau bơtau bol khai dê. Tòm ală ngai lồi dut bol khai rơp rngòt rơm să mơ rê wơl hơ Yàng Jehôwa, mơ dòp geh bơta lơngai lơngò Kơnràñ dê.

Mice 4:1

Tòm ală ngai rơp tus, mơnơm hìu duh khoai Yàng Jehôwa dê rơp geh bơt bơtào hơđang tiah jơnhoa rlau jơh ală mơnơm dê, gơ rơp geh yò tơngguh hơđang ală dòr, mơ ală làng bol rơp lòt tus tềng hơ̆ kung be dà hòr.

Habakuk 2:3

Bơh bơta gơtơnggŏ pal gơn tus di tŭ lơh nền; gơ đơs bơh bơta lồi dut, mơ ò đơs blac. Bulah sền gơlơh be òbat tus, gơn tĕ gơ; ngan gơ rơp tus mơ rơp ò lơh òbat.

Khà Làng Bol 24:14

Tŭ do añ rê wơl hơ làng bol añ jê mơya tus tĕ, lòi añ yal lài bơtau in bơh bơta làng bol do rơp lơh di làng bol bơtau dê tòm ală ngai rơp tus.”

Yal Wơl 31:21

Mơ tòm tŭ gơs oă bơta rung rài bòl glar gơtơntus di bol khai gen bơta đơs chò do rơp lơh cơng tòmdră mơ bol khai tài bơh ală kòn sau bol khai dê rơp ò hŭi bơta đơs chò do. Bơh Añ git lài rau ñchi bơta bol khai rơp lơh tòm tŭ Añ cèng bol khai mut tòm lơgar mơ Añ neh ho ai bol khai in.”

Yal Wơl 31:29

Bơh añ git lah tơnơ̆ mơ tŭ añ neh chơt rau gen ngan la bol mê gơlik gơs iơh rmơh mơ pơrlac sang gùng dà mơ añ neh bơto sồr bol mê. Tòm ală ngai rơp tus, oă bơta rung rài rơp dùh hơđang bol mê tài bơh bol mê rơp lơh bơta iơh bơsak di đap mat Yàng Jehôwa mơ bơrcek Kơnràñ gơhào gơjrañ bơh ală broă tê bol mê neh lơh.”

Yal Wơl 4:30

Tòm tŭ bol mê gơs bơta bòl glar kalke mơ jơh ală bơta do gơlik gơs di bol mê, gen tòm ală ngai lồi dut bol mê rơp rê wơl hơ Jehôwa Yàng Tom Trồ bol mê dê mơ dòn bơr Kơnràñ.

II Timôthe 3:1

Git tĕ lah tòm ală ngai lồi dut rơp gơs ală tŭ tơngai bòl glar kalke.

Hebrơ 2:3

mơ dilah bol he sang lòi bơta dong klàs dờng behơ̆, gen mbe bol he geh klàs taih? Sơnròp ngan, să tòm Yàng neh bơto yal bơta dong klàs hơ̆, mơ ală cau neh kơno Kơnràñ neh lơh cơng bol he in bơta hơ̆ la ngan.