Cau Bơto 7:5 - Sră Goh 2018

⁵ Chan iat jơnau lah pơrhơng cau jak chài, niam rlau mơ iat bơta đơs chò ală cau tùl gơla dê.

Cau Bơto 7:5 Σταυροειδείς Αναφορές

Đơs Crih 141:5

Lòi cau song ring pù lơh añ; hala cau dòn song bơto pơnniam wơl añ. Mơya bañ lòi mơñà cau iơh bơsak dê bong di bồ añ, Bơh añ hòi dan sùm tòmdră mơ ală broă iơh bơsak bol khai dê.

Đơs Crih 69:12

Ală cau nggui di mpồng ƀòn đơs joh bơh añ; Añ la jơnau đơs chò ală cau bơñul ñô dê.

Jơnau Pơnđik 13:13

Cau lơi sền òsơp jơnau bơto sồr, cèng bơta roh gơprah bol khai in; Ai cau lơi duh rngòt bơta boh lam, gen geh phan ƀàn.

Jơnau Pơnđik 13:18

Cau lơi pơndang sang bơta bơto tơngkah rơp kong rƀah rƀừp mơ ƀàssìl ƀàsso; Mơya cau lơi dòp prap jơnau lah pơrhơng geh jòng màng.

Jơnau Pơnđik 17:10

Jơnau lah pơrhơng gơmut jrô tòm cau jak chài, Rlau mơ dô rhiang gai pòng di cau bơrngơl.

Jơnau Pơnđik 25:12

Cau jak chài lah pơrhơng trồm tồr jak iat, ò gơkrơi be dô dơwàng kòng màh, dô nơm phan bơka să mơ màh ngan sơl.

Jơnau Pơnđik 27:6

Cau bơyô lơh jê sồt, hơ̆ bơh nùs dòn song; ai bơta cum ƀô cau gơjrañ mañ dê la ma blac.

Jơnau Pơnđik 6:23

Bơh bơta sồr lam la dô nơm ồs đèng, boh lam la bơta àng, mơ bơta lah pơrhơng bơto tơngkah la gùng bơta kis dê.

Jơnau Pơnđik 9:8

Bañ lah pơrhơng cau dơñŏ tơnhial, rngòt khai gơjrañ kòn; Lah pơrhơng tĕ cau jak chài, gen khai rơp kòñ gơboh kòn.

Cau Bơto 12:11

Jơnau đơs cau jak chài dê be dô nơm mơng pù tơmàl; be dô nơm đìn pơng kơ̆ ngan ală jơnau rơndap ală sèng pơnđik dê, neh geh ai gơ bơh dô nă cau ê belàt.

Cau Bơto 7:4

Nùs cau jak chài ơm tòm hìu ƀồc, ai nùs cau tùl gơla ơm tòm hìu chò hòp.

Cau Bơto 9:17

Jơnau đơs lơbơn cau jak chài dê geh cau iat, rlau mơ jơnau driau nggà dô nă cau at bồ digùl ală cau bơrngơl gơla.

Yal Tơlik 3:19

Ală cau lơi Añ kòñ gơboh, gen Añ lah pơrhơng mơ lơh glài tơmàl sơl; behơ̆ gơs tĕ nùs ngac ngar mơ gơjrañ sang glài tĕ.