Cau Bơto 2:14 - Sră Goh 2018

¹⁴ Cau jak chài gơs gar mat tòm bồ bol khai dê, mơya cau tùl gơla cơnđòa lòt tòm bơta klam jơngo. Bulah behơ̆, añ sền gŏ jơh bàr gơs dô rài kis gơlik tus ndròm bal.

Cau Bơto 2:14 Σταυροειδείς Αναφορές

Đơs Crih 49:10

Ngan, khai rơp gŏ bulah cau jak chài kung chơt, Cau bơrngơl mơ cau gơla kung pal chơt roh behơ̆ sơl, Mơ lòi phan mơna he dê cau ndai in.

Jơnau Pơnđik 17:24

Gơs bơta jak chài di đap cau àng loh; Ai mat cau tùl gơla ơm tòm tiah lồi dut plai ù.

Cau Bơto 9:11

Añ gŏ tai hơđơm mattơngai gơs cau ntoat pơrlòng ò mhar, hala cau pràn kơldang ò geh pha tòm bơta tòmlơh, cau jak chài ò geh piang lă, cau pas gơs ò dòp geh jak chài, mơ cau chài rgơi ò geh nđàc; bơh tŭ tơngai mơ tŭ lơmpah gơlik tus kòp nă cau in.

I Jang 2:11

Mơya cau lơi gơjrañ kơuềng di oh mi he, gen ơm tòm bơta klam jơngo, lơh lòt tòm bơta klam jơngo, mơ ò git ntềng đah he lòt tài bơh bơta klam jơngo neh lơh jơngo mat khai dê.

Cau Bơto 3:19

Bơh rài kis jơi kòn mơnus dê mbe lơi, gen rài kis jơi phan poan jơng kung behơ̆ sơl; bơta chơt jơi do dê kung be bơta chơt jơi ne dê. Bol khai gơs nhơm tă ndròm bal, jơi kòn mơnus ò rlau mơ jơi phan poan jơng, bơh jơh ală la roh lơm.

Cau Bơto 9:16

Behơ̆ añ đơs lah: Bơta jak chài niam rlau mơ pràn kơldang; mơya bơta jak chài cau rƀah dê kong sền òsơp, mơ jơnau đơs khai dê cau ò ai tồr iat.

Cau Bơto 8:1

Ñcau ndròm be cau jak chài taih? Ñcau git yal tơlik jơnau gơtha dô nơm phan taih? Bơta jak chài pơnđàng sòl muh mat cau, mơ tòmgơl muh mat kràñ cê.

Cau Bơto 7:2

Lòt tus hơ hìu gơs cau chơt rlau mơ lòt tus hơ hìu yò sa dờng; bơh do la bơta lồi dut kòp nă cau dê; mơ cau kis rơp ơn gơtòm nùs.

Cau Bơto 6:6

Bulah cau kis dô rbô nam hala bàr rbô nam, mơ ò geh dòp dô êt lơngai lơi, ò di jơh tơl nă kung rê bal dô bă tiah ò ơ?

Jơnau Pơnđik 14:8

Bơta chài rgơi cau jak chài dê, hơ̆ la wă loh gùng dà he; Mơya bơta lu sơnrang cau tùl gơla dê la bơta blac pơrlồm.

Đơs Crih 19:10

Ală bơta hơ̆ màng rlau mơ màh, ngan la màng rlau mơ oă màh ngan; Mơ kung lơngồt rlau mơ dà lơwe, rlau mơ dà bồ sing lơwe dê.

Cau Bơto 2:16

Bơh ò gơs cau kah cau jak chài hala cau bơrngơl gơla sùm sùm; sền gŏ bơta hơ̆ tòm ngai rơp tus jơh tơl nă neh gơkòl hŭi jŏ jòng rau. Mbe cau jak chài rgơi chơt kung be ală cau bơrngơl gơla taih?

Đơs Crih 49:11

Bơtô ƀồc bol khai la hìu ơm bol khai dê gam sùm sùm, La tiah ơm bol khai dê tòm jơh ală rài, Bulah bol khai neh gơs ù tiah tòm bol khai dê.

Cau Bơto 6:8

Ñchi cau jak chài gơs rlau mơ cau bơrngơl gơla taih? Mơ ñchi cau rƀah gơs bơh khai git gơwèt niam mơ cau kis taih?