तितूस 3:1 - Korwa Bible

¹ ने तितूस, परधानकू अरू हातपातदारकूराः कता मनावकियानखन हँकूराः आड़रे दोहोन लगा अरू जमा नपाय बुता बुता लगा सपड़ावतोकू दोहोन लगा बिसवासी होड़कूम कता उहियारगोड ञवन।

तितूस 3:1 Σταυροειδείς Αναφορές

मती ओजाःतेरा भगवानराः नपाय सरवन 22:21

दो हँकू कतातेड, “मरंग राजा कइसरराः इदा।” दो ईसू हँकू एचेरेय कतातेड, “मरंग राजा कइसरराः हवे हान, हाँयपे एमेवा अरू भगवानराः हवे हान भगवानपे एमेवा।”

1 कुरिंती 15:58

दो ईंगरिकुःआ अजी बोपोहकूतिंग, अपे ईसू एचेरेपे बिसवासगोड ञवन, अरू अलोपे टास-मासगुः। अनंगेर अंगेरते परबू लगापे बुतागोड ञवन। अपे सुदीबाःका, परबू लगापे मिहनइतगेतना हान, सदाःआ ओनोरो होयानेना।

इपीसी 2:10

अबू भगवानरिकुःआ तुलात होड़कू हवे अरू मनाड़ंगते अबू लगाय सपड़ाव दोहोकेरा हनानाः नपाय बुताकून ईसू मसीते एचेय लगाय तुलाकेडबुःआ।

पिलिपी 1:11

नाःआ इयाःआ नपाय लूर-नेवन ईसू मसीते अपेराः जीवरे होयाःता, अरू हनाते होड़कू भगवानकू जाग अरूकू मान मरजइतगेय।

कुलूसी 1:10

जेमहा अपे परबूराः हिछा इया जियाः घड़ीनपे ननायगोडेय, जमालेःआ नपाय बुतापे एचे अवेय, अरू भगवान अनउर नपायतेपे सुदीगोड ञवन।

1 तिमुतियूस 2:2

आम, राजाकू अरू सरकाररिकुःआ हातपात होड़कू लगा अरजीगे लगा इदा, जेमहा अबू सलसतरे अरू बेगर बोरते भगवान जाग घड़ीन सुद जीवबू जियाव अवेन।

1 तिमुतियूस 4:6

नाःआ कताकून जमा बिसवासी होड़कूम चेडगोड ञवन दो, ईसू मसीरीग नपाय सेवकिया होड़मे बड़ाँःता। आम मनाः घड़ीन दरवामेःआ हना बिसवास अरू सताय सरवनराः कताकूनते आमराः पला दरी होनोयागोड ञवनता।

1 तिमुतियूस 5:10

हाँयग रंडियाहीन बदीरे एटाः होड़कू नाःआ हिदइत, उउदुः लगा इदा, हाँय एटाः होड़कू लगा नपाय संघराय एमेःआ, अनँयग लइंकूय पला दरीतेरा, गुतिया होड़कू होंय नेत-नेवारतेरा, भगवानरिकुःआ सुद होड़कूराः काटे बुहालतेरा अरू सिकिसतारेकू दोहोना हँकुःआ होड़कूय संघरावातेरा अरू हाँय एटाः एटाः इयाःआ नपाय बुता एचेगे लगा लगले इदानिया, माःआन।

2 तिमुतियूस 1:6

हनालगा ईंग आम बोःरे तिःई खेपाकेडखनिंग अरजी मेला भगवान दहिनवाडमेःआ हनाम वेर बडेगे लगा आमिंग एचे उहियारतना।

2 तिमुतियूस 2:14

दो नाःआ कता बिसवासी होड़कूम कता उहियार ञवनकू। तोनोंग नफा मेर होयाःता अरू अयुमेताकू हँकुःआ होड़कूराः जीव आडगोडता हना लबदकून बदीरे अलोकू अड़ा-चउकी लगा भगवान मड़ंगरेम सेतावकू।

2 तिमुतियूस 2:21

तोनोंगीग होड़ अनँयग जीव बेलूर कता अते कगराव हड़ाःगेता दो, हाँयग होड़राः जीव सुद होया जुवाःता अरू ननपाय बुता एचे लगा ओड़ाः मालिकके उपयोतगेयीगे होयाःता।

तितूस 1:16

हँकू कतनता, अले भगवानले सुदीयतना, माःआन। मनदो हँकूराः बुताते भगवानकू आड-बेकारवायता। हँकू भगवानराः कता मेरकू मनवेता अरू एरांगवा इया इदानकुःआ अरू तोनोंगाः नपाय बुता जुकूर कोवाकुःआ।

तितूस 2:14

हाँय अनँयग आँयगते गुजुः लगाय जिमायान, जेमहा अबूराः जमा बरानाः बेलूर नेवन अते सडावकेडबूखन नपाय बुता बुता लगा ओसताज इदानकुःआ अनँयगरिकुःआ सुद होड़कूबू बड़ाँव अवेन।

तितूस 3:14

ने तितूस, अबूरिकुःआ होड़कू नपाय बुता एचेगोड ञवन लगाम चेडकू, जेमहा जरूरइत मेला संघरा अवेवाकूकू अरू हँकुःआ होड़कूराः जीव सदाःआ ओरो होयानेना।

तितूस 3:8

नाःआ कता सनाताय हवे। ईंग चहाःतना आम भल-भलाय अरू जमाकू नफा पवाः लगा इदा हना कताकून तिंगीड घड़ीनमे चेडकू, जेमहा भगवान एचेरेकू बिसवासकेरा हँकुःआ होड़कू नपाय नपाय बुता तिंगीड घड़ीनकू एचे हड़ाःगे।

इबरानी 13:21

दो हाँयग भगवान अपे आँयगराः हिछापे पुरावगोड लगा जमालेःआ नपाय कताकूनतेय ओसताजगोडपे लगायिंग अरजीतना। अरू भगवान ननायगुःता हना कताकून ईसू मसीते अपे एचे अवेय लगा भगवान अपेय संघरावा लगा होयिंग अरजीतना। सगर सइट होड़कू ईसू मसीकू जागगोड ञवन। आमीन!

2 पतरस 1:12

हनालगा ईंग चेडकेडपेःआ हना कता अपे सुनुदीबाःगोतेरा, अरू हनानाः सताय कतारे बड़ियाड़ इदानपेःआ। हनते हों नाःआ कता बदीरे ईंग अपे उहियारगोड ञवन लगा सपड़ावतोयिंग दोहोनता।

जूदा 1:5

अपे मड़ंगतेपे सुदीयतना, हना कता अपेयिंग एचे उहियार अगूपेतना। परबू इसराएल होड़कू मिसिरी देसराः बेगारी बुता अते सडावतेडकूखने एचे उडुंगतेडकुःआ, मनदो तयोमरे हाँय एचेरे मेरकू बिसवासगाड हँकुःआ होड़कूय लाय एंडागोतेडकू।