तितूस 1:3 - Korwa Bible

³ अरू अबूरीग सडावदार भगवानराः हुकुमते तोल दोहोत बेलारेय जिमावरिंगा अनँयगराः नपाय सरवन ईंगराः परसारते हनानाः असरा होड़कूय एचे सुदीकेडकुःआ।

तितूस 1:3 Σταυροειδείς Αναφορές

मरकूस 1:15

हाँय कताया, “नाःआ बेला भगवान तोल दोहोतेरा हना बेला हवे अरू भगवान अपे एचेरे राइजगे लगाय बुँहड़ीकेरा। हनालगा अपे कसूर अते जीवपे कुदा अरू नपाय सरवनरेपे बिसवासगे।”

मरकूस 13:10

नाःआ इया जमा होयाः अते मड़ंग ईंगराः नपाय सरवन जमा जइत होड़कू एचेरे उउदुः लगा इदा।

मरकूस 16:15

हनते ईसू हँकू एचेरेय कतातेरा, “अपे नाःआ जमा चउंदीसरिकुःआ होड़कू एचेरे सेनेकियानखन नपाय सरवनपे परसारगोड।

लूका 1:47

अरू ईंगराः इंदरी ईंगरीग सडावदार भगवान एचेरे बहालगुःतना।

मूक चेलाकू 10:36

अपे नपायतेपे सुदीतना, जमाकूरीग परबू इदानिया हाँयग ईसू मसीते भगवान ननानाः सलसतराः नपाय सरवन एचे परसार उदुःतेडखन इसराएल होड़कू एचेरे हना सरवने वारगोतेडा।

मूक चेलाकू 17:26

भगवान मिनी होड़ते चउंदीसरे दोहोन लगा चउंदीसरिकुःआ जमा जइत होड़कूय तुलाकेरा अरू हाँय हँकुःआ होड़कू करा देसरे अरू तुमिन बेलामिन दोहोन लगा इदा, हना जमाकूने ओंगोल दोहोकेरा।

रूमी 15:19

ईंग बयाव जुवाः इयाःआ बुता अरू चिनहाकूनिंग एचेय लगा, हाँय सुद बिरुवाराः जंगरे एमेवारिंगा। नाःआ इया एरुसलेम सहर अते इलुरिकूम छतर वरी ईंग ईसू मसीराः नपाय सरवन मुरुक बगरा होड़कू एचेरेयिंग परसार उदुःकेरा।

रूमी 16:25

भगवानराः जाग होयाः। हाँय ईसू मसीराः नपाय सरवन ईंग अरू एटाःकू परसारकेड अते अपेराः जीव बिसवासरेय एचे बड़ियाड़ अवेपेता। नाःआ नपाय सरवन मड़ंग जूग वरीते जमा जइत होड़कू लगा ओकोत इया दोहोना।

रूमी 16:26

मनदो नुँहू हना सरवन भगवान अनँयगराः बड़रा कता होड़कूते अरू सगर सइट वरीय दोहोनता हाँयग भगवानराः हुकुमते जमा जइत होड़कू एचेरेय एचे उदुःवाडकुःआ, जेमहा जमा होड़कू हाँय एचेरे बिसवासकेडखन हाँयराः हुकुम मनाः होड़कूकू बड़ाँव जुवाः।

रूमी 5:6

अबू अबड़बू दोनोहोन मेला, भगवान तोल दोहोतेरा हनानाः बेला, ईसू मसी अबूराः कसूर बदलारेय गोएगनेना।

1 कुरिंती 9:17

ईंग इनिंगराः हिछातेयिंग परसारगेतान दो हनाराः इमानिंग पवाःता। मनदो ईंगे जिमेवारा, हनालगा ईंगके पपरसार पनाराःता।

गलातिया 4:4

मनदो भगवान तोल दोहोतेरा हना बेलारे हाँय अनँयग बेटात नाःआ चउंदीसरेय वारतिरिया अरू हाँय मी होड़ अइमी एचेरेय जनमावनेना अरू नियम मनाः घड़ीने दोहोना।

इपीसी 1:10

अरू भगवान तोल दोहोकेरा हनानाः बेलाराः बुइद इया, सेरमोरे अरू ओतरे इदानकुःआ, हँकुःआ जमाकू मसीराः हातपातरेकू होया जुवाः।

इपीसी 2:17

हाँय वेगनेनखन भगवान अते तोरेकू दोहोना अरू भगवानराः लेसानरेकू दोहोना, हँकुःआ जमा होड़कू एचेरे सलसतराः सरवने कता उदुःतेरा।

पिलिपी 1:13

मरंग राजा कइसरराः गड़हीरिकुःआ अगुरादारकू अरू मुरुक होड़कू ईंग बदीरेकू सुदीगोतेडा, हाँय ईसू मसी बदीरेय परसारतेरा। हनालगा जेहेलरे सींगतो इदानिया, माःआन।

कुलूसी 1:23

मनदो मसीरे अपेराः बिसवास निठा अरू बनड़ियाड़गोड ञवन लगा इदा। अरू नपाय सरवनतेपे पवावकिया, हना असरा अपे अहापे अड़गे। अपे अयूमकेरा हनानाः नपाय सरवन चउंदीसरिकुःआ मुरुक होड़कू होंकू अयूमकेरा। अरू ईंग पउलूस ननानाः सरवन परसारगे लगा भगवानरीग सेवकिया होड़िंग बड़ाँवनेना।

कुलूसी 1:6

अपे भगवानराः सरवनपे अयूमकेरा, अरू जमालेःआ सतायते हाँयराः मयापे बुझावकिया, अरू हना वरीते अपेराः जीवरे नफा होयाकिया। ननन इया नाःआ नपाय सरवन, चउंदीसरिकुःआ जमा होड़कू एचेरे सेड़यावयना, अरू हँकू लगा हों नफा होया ञवनतना।

1 तिसलूनिका 2:4

मनदो भगवान लुंबाड़ दोहोकेडकूखन नपाय सरवन कता उदुःगे लगाय जिमावाडकुःआ हँकुःआ होड़कू इयाले कतातेरा। हनालगा होड़कू एचे ननायकू लगा कोवान, मनदो अबूराः ओंगोले जासता हाँयग भगवान ननायगेय लगाले कतायतना।

1 तिमुतियूस 1:1

ने तिमुतियूस, अबूरीग सडावदार भगवान, अरूबू असराता हाँयग ईसू मसीराः हुकुमते ईसूरीग मूक चेलायिंग बड़ाँवनेना, ईंग पउलूस,

1 तिमुतियूस 1:11

अरू अगम नपाय भगवान ईंगे जिमावारा हना जागगेयाः नपाय सरवनते नाःआ नियम खाप जोमता।

1 तिमुतियूस 2:3

नाःआ दो नपाय इदा अरू अबूरीग सडावदार भगवान नाःआतेय ननाय जुवाःता।

1 तिमुतियूस 4:10

जीयत इदानिया हाँयग भगवान एचेरे अबूराः असरा इदा। हाँय जमा होड़कूरीग सडावदार हवे अरू हाँय आँयग एचेरेकू बिसवासगेता हँकुःआ होड़कूय सनाडावबाःकूता। हनालगा अबू मिहनइत घड़ीनबू सेसेवातना।

2 तिमुतियूस 4:17

मनदो ईसू मसी ईंग सुदाय दोहोना अरू हाँयराः जमा सरवन बेगर एहूदाकू एचेरे परसार उदुःगे लगा हाँय ईंगे संघरावातेडिंगा अरू गुजुःराः दूरतेय बनसावतिरिंगा।

तितूस 2:10

अरू तोनोंगाः जिनिस इनिग गोगे लगा कोवानेःआ, मनदो हँकू हँकुःआ मालिककू एचेरे भरसागेयीग होड़कू दोहोन इदा, जेमहा हँकूराः नपाय लूर-नेवन ञेलकेडखन अबूरीग सडावदार भगवानराः सरवन होड़कू एचेरे अनउर मान मरजइत होयाः।

तितूस 2:13

अरू अबूरीग मरंग भगवान अरू सडावदार ईसू मसी मान मरजइत सुदा चउंदीसरेय कुदा वेगता हना दिन लगा बहालते असरा घड़ीनबू टकागोड ञवनतना।

उदुःतो कताकून 14:16

दो बदरीरेय दुड़ुःकुःआ हाँय, अनँयगराः दतरोम चउंदीसरेय सलावतेरा अरू चउंदीसराः सरा ईरयान।