तितूस 1:16 - Korwa Bible

¹⁶ हँकू कतनता, अले भगवानले सुदीयतना, माःआन। मनदो हँकूराः बुताते भगवानकू आड-बेकारवायता। हँकू भगवानराः कता मेरकू मनवेता अरू एरांगवा इया इदानकुःआ अरू तोनोंगाः नपाय बुता जुकूर कोवाकुःआ।

तितूस 1:16 Σταυροειδείς Αναφορές

रूमी 1:28

हँकू भगवान मेरकू मनेवायता अते, अँकूराः बेनेलूर ओंगोल इयाकू एचेय लगा भगवान अनाड़ाः एंड़ागोतेडकुःआय।

इपीसी 5:6

तोनोंगीग होड़ अँकूराः लबरा चेडतोते अलोकू अडिग अवेपे। बेलूर बुता एचेकेडखन भगवानराः कता मेरकू मनाःता हँकुःआ होड़कू एचेरे भगवान रीस रंजाव जुवाःताय।

1 तिमुतियूस 1:9

अबू नाःआ हों सुदीयतनाबू, भगवानराः नियमकून बेगर गारबार होड़कू लगा मेरेय तुलागाड। मनदो गारबार अरू तुड़ेंग-तपेग होड़कू लगा, भगवान मेरकू मनाःता अरू कसूर होड़कू लगा, सुद कोवानेःआ अरू बेलूर होड़कू लगा, एंगात अपातकू ञेड एंडात होड़कू अरू ञेड एएंडा होड़कू लगा,

1 तिमुतियूस 5:8

अँननकू ओड़ाःरिकुःआ होड़कू मेरकू पला दरीकूता, हँकुःआ होड़कू अँनकूराः बिसवासकू अड़ाःगोतेडा अरू बेगर बिसवासी होड़कू अते हों बेनेलूर इदानकुःआ।

2 तिमुतियूस 3:17

जेमहा भगवानरिकुःआ होड़कू जमालेःआते नपाय नपाय बुता बुतागे लगा उडु-बुडूत अरू सपड़ावतोकू दोहोन।

तितूस 3:1

ने तितूस, परधानकू अरू हातपातदारकूराः कता मनावकियानखन हँकूराः आड़रे दोहोन लगा अरू जमा नपाय बुता बुता लगा सपड़ावतोकू दोहोन लगा बिसवासी होड़कूम कता उहियारगोड ञवन।

तितूस 3:3

मड़ंगरे अबू बोको होड़कू अरू भगवानराः कता मेरबू मनाःआ, अडिगतोबू दोहोना अरू जमा बरानाः बेलूर ओंगोलकूनते बझावतोबू दोहोना। अबूराः जीव टेनसाहा अरू इराते पेरेगतो दोहोना, अबू एरंगवा इयाबू दोहोना अरू हिनइस-बिनइस होड़ेंगाबू।

1 एहुना 2:4

तोनोंगीग होड़ कताय, ईंग भगवानिंग सुदीयतना, माःआन मनदो हाँय भगवानराः नियम मेरेय मनाःता दो हाँय लबरा होड़ हवे अरू भगवानराः सताय कता मेरेय सुदीयतना।

जूदा 1:4

सतायरे बिसवासी होड़कू ना लवे अरू डंडियावकू लगा मड़ंग वरीते भगवान एटाःकेडकुःआ, हँकुःआ तोनोंग तोनोंग होड़कू ओनोक दनंगते अपे सुदाकू मेसायना। हँकुःआ होड़कू भगवान मेरकू मनेवायता अरू भगवानराः मया हुडिंग ओंगोलवाडखन सनहा-सनहीकू एचेता अरू मिनीटोंग परबू भगवान इदानिया, अबूरीग परबू ईसू मसीकू आड-बेकारवायतना।

उदुःतो कताकून 21:27

तोनोंगीग तोनोंगाः बेलूर जिनिस हना सहररे ओरोकू गोः बोलोतेरा। अरू बेलूर होड़कू अरू अडिग होड़कू हना सहररे कहियो ओरोकू बोलो अवेनेना। मनदो भेड़ा होनराः कागदरे ञाव ओजाःतो इदा हँननकुःआ होड़कू एकला हना सहररेकू बोलता।

उदुःतो कताकून 21:8

मनदो पोंकाहा होड़कू, अरू बेगर बिसवासी होड़कू, अरू एरंग होड़कू, अरू ञेड एएंडा होड़कू, अरू सनहा-सनही होड़कू, अरू पपंगाड़ होड़कू अरू मुरती सेवा होड़कू अरू जमा लबरा होड़कू, हँकू जमाकू हना सेंगेल अरू हितकाःतो लेटे दिरिराः हुडिंग समुंदररेकू रेमगे बोलोगोडकूता। अरू ननानाः हवे बार नमार गुजुः।”