रूमी 8:7 - Korwa Bible

⁷ कसूर लूर-नेवन इयाकुःआ होड़कू नियमकून मेरकू मनाःता अरू ओरोकू मनाव अवेनेना,

रूमी 8:7 Σταυροειδείς Αναφορές

मती ओजाःतेरा भगवानराः नपाय सरवन 12:34

ने महुरा बींग उड़ी होड़कू, अपे बेलूर इदानपेःआ दो, करा उड़ी अपे नपाय नपाय बड़रापे कता अवेयता? अबूराः आहते उडुंगगुःता हना बड़राराः सोर अबूराः जीव हवे।

मती ओजाःतेरा भगवानराः नपाय सरवन 5:19

हनालगा तोनोंगीग होड़ भगवानराः नियमकून अते हुनुडिंगाः नियमे टड़ावगोडता अरू हनन इयाय चेडकूता दो, हाँय भगवानराः राइजरे जमाकू अते हुडिंग कतावाडिगखनकू रगेयता। मनदो हना नियमकूने मनाःता अरू एटाः होड़कूय चेडता, हाँयग होड़ भगवानराः राइजरे जमाकू अते मरंग कतावाडिगखनकू रगेयता।

एहुना 7:7

चउंदीसरिकुःआ होड़कू अपे सुदा मेरकू हिनइस-बिनइस अवेयता। मनदो ईंग हँकूराः बुता बेलूर इदा माःआन हँकू बदीरेयिंग कतातेरा। हनालगा हँकू ईंगकू हिनइस-बिनइसवाता।

रूमी 1:28

हँकू भगवान मेरकू मनेवायता अते, अँकूराः बेनेलूर ओंगोल इयाकू एचेय लगा भगवान अनाड़ाः एंड़ागोतेडकुःआय।

रूमी 1:30

हँकुःआ होड़कू भगवानकू हिनइस-बिनइसवाता, एटाः होड़कूकू एचे बेग-हतागेयता अरू बड़वार होड़कू इदानकुःआ। हँकू कसूरगे लगा नँवा नँवा बुइदकू तुलाता अरू एंगा अपाराः कता मेरकू मनाःता।

रूमी 3:31

दो अबूराः बिसवास अते नियम सदाःआ होया जुवाःता जा? कोनोवानेःआ। बिनिसवासते अबू जमालेःआ नियमकूनबू एचे पुराव अवेता।

रूमी 5:10

अबू भगवानरिकुःआ मुदइ होड़कूबू दोनोहोन मेला, हाँय अनँयग बेटा गुजुः लगा एमेतिडिगखन अनँयग सुदाय हेल-मेलगोतेडबुःआ। नुँहू अबू हाँय सुदाबू हेल-मेलयना अरू ईसू मसी जीयत इदानिया दो हना अते चिला लगा मेरेय बनसावकेबुःआ?

रूमी 7:22

ईंगराः इनिंदरी इंदरीते भगवानराः नियमिंग एनेचेय लगा बनाहालतेयिंग दोहोनता।

रूमी 8:4

दो नुँहू अबू कसूर जीवराः ओंगोल इया मेरबू सलाःतना। मनदो सुद बिरुवाराः ओंगोल इयाबू सलाःतना। ननानाः लगा नुँहू अबू जमालेःआते नियमकूनबू मनाव अवेनता।

1 कुरिंती 2:14

सुद बिरुवा तोनोंगीग होड़ एचेरे मेरेय दोहोन दो, हाँय सुद बिरुवाराः कताकून मेरेय मनाःता अरूय एरांगवाता। सुद बिरुवा एकला भगवानराः कताकूने एचे सुदीकूता। हनालगा हँकुःआ होड़कू हना कताकून मेरकू बुझाव अवेनता।

1 कुरिंती 9:21

मोसेसराः नियम मेरकू पवावगना हँकुःआ होड़कू तलारे ईंग दोहोन मेला, हँकुःआ होड़कू इयायिंग बड़ाँवनेना, जेमहा हँकू ईसू एचेरेकू बिसवास अवेय। ईंग मोसेसराः नियम टड़ावीग होड़ कोवायिंगा, मनदो ईसू मसी चेडकिरिंगा हनन इया हना नियमिंग मनाःता।

कुलूसी 1:21

मड़ंग अपे भगवान अते तोरेपे दोहोना। अपेराः बेलूर ओंगोल अरू लूर-नेवनते अपे भगवानरिकुःआ मुदइकूपे दोहोना।

कुलूसी 2:18

भगवान अपेय एमेवापेता हना इमान अते तोनोंगीग अपे अहाकू अडिग अवेपे लगा सवासितीपे दोहोन। हँकुःआ होड़कू अँननकू हुडिंगकू बड़ाँव अडिगता, अरू सेरमोरिकुःआ बराहीलकूकू जागता। नाःआ इयाकुःआ होड़कू दरसनरेकू ञेल कता, हनानाः कताकून बदीरे, ओंगोल घड़ीनकू कता उदुःगोड ञवनता, अरू अँननकूराः ओंगोल इया बेगर लूर कताकूनरेकू बड़वारता।

2 तिमुतियूस 3:4

हँकू अडिग होड़कू अरू बेगर बुइदतेकुःआ होड़कू होया जुवाःता अरू बड़वारगुः होड़कू अरू भगवान एचेरे बहालगुः अते अँननकू बहालगुः लगाकू ओंगोल ञवनता।

इबरानी 8:10

परबू कतायतना, हना दिनराः तयोमते इसराएलरिकुःआ होड़कू सुदा नाःआ इयायिंग कता-जमकावगेता। ईंग ईंगराः नियम हँकूराः जीवरेयिंग दोहोगोडता, अरू हँकू इंदरीरेयिंग ओजाःगोडता। ईंग हँकूरीग भगवानिंग दोहोनता अरू हँकू ईंगरिकुःआ होड़कूकू दोहोनता।

एकूब 4:4

ने सनहा-सनहीत होड़कू, अपे मेरपे सुदीयता जा, अपे नाःआ चउंदीसराः जिनिसकूनपे मंजूरवाता दो, अपे भगवानपे हिनइस-बिनइसवाता। तोनोंगीग होड़ चउंदीसराः जिनिसकून मंजूरगे लगाय चहाःता दो, हाँयग होड़ भगवानरीग मुदइ होड़ इदानिया।

2 पतरस 2:14

हँकू जमा बेला सनहा-सनही ओंगोलरेकू दोहो ञवनता, अरूकू कसूरगोड ञवनता। हँकू बुकली-बोको होड़कू एचे कसूरकू लगाकू लहरावकूता। हँकू लुभिया ओंगोल लगाकू हेवायना अरू भगवान अगीते सती-सरापतो इदानकुःआ।