रूमी 8:11 - Korwa Bible

¹¹ भगवानराः बिरुवा, ईसू मसी गोएगतो होड़कू अतेय जियाव रेमकिरिया। अरू हनाँयग सुद बिरुवा अपे जीवरे होंय दोहोनता। भगवान ईसू मसी गोएगतो होड़कू अतेय जियाव रेमकिरिया। हनन इया हाँय हनाँयग सुद बिरुवाते अपेराः गुजुः इयाःआ देहकूने जियाव रेमता।

रूमी 8:11 Σταυροειδείς Αναφορές

एहुना 14:17

हान सतायराः बिरुवा हवे। चउंदीसरिकुःआ होड़कू हान मेरकू ञेल अवेयता अरू मेरकू सुदी अवेयता। हनालगा हँकू हाँयराः कता मेरकू मनेवाता। मनदो हाँय अपे सुदा इदानिया अरू हाँय अपे सुदाय दोनोहोगोड ञवनता। हनालगा अपे हाँयपे सुदीयता।

एहुना 5:21

अपात गोएगतो होड़कूय जियाव रेमा, हनन इया बेटात हों हाँय चहाःता हँकुःआ होड़कू जीवे एमेवाकूता।”

मूक चेलाकू 2:24

मनदो हाँय गुनुजुः गुजुःराः आड़रे ओनोरोय दोहो अवेनेना। हनालगा भगवान हाँय गुजुः अते सडावतिरिगखने जियाव रेमकिरिया।

रूमी 16:10

ईसू मसी जुकूर इदानिया हाँयग अपिलेसपे सलामगोड। अरिसतोबुलुस ओड़ाःरिकुःआ जमा बिसवासी होड़कूपे सलामगोड।

रूमी 16:3

ईंग सुदा ईसू मसीकिन सेवाता हँकिनाः पिरिसकी अरू अकिला ईंग अगीतेपे सलामगोडकिन।

रूमी 16:7

अंदरुनिकूस अरू उनियास ईंग अगीतेपे सलामगोडकिन। हँकिन ईंगरिकिनाः जइत सगा होड़किन हवे अरू ईंग सुदा जेहेलरेकिन दोहोना। ईसूरिकुःआ मूक चेलाकूतेनते हँकिन मान मरजइतगे इया होड़किन दोहोना अरू हँकिन ईंग अते मड़ंग ईसू मसी एचेरेकिन बिसवासकेरा।

रूमी 16:9

उरबानूस अलेरीग सेवा देंगवा होड़ हवे अरू इसताकूस ईंगरीग दुलार होड़ हवे। ईंग अगीते हँकिनपे सलामगोड।

रूमी 6:12

दो अपे नाःआ चउंदीसरेपे दोहोन मेला अपेराः लूर-नेवन बेलूराः कसूर ओंगोल इया सलाः लगा अहापे एमेय।

रूमी 8:1

भगवान अबू सडावकेडबूखन ईसू मसी सुदाय मिनीगोतेडबुःआ, दो भगवान अबू ओरोय डंडियावतेडबुःआ। [अबू होड़कूराः ओंगोल इया कोवान, मनदो सुद बिरुवाराः ओंगोल इयाबू सलाःता।]

रूमी 8:12

दो ईंगरिकुःआ अजी बोपोहकूतिंग, अपे कसूर लूर-नेवनाः ओंगोलकून इया सलाः लगा कोनोवानेःआ।

रूमी 8:2

अबू ईसू मसीरिकुःआ होड़कू हवे। हनालगा भगवानराः बिरुवा नँवा जीवे एमेकेरा अरू हाँय अबू कनासूर जीवते एचे अड़ाःकेडबूखन गुनुजुःतेय सडावकेडबुःआ।

रूमी 8:9

भगवानराः बिरुवा अपे जीवरेय दोहोनता दो अपे कसूरराः लूर-नेवन इया मेरपे सलाःता, मनदो सुद बिरुवाराः ओंगोल इयापे सलाःता। अरू ईसू मसीराः बिरुवा अनँयग जीवरे कोवानेःआ हाँयग होड़, ईसूरीग होड़ ना लवे।

1 कुरिंती 15:16

गोएगतो होड़कू ओरोकू जियाव रेमकुः दो भगवान ईसू मसी हों ओरोय जियाव रेमकेया।

1 कुरिंती 6:14

भगवान अनँयगराः जंगरते अबूरीग परबूय जियाव रेमकिरिया अरू हनानाः जंगरते हाँय अबू होंय जियाव रेमबूता।

2 कुरिंती 4:11

अले जिनियत इदानले हों ईसू लगा जमा बेला अले गुजुः सेंगसारेले पारता, जेमहा अलेराः गोएग जुवाःता हना देहरे, ईसू जीयत इदानिया माःआन होड़कू एचेरे उदुः जुवाः।

2 कुरिंती 4:14

अले सुसुदीता परबू ईसू गोएगतो अतेय जियाव रेमतिरिया हनाँयग भगवान अले हों ईसू सुदाय जियाव रेमलेता अरू अनँयग लगा अनँयग मड़ंगरे अपे सुदाय एचे चड़ाँलेता।

2 कुरिंती 5:4

अरू अबू नाःआ कुंबा इयाःआ देहरे इदानबू मेला कुहकाः घड़ीन बोझारे इदानबुःआ। नाःआ देह अबू अअटू लगा मेरबू चहाःता, मनदो सेरमो देसराः देह पवाः लगाबू चहाःतना, जेमहा गुजुः इयाःआ देह ओरो टुटीगनेना हना देहते बदलाव जुवाः।

गलातिया 6:8

दो तोनोंगीग अनँयग जीवरे अनँयगराः बेलूर ओंगोल इयाय एचेयता, हाँय गुजुःए पवाःता। मनदो सुद बिरुवाराः ओंगोल इयाय एचेयता, हाँयग होड़ ओरो टुटीगनेना हना जीवे पवाःता।

इपीसी 2:5

हनते हों हाँय अबू मुरुके दुलारकेडबुःआ अरू ईसू मसी सुदा नँवा जीव एमेकेडखने जियावकेडबुःआ, अरू आँयगराः मनायाते अपेय सडावकेरा।

पिलिपी 3:21

दो ईसू मसी कुदा वेग मेला अबूराः अबड़ अरू गुजुः इयाःआ देह बदलाकेडखन आँयगराः देह इयाय अगम नपाये तुलागोडता। हाँयके जमा जिया-जउतकून एचेरे हातपात इदा अरू हाँय अनँयग जंगरते अबूराः देहे बदलावगोडता।

इबरानी 13:20

दो सलसत एमेयीग भगवान, भेड़ाकूरीग मूक सरवाहा अबूरीग परबू ईसू, सगर सइट दोहोनता हना कता-जमकावतोराः बलंगीते गोएगतो अतेय जियाव रेमकिरिया।

1 पतरस 1:21

भगवान ईसू मसी गोएगतो होड़कू अते जियाव रेमकेडखने मान मरजइतकिडिया, जेमहा अपेराः बिसवास अरू असरा, भगवान एचेरे टक-टकावतो दोहोन।

1 पतरस 3:18

भगवानराः ओंगोलरे अबू बेगर गारबार होड़कूय बड़ाँवबू लगा, बेगर गारबारीग इनीसू मसी मिनी जूदा अबू जमा कसूर होड़कू लगा, कटसिया सहावतेडखने गोएगनेना। हाँय देनेह देहरेय गोएगनेना मनदो भगवान हाँयराः बिरुवाय जियाव रेमगोतेडा।

उदुःतो कताकून 1:18

ईंग गोएगनेना, मनदो अयुमेमे सनागर सइट जिनियतिंग दोहोनता। अरू गुजुः अरू पतालपूरराः चभी इनिंग एचेरे इदा।”

उदुःतो कताकून 11:11

मनदो साड़हे पेय दिन तयोमरे भगवान अगीते जीवराः साँस हँकिन एचेरे कुदानता। हनते हँकिन अँननकिन रेम चड़ाँ जुवाःता। अरू हँकिनकू ञेलता हँकुःआ होड़कू मुरुककू बोरो जुवाःता।