रूमी 8:10 - Korwa Bible

¹⁰ नुँहू ईसू मसी अपे जीवरे इदानिया दो, अपेराः देह कसूर बदीरे गोएगतो इया इदा। मनदो भगवान अपे बेगर गारबार होड़कूय बड़ाँवकेडपे अते, अपेराः बिरुवा जिनियत इदा।

रूमी 8:10 Σταυροειδείς Αναφορές

एहुना 14:23

दो ईसू कतातेड, “अपे तोनोंगीग ईंगपे अलार-दुलार दो, हाँय ईंगराः सरवने मनेवाता। ईंग अपांग हाँये अलार-दुलारता अरू अलिंग हाँय एचेरे सेनेकियनखन हाँय सुदालिंग दोहोनता।

एहुना 15:5

ईंग अंगूर दूब हवे अरू अपे नइड़तो हवे। ईंग हाँय सुदा अरू हाँय ईंग सुदा मिनीय दोहोनता दो, हाँय मुरुक नपाय बुताय बुता अवेता। मनदो ईंग अड़ाःकेडखन हाँय कहिसाः नपाय बुता ओरोय एचे अवेतेरा।

एहुना 17:23

आम ईंग सुदा मिनी इदानमेःआ अरू ईंग हँकू सुदा मिनी इदानिंगा, जेमहा हँकू जमालेःआतेकू मिनी जुवाः। हनाते चउंदीसरिकुःआ होड़कू सुदीयता अनम ईंगमे वारकेरा अरू आम ईंगमे दुलारकेरा हनन इया हँकू होंम दुलारकूतना।

एहुना 4:14

मनदो ईंग एमेयता, हना दाः तोनोंगीग ञूय दो हाँय सगर सइट जूग वरी ततंगतो ओरोय दोहोनेना। सनातायरे, ईंग हाँयिंग एमेवाता, हना दाः हाँयराः इंदरीरे दाः सूती इया तू ञवनता अरू हना दाः हाँय ओरो टुटीगनेना हना जीव अगी गोःयायता।”

एहुना 6:54

ईंग एचेरे बिसवासकेडखन ईंगराः मासे जोमता अरू ईंगराः बलंगीय ञूयता, हनाँयग होड़ ओरो टुटीगनेना जीवे पवाःता। अरू टुटीगगुःराः दिनरे ईंग हाँयिंग जियाव रेमगेयता।

एहुना 6:56

ईंगराः देहे जोमगोडता अरू ईंगराः बलंगीय ञूयता हाँयग होड़ ईंग सुदा मिनीय दोहोनता अरू ईंग हों हाँय सुदा।

रूमी 5:12

अपे ईंगपे अयूम! मड़ंगीग होड़ आदम कसूरतेरा अरू हनानाः कसूरतेय गोएगनेना। हनन इया चउंदीसरिकुःआ जमा होड़कू कसूरकेरा अरू गुजुः हों हँकू एचेरे सेड़यावयना।

रूमी 5:21

जेमहा कसूरते जमा होड़कू एचेरे गुजुः सेड़यावयना हनन इया अबूरीग परबू ईसू मसीते बेगर गारबार होड़कूय बड़ाँवकेडबुःआ अरू ओरो टुटीगनेना हना जीवबू पवाः।

रूमी 8:11

भगवानराः बिरुवा, ईसू मसी गोएगतो होड़कू अतेय जियाव रेमकिरिया। अरू हनाँयग सुद बिरुवा अपे जीवरे होंय दोहोनता। भगवान ईसू मसी गोएगतो होड़कू अतेय जियाव रेमकिरिया। हनन इया हाँय हनाँयग सुद बिरुवाते अपेराः गुजुः इयाःआ देहकूने जियाव रेमता।

1 कुरिंती 15:45

भगवानराः कागदरे ओजाःतो इदा, “भगवान मड़ंगीग मनुवा आदम एचेरे साँसे ओंगगोतेड अरू हाँय जीयत होड़े बड़ाँवनेना,” मनदो टुटीग आदम ईसू हवे अरू हाँय जीवे एमे कुदावाबूता।

2 कुरिंती 13:5

अपे बिसवासरे बड़ियाड़ इदानपेःआ जा कोवान, हना अँननपे अंदजावगुः अरूपे जासगुः। अपे मेरपे सुदीयतना जा मसी अपे जीवरे इदानिया माःआन? निही दो अपे हाँयरिकुःआ होड़कू कोवापेःआ।

2 कुरिंती 4:11

अले जिनियत इदानले हों ईसू लगा जमा बेला अले गुजुः सेंगसारेले पारता, जेमहा अलेराः गोएग जुवाःता हना देहरे, ईसू जीयत इदानिया माःआन होड़कू एचेरे उदुः जुवाः।

2 कुरिंती 5:21

मसी कहियो मेरेय कसूरगरा। मनदो भगवान अनँयगराः ओंगोलरे अबू बेगर गारबार होड़कू बड़ाँवबू लगा, हाँयग मसी कसूर होड़े बड़ाँवतिरिया।

गलातिया 2:20

अरू नुँहू ईंग मेरिंग जियाःतना, मनदो ईसू मसी ईंग इंदरीरेय जियाःतना। ईंग दुलारकेडखन अनँयग जीव ईंग लगाय एमेकेरा हनाँयग भगवानरीग बेटात ईसू मसी एचेरे बिसवासकेडखन नुँहूयिंग जियाःतना।

इपीसी 3:17

अपेराः बिसवासते ईसू मसी अपेराः इंदरीरेय डेरान लगायिंग अरजीतना। जेर गहीर सेनेकियानखन सींग बड़ियाड़गेता अरू ओड़ाः खुंटा बड़ियाड़गेता, हनन इया अपेराः जीव अलार दुलारते बड़ियाड़ जुवाः लगा होयिंग अरजीतना।

पिलिपी 1:23

ईंग जीव दो बार बंटायना। मी जीव कतायतना, गोएगकियानखन ईसू मसी सुदा दोहोन लगायिंग तरसाःतना। ननानाः ईंग लगा मुरुक ननपाय होयाकुःआ।

पिलिपी 3:9

नुँहू ईंग ईंगराः तोनोंगाः नपाय बुता एचे अते सहे नियम मनाः अते भगवानराः ओंगोलरे बेगर गारबार होड़ मेरिंग बड़ाँवगना, मनदो ईंग ईसू मसी एचेरेयिंग बिसवासकेरा, हना अते ईंग भगवानराः ओंगोलरे बेगर गारबार होड़िंग बड़ाँवकिया। हाव, बिनिसवास एकलाते भगवानराः ओंगोलरे बेगर गारबार होड़िंग बड़ाँवकिया।

कुलूसी 1:27

अरू बेगर एहूदाकू एचेरे हों भगवानराः अगम नपाय बुइद, उदुःवाकू लगा भगवान ओंगोल दोहोतेरा। हना बुइद नाःआ हवे; मसी अबू जीवरेय दोहोनता अरू हनाते ओरो टुटीगनेना हना जीवराः असराबू पनावावकिया।

1 तिसलूनिका 4:16

हनमेला नाःआ इया होयाःता। परबू ईसू अनँयग आँयग सेरमो देस अतेय उतराव वेगता अरू हुमइसकेय हुकुमगेता। दो भगवानरीग मरंगीग बराहीलराः अरो अयमुःता अरू मी होड़ भगवानरीग बराहील सोहनाईए ओंगता। हनते गोएगयनाकू हँकुःआ बिसवासी होड़कू मड़ंगकू जियाव रिमुःता।

इबरानी 12:23

अरू हंडा अहाल-बहालते जुमावतो लाक लाक सेरमो देसरिकुःआ बराहीलकू इदानकुःआ। हंडा मरंग बेटाकूराः गउदा अरू कलसिया हों इदा अरू हँकुःआ होड़कूराः ञाव सेरमो देसरे ओजाःतो इदा। अरू अबू जमा होड़कूय फड़ियावता हाँयग भगवान हों हंडा इदानिया। उडु-बुडू बड़ाँवतो बेगर गारबार होड़कूराः हनसाकून

इबरानी 9:27

होड़कू मिनी तुरहाकू गुनुजुःता अरू हना तयोमरे भगवान हँकूय फनड़ियावकूता,

उदुःतो कताकून 14:13

हनते ईंग सेरमो देस अते मीटोंग अरोयिंग अयूमतेरा, “नाःआम ओजाः। नुँहू वरीते परबू एचेरे बिसवासकेडखनकू गुजुःता, हँकुःआ होड़कूराः जीव-जहन भगवान नपायगेता।” हनते भगवानराः बिरुवा कता कुदातेरा, “हाव, हँकू अँननकूराः बुता इया इमानकू पवाःता, अरू अँननकू मुरुककू मिहनइतकेरा अतेकू लोड़ोनता।”