रूमी 7:8 - Korwa Bible

⁸ मोसेसराः नियम मेर दोहोकुः दो अबू कसूरराः बोझा ओरोबू सुदी अवेतेरा। ईंग मी होड़ कसूर होड़ हवे। हनालगा नियमकून कतायता, अलोपे ललचीःआ, हिनिनमिन ईंग जीवरे जमालेःआ ललचीते पेरेगयना।

रूमी 7:8 Σταυροειδείς Αναφορές

मरकूस 7:22

लुभी, बेलूर बुता, अडिग, बेलूर घुड़ी, इरा, ओपता बड़रा, बड़वार अरू बुयांगतो होयाःता।

एहुना 15:22

ईंग मेरिंग वेगकुःआ अरू हँकू ओरोयिंग कतावाकेकिकुः दो, हँकू एचेरे कसूरराः बोझा ओरो दोहोकुःआ। मनदो नुँहू हँकू ओरोकू कता अवेतेरा, अले मेरले कसूरगरा माःआन।

एहुना 15:24

तोनोंगीग होड़ नुँहू वरी मेरेय एचेगरा हना बुता ईंग हँकू तलारे मेरिंग एचेकेः दो, हँकू एचेरे कसूरराः बोझा ओरो होयाकुःआ। मनदो हँकू ईंग अरू ईंगराः बुताकू ञेलकेरा अरू ईंग अरू ईंग अपांग बनरकू हिनइस-बिनइसवारा।

रूमी 3:20

दो तोनोंगीग होड़ नियम मनाः लगा कुरनिसगे अते भगवानराः ओंगोलरे बेगर गारबारीग होड़ ओरोय बड़ाँवनेना मनदो नियमते अबू सुदीगोडता, अबू कसूर होड़कू इदानबुःआ, माःआन।

रूमी 4:15

होड़कू भगवानराः नियमकून जमालेःआ मेरकू मनाव अवेनतान अते भगवान डंडियावकूताय। मनदो नियमकून मेर दोहोन दो नियमकून टड़ावराः कता करा इया दोहोकुःआ?

रूमी 5:20

होड़कू अँननकूराः कसूरकूनकू सुदी अवे लगा भगवान नियमकूने एमेतेरा। मनदो होड़कूराः कसूर बनागरायान, हनामिन भगवान हँकुःआ होड़कू अरू बनागराय मयावातेडकुःआ,

रूमी 7:11

मोसेसराः नियम कतायतना, अलोपे एचे, माःआन। मनदो ईंग हनानाःयिंग एचेयता। अरू हनानाः कसूरते ईंग अडिगयना अरूयिंग गोएगनेना।

रूमी 7:13

नाःआ इया इदान दो, नपाय नियमते ईंग गोएगतो इयायिंग बड़ाँवयना जा? बुरी! ईंग जीवराः कसूर लूर-नेवनते नपाय नियम उपयोत घड़ीन गोएगतो होड़िंग बड़ाँवगोतेडा। हनानाः अते कसूर कनासूर हवे माःआन उदुःवाडबुःआ। अरू नियमतेबू सुदीगोतेड, अबूराः कसूर लूर-नेवन तुमिनाः बेनेलूर हवे, माःआन।

रूमी 7:17

सतायरे ईंग इनिंग मेरिंग कसूरगेतना। मनदो ईंग जीवरे कसूर दोनोहो जुवाःता अरू हनानाः अते ईंग कनासूरगोड ञवनतना।

रूमी 7:9

मड़ंगरे ईंग मोसेसराः नियम बदीरे अनसिनहार दोहोन घड़ीनिंग जियाःआ। मनदो नियम ईंग सुदीकेड दो, ईंग कसूर बदीरे होयिंग सुदीबाःगोतेडा अरू ईंग भगवानराः ओंगोलरे गोएगतो होड़िंग बड़ाँवयना।

1 कुरिंती 15:56

नियम अते अबू सुदी अवेयता, अबू करा इयाबू कसूरगेता अरू कसूरगेतान अते गुजुःराः हनी अबूके होया जुवाःता, माःआन।