रूमी 7:15 - Korwa Bible

¹⁵ ईंग मेरिंग सुदीयतना ईंग चिलायिंग एचेयतना। नपाय एएचे लगा ईंग ओंगलेतना, हना ईंग मेरिंग एचे अवेयतना। मनदो ईंग एरंगवाता, हनानाःयिंग एचेगोड ञवनतना।

रूमी 7:15 Σταυροειδείς Αναφορές

लूका 11:48

हँकुःआ खुटिपरिया होड़कू भगवानराः बड़रा कता होड़कूकू ञेड एंडातेरा अरू अपे भगवानराः बड़रा कता होड़कू लगा मड़गटपे तुलातेरा। हनालगा हँकुःआ होड़कूरिकुःआ हिदइतदारकू इदानपेःआ अरू हँकूराः बुतारेपे मेसायना।

एहुना 15:15

तोनोंगीग बेगारी होड़ आँयगरीग मालिकराः ओंगोल मेरेय सुदीयता। हनालगा ईंग अपे नुँहू वरीते बेगारी होड़कू माःआन ओरोयिंग कतावातेडपेःआ। ईंग अपांग एचेरेयिंग अयूमकेरा, हना जमा कताकून अपेयिंग कता उदुःवाडपेःआ। हनालगा ईंग अपे ईंगरिकुःआ सउंगताकू माःआनिंग कतावापेता।

रूमी 12:9

तोनोंगीग मेड अंजउड़ी अलोपे दुलारगेय; बेलूर कताकूनपे हिनइस-बिनइसवा अरू नपायपे एचेगोड ञवन।

रूमी 14:22

आम बिसवासगेता हना कता बदीरे भगवान मड़ंगरे, आम अनम जीवरेम दोहोगे। तोनोंगीग होड़ तोनोंगाः कता नपाय इदा माःआने ओंगलेता, अरू हना कता बदीरे अनँयग आँयग मेरेय बदीनता, हनाँयराः जीव नपाय दोहोनता।

रूमी 7:16

ईंग एएचेय लगा मेरिंग चहाःतना, हनानाः बेलूरिंग एएचेतना दो, ईंग मनेवातना, नियम ननपाय हवे, माःआन।

गलातिया 5:17

अबू जीवराः बेलूर ओंगोल अरू सुद बिरुवाराः ओंगोल, नाःआ बनर कहियो खाप मेर जोमता। हनालगा अबू नपाय ओंगोलते जियाः लगाबू चहाःता, हना अबू मेरबू एचे अवेयता।

2 तिमुतियूस 2:19

मनदो भगवान मीटोंग बड़ियाड़ नेवे तुलाकेरा। अरू हनारे नाःआ बड़रा मोहोर इया ओजाःतो इदा, परबू अनँयग होड़कूय सुसुदीतना, अरू ईंग परबूरीग होड़ हवे माःआने कतनता हाँयग होड़, जनामा कसूर अड़ाःगे लगा इदा।

इबरानी 1:9

आम सताय कताम मंजूरवाता अरू बेलूर कताम हिनइस-बिनइसवाता। हनालगा भगवान, अनमरीग भगवान, बनाहालते सुनावकेडमेखन आमरिकुःआ सउंगताकूताम अते राजाय बड़ाँवकेडमेःआ।”

एकूब 3:2

अबू जमाकू मुरुक गारबारबू एचेयतना। मनदो अनँयग आहे संभाड़ अवेयता हाँयग होड़ बेगर गारबारीग होड़ दोहोनता। अरू उरिगकूराः तोतोँड़ाकू तोलकूता हनन इया हाँय अनँयग आँयगराः जमा देहे संभाड़ अवेयता।

जूदा 1:23

अरू सेंगेलराः फड़ियाव अते होड़कू उलचाः उडुंगकेडकूखनपे बनसावकू अरू भगवानराः अकूस मनाः घड़ीन एटाः होड़कूपे सोगावा। मनदो हँकूराः कसूरते अपेराः जीव मइलाः अते सवासितीपे दोहोन।