रूमी 4:17 - Korwa Bible

¹⁷ भगवानराः कागदरे इबराहीम बदीरे ओजाःतो इदा, “ईंग आम मुरुक बगरा जइत होड़कूरीग अपांगिंग बड़ाँवकेडमेःआ।” हनन इया हाँय अबू जमा बिसवासी होड़कूरीग अपांग हवे। अरू हाँय, गोएगतो होड़कूय जियाव रेमकूता अरू बनाड़रा बड़राते तोनोंग मेर दोहोगान अते जमाकूने होनोयागोडता हाँयग भगवान एचेरेय बिसवासकेरा।

रूमी 4:17 Σταυροειδείς Αναφορές

मती ओजाःतेरा भगवानराः नपाय सरवन 3:9

अपे अहापे ओंगोलगे, इबराहीम अलेरीग खुटिपहार होड़ हवे, अरू हनाते अले बनसाव जुवाःता, माःआन। अपे ईंगपे अयूम, नाःआ दिरिकूनते हों इबराहीम लगा लइंकू भगवान जनमाव अवेकूताय।

एहुना 5:21

अपात गोएगतो होड़कूय जियाव रेमा, हनन इया बेटात हों हाँय चहाःता हँकुःआ होड़कू जीवे एमेवाकूता।”

एहुना 5:25

अपे ईंगपे अयूम, मी बेला सुदुरुःता, अरू हनमेला गोएगतो होड़कू भगवानरीग बेटातराः अरोकू अयूमता अरूकू जियाःता। मनदो हना बेला नुनुँहू बुँहड़ीयना।

एहुना 6:63

भगवानराः सुद बिरुवा जीवे एमेता, मनदो मनुवाकू अते कहिसाः मेर होयाःता। ईंग कतातेरा हना सरवन भगवानराः सुद बिरुवा अगीतेयिंग कतातेरा अरू हनानाः कता अपे लगा जीव एमेयता।”

मूक चेलाकू 15:18

जूग परिया अते होड़कूय एचे सुदीकूता, अरू जमाकूनिंग एचेयता ईंग परबू भगवान नाःआ इयायिंग कतायतना।”

रूमी 3:29

भगवान एकला एहूदाकूरीग भगवान हवे जा? अरू बेगर एहूदाकूरीग भगवान ना लवे जा? हाव, हाँय जनामा होड़कूरीग भगवान हवे।

रूमी 4:18

भगवान इबराहीम एचेरेय कतातेरा, “आमरिकुःआ नइड़-बाँस होड़कू तोनोंगीग ओरोकू गँड़ाव अवेतेडकुःआ, हनामिनकू बगरा जुवाःता।” हनमेला हाँय एचेरे असरागे लगा कहिसाः मेर दोहोगान। हनते हों इबराहीम भगवान एचेरे असरानेनखने बिसवासतेरा।

रूमी 4:2

इबराहीमराः नपाय बुताते भगवान हाँय फड़ियावतो होड़े बड़ाँवकेः दो हाँय बड़वार अवेकुःआय। मनदो भगवान मड़ंगरे हाँय तोनोंग इया मेरेय बड़वार अवेगान।

रूमी 8:11

भगवानराः बिरुवा, ईसू मसी गोएगतो होड़कू अतेय जियाव रेमकिरिया। अरू हनाँयग सुद बिरुवा अपे जीवरे होंय दोहोनता। भगवान ईसू मसी गोएगतो होड़कू अतेय जियाव रेमकिरिया। हनन इया हाँय हनाँयग सुद बिरुवाते अपेराः गुजुः इयाःआ देहकूने जियाव रेमता।

रूमी 9:11

हँकिन जनमावगुः अते मनाड़ंग इसराएल होड़कूराः रिती-बिधी अते एनेटाः इया भगवान रिबका एचेरेय कतातेरा, “मरंगीग हेरेल होन हुडिंगीग हेरेल होनरीग सेवकिया होड़े बड़ाँःता।” नाःआ कताते अबू सुदीयता, भगवान तोनोंगीग होड़ नपाय सहे बेलूर बुताय बुताता, हनाते हाँय मेरेय सुनावगेयता। मनदो हाँय अनँयग ओंगोल इया होड़कूय सुनावकूता।

रूमी 9:26

अरू, “अपे ईंगरिकुःआ होड़कू ना लवे, माःआने कता उदुःतेरा हँकुःआ होड़कूकू राःकूता, अपे जीयत भगवानरिकुःआ लइंकू हवे, माःआन।”

1 कुरिंती 1:28

भगवान चउंदीसरिकुःआ लचार होड़कू अरू एरंगवाकूताकू हँकुःआ होड़कूय सुनावकेरा, जेमहा मरंग मरंग होड़कू बेगर लूरकू होया जुवाः।

1 कुरिंती 15:45

भगवानराः कागदरे ओजाःतो इदा, “भगवान मड़ंगीग मनुवा आदम एचेरे साँसे ओंगगोतेड अरू हाँय जीयत होड़े बड़ाँवनेना,” मनदो टुटीग आदम ईसू हवे अरू हाँय जीवे एमे कुदावाबूता।

1 तिमुतियूस 6:13

जेहो सकालाः इदा हना जमाकून लगा जीवे एमेयता हाँयग भगवान अरू पुंतियूस पिलातूस मड़ंगरे सताय बदीरे नपायतेय कबुलावनेना हाँयग ईसू, हँकिन मड़ंगरे

इबरानी 11:12

अरू ननन इया इबराहीम डोकरायाने, हना अते हाँयराः देह दगली गोएगतो इया दोहोना। हनारे हों हाँय अते सेरमोरिकुःआ इपीलकू अरू समुंदरराः बितील बरोबइर हाँयरिकुःआ नइड़-बाँस होड़कू मुरुककू बगरायना।

इबरानी 11:3

बिनिसवासते अबू सुदीयता, जमा राइजबड़ी भगवानराः हुकुमते बड़ाँवयना, अरू नाःआ जमाकून ञिलुःतना हना जिनिसकून अते मेर बड़ाँवगना।

इबरानी 11:7

बिनिसवासते नूह, कहियो तोनोंगीग मेरकू ञेलगातेरा हना कताकून बदीरे भगवान सेतावतिरिया दो हाँय हना कताकूने मनावबाःयान। अरू आँयग अरू आँयगरिकुःआ मइछुवाकू बनसाः लगा भगवानराः अकूस मनाः घड़ीन मरंग दाः जहाजे तुलातेरा। नाःआते हाँय होड़कूराः कसूरे फड़ियावगोतेड अरू नूह भगवान एचेरेय बिसवासतेड अते भगवान हाँय बेगर गारबार होड़ हवे माःआने मनेवातिरिया।

1 पतरस 2:10

“मड़ंगरे अपे हाँयरिकुःआ होड़कू मेरपे दोहोगान, मनदो नुँहू अपे हाँयरिकुःआ निकता होड़कूपे बड़ाँवयना; मड़ंगरे भगवान अपे मेरेय मयावागाडपे, मनदो नुँहू हाँय अपेय मयावारा।”

2 पतरस 3:8

दो ईंगरिकुःआ अजी बोपोहकूतिंग, नाःआ सनाताय कता बदीरे अपे अनसिनहार अलोपे दोहोन। परबू लगा हजार बरिस मी दिन इया इदा अरू मी दिन हजार बरिस इया इदा।