रूमी 3:23 - Korwa Bible

²³ जनामा होड़कू कसूरकेरा, अरू भगवानराः ओंगोल इयाःआ मान मरजइत जीव, मेरकू जियाव अवेनता।

रूमी 3:23 Σταυροειδείς Αναφορές

रूमी 1:28

हँकू भगवान मेरकू मनेवायता अते, अँकूराः बेनेलूर ओंगोल इयाकू एचेय लगा भगवान अनाड़ाः एंड़ागोतेडकुःआय।

रूमी 11:32

जमा होड़कू भगवानराः कताकून टड़ाव एंडातेड अते तोलतो होड़कू इयाकू बड़ाँवयना, जेमहा भगवान हँकू जमाकूय मया अवेवा।

रूमी 3:19

मनदो अबू सुसुदीतना, नियमराः आड़रे इदानकुःआ हँकुःआ होड़कू हनानाः नियम इया सनालाः पराःता। दो चउंदीसरिकुःआ होड़कूय फड़ियावकूता हाँयग भगवानराः ओंगोलरे जमा होड़कू गारबारकेरा। हनालगा तोनोंगीग भगवान एचेरे ओरोकू कता अवेतेरा, ईंग तोनोंगाः कसूर मेरिंग कसूरगरा, माःआन।

रूमी 3:9

दो नाःआ बदीरे चेले माःआनबू कता अवेयता? अले एहूदाकू एटाः होड़कू अते ननपाय इदानलेःआ जा? बुरी, कोनोवालेःआ। ईंग मड़ंगरेयिंग कता उदुःकेरा, एहूदाकू अरू बेगर एहूदाकू जमाकू कसूररे इदानबुःआ।

रूमी 5:2

अबू हाँय एचेरेबू बिसवासकेरा हना अते भगवान अबूय मयावातना, जेमहा अबू बड़ियाड़तेबू दोहो ञवन अरू भगवान सुदा मान मरजइतबू पवाः माःआन असरा घड़ीनबू भल-भलायवा।

गलातिया 3:22

मनदो भगवानराः सरवन नाःआ इया कतायता, जमा होड़कू कसूरगोड ञवनताकू, अरू ईसू मसी एचेरेकू बिसवासगेता, हँकुःआ होड़कूराः जीव-जहन भगवान आँयगराः जबान इयाय नपायगेता।

1 तिसलूनिका 2:12

जेमहा आँयगरिकुःआ होड़कू सुदा दोहोन लगा अरू आँयग सुदा मान मरजइतते राइजगे लगाय राःपेतना हाँयग भगवानराः ओंगोल इया अपेराः लूर नेवन होया जुवाः।

2 तिसलूनिका 2:14

अले अपे एचेरे ईसू मसीराः नपाय सरवनले कता उदुःतेरा अरू हना सरवनते भगवान, अपे ईसू मसीराः मान मरजइतरे मेसान लगाय राःकेडपेःआ।

इबरानी 4:1

हनालगा भगवान जबानकेरा हना लोड़ोन अबू अटकार अवेय लगा हन नुँहू वरी सलाव वेगतना। दो अबू अते तोनोंगीग होड़ हना लोड़ोन मेरेय अटकार अवेगे अते सवासिती दोहोन लगा इदा।

1 पतरस 4:13

मनदो अपे जेमिन ईसू मसीराः कटसियारेपे मेसानता, हिनिनमिनपे बहालगुः, जेमहा ईसू मसी जमा होड़कू अते मान मरजइते पवाः मेला, अपे हों मुरुक बहालतेपे भबराः।

1 पतरस 5:1

ईंग कलसियारीग मी होड़ अगुवा होड़ इदानिंगा अरू ईसू मसीराः कटसिया इनिंग ईंग ञेलतेरा। अरू दरवाःआ हना दिनरे भगवान जमाकू मड़ंगरेय एचे ञेलेयता हना मान मरजइत हाँय सुदा ईंग होयिंग पवाःता। दो ईंग कलसियारिकुःआ अगुवा होड़कू समझाव घड़ीनिंग कतावाकूतना,

1 पतरस 5:10

अपे तोनोंग बेला वरी कटसियापे सहाव दो, मुरुक मयादार इदानिया हाँयग भगवान, अपेराः जीव जमालेःआतेय नपायगोडता। नाःआते अपेराः जीवरे तोनोंग इयाःआ गारबार ओरो दोहोनेना अरू अपेराः जीव बड़ियाड़कियानखन तोनोंगाः हुडिंग बगरा ओरो होयानेना। हनाँयग भगवान अपे ईसू मसीते कहियो ओरो टुटीगनेना हना मान मरजइतपे पवाः लगाय राःकेडपेःआ।