रूमी 2:3 - Korwa Bible

³ ने सउंगता, भगवान हँकुःआ होड़कूय फनड़ियावकूता, मनदो आम ओंगलेतना, ननन इया बुता ईंग एचेय दो भगवान ईंग ओरोय डंडियावतिरिंगा, माःआन। दो आमराः ओंगोल इया भगवानराः डंडियावतेम बनसाव जुवाःता जा?

रूमी 2:3 Σταυροειδείς Αναφορές

मती ओजाःतेरा भगवानराः नपाय सरवन 23:33

ने महुरा बींग इया होड़कू, भगवान अपे डंडियावकेडखन नरगरे सोलोंगपे अते करा उड़ीपे बनसावगुःता?

मती ओजाःतेरा भगवानराः नपाय सरवन 26:53

आम चेले माःआनमे ओंगलेतना, ईंग ईंगरीग अपांग एचेरेयिंग असेके दो, हाँय ईंग बनसाव लगा बारह पलटन अते बगरा सेरमो देसरिकुःआ बराहीलकू ओरोय वारतेडकुःआ जा?

लूका 12:14

दो ईसू कताया, “ने गोय, ईंग अपेरीग फड़ियावदार अरू हटिंगदार इये तुलाकिरिंगा?”

लूका 22:58

गुनहोन तयोमरे एटाः होड़ पतरस ञेलतेडखने कताया, “आम हों हँकू अते मी होड़ हवे।” दो पतरस कताया, “ईंग ना लवे।”

लूका 22:60

दो पतरस कताया, “ने दादा, आम चिलाम कतातना हना ईंग मेरिंग सुसुदीतना।” नाःआ इया पतरस कनकता मेला कुकुड़ा कुकूड़चुःनेना।

रूमी 1:32

हँकू भगवानराः नियम नपायतेकू सुदीयता, नाःआ इया बेलूर बुताकू एचेयता हँकुःआ होड़कू गुजुःराः डंड पनावाः जुकूर इदानकुःआ। हनते हों हँकू हनानाः कसूरकूनकू एचेगोड ञवनता अरू हनानाः कसूरकून एचे ञवन लगा होड़कूकू लहराव ञवनता।

रूमी 2:1

ने सउंगता, आम सहे तोनोंगीग दोहोन, आम एटाः होड़कू बदीकेडखनमे फड़ियावकू दो हना बदीरे आम अनम बनसाः लगा कहिसाः ओरोम कता अवेतेरा। आम एटाःकूम बदीता, हनानाः कतारे आम होंम कसूरगेतना। हनालगा आम अनमरीग फड़ियावदारमे बड़ाँःता।

रूमी 2:2

अबू सुसुदीतना नाःआ इयाकू एचेयता हँकुःआ होड़कू भगवान सतायतेय फड़ियावकूता।

रूमी 9:20

दो आम मी होड़ होनोड़ हवे अरू आम भगवान सुदाम अड़ा-चउकी अवेनता जा? कहिसाः तुलात जिनिस तुलादार एचेरे नाःआ इया कता अवेयता जा, ईंग नाःआ इया चिला लगाम तुलागोतेडिंगा?

1 तिसलूनिका 5:3

होड़कू कतायता, नुँहू अले लगा तोनोंगाः सिकिसता कोवानेःआ अरू सलसतरे इदानलेःआ, माःआन। दो हननमेला उड़सी अइमीराः हसू सुदुरुःता हनन इया हँकुःआ होड़कू एचेरे असाकारे सिकिसता सुदुरुःता अरू हँकू तोनोंग इया ओरोकू बनसाव अवेनेना।

इबरानी 12:25

भगवान अपेय कता उदुःवाता हना कता नपायपे अयूम ठुड़ावगे। चउंदीसरे होड़कूय सेतावतेरा हाँयगराः कता मेरकू मनावगान, हँकुःआ होड़कू मेनेरकू बनसावगान। दो सेरमो देस अते अबूय सेतावतना हाँयराः कता मेरबू अयूम ठुड़ावगे दो, अबू बनसाव अवेनता जा?

इबरानी 2:3

भगवान अबूय सडावता हना मुनुरुक मरंग सरवनबू आड-बेकारवा दो, करा इयाबू बनसाव अवेनता? नाःआ सडावराः सरवन मड़ंगरे परबू ईसू कतातेरा, अरू हाँय अतेकू अयूमतेरा हँकुःआ होड़कू हना सरवन सताय हवे माःआनकू पनकियाबाःगोतेरा।