Biblia Todo Logo
Διαδικτυακή Βίβλος

- Διαφημίσεις -




रूमी 2:10 - Korwa Bible

10 मनदो नपाय बुताकू बुता ञवनतना, हँकुःआ होड़कू लगा भगवान मान मरजइत, सलसत अरू ओरो टुटीगनेना हना जीवे एनेमेवाकूता। नाःआ नपाय जीव-जहन मड़ंगरे एहूदाकू लगा अरू हना तयोमरे बेगर एहूदाकू लगा भगवान एमेवाकूता।

Δείτε το κεφάλαιο αντίγραφο




रूमी 2:10
45 Σταυροειδείς Αναφορές  

हना ओड़ाःरिकुःआ होड़कू नपाय जीव होड़कू दोहोन दो, हँकुःआ होड़कू अपे अते भगवानराः सलसतकू पवाःता। मनदो हना ओड़ाःरिकुःआ होड़कू नपाय जीव होड़कू मेरकू दोहोन दो, भगवानराः सलसत अपे एचेरे कुदा जुवाःता।


जेमहा कसूरराः अंदरारे अरू गुजुःराः दूररे इदानकुःआ हँकुःआ होड़कू मरसलकू पवाः, अरू अबू सलसतराः दूररे सलाः लगाय अगुवाइवाबू।”


मालिक वेगवाडखन आँयगरिकुःआ सेवकिया होड़कू सपड़ावतोय ञेलकूता दो, हँकुःआ सेवकिया होड़कूराः जीव नपाय दोहोनता। अपे एचेरे सताय कतायिंग कतायतना, हाँयग मालिक मयांग कासवाडखन हँकुःआ सेवकिया होड़कू जोम लगाय एचे दुडुःकूता अरू हँकूय नेत-नेवारकूता।


अरूय कतातेरा, “ने एरुसलेम सहररिकुःआ होड़कू, अपे सलसत पवाः लगा चिला करेग इदा हनापे सुदीकेः दो, अपे तुमिन नपायतेपे दोहोकुःआ। मनदो अपे नुँहू हना मेरपे सुदी अवेयतना।


पसहा जोमराः बेला होयानेन दो ईसू आँयगरिकुःआ चेलाकू सुदा जोम लगाय दुड़ुःयान।


हनते ईसू हँकू एचेरेय कताया, “तोनोंगीग होड़ ईंगराः ञावते नाँयग लँइगे नेत-नेवार दो, हाँय ईंगे नेत-नेवारता। ईंगे नेत-नेवारता, हाँय ईंगे वारकेरा हाँयग भगवाने नेत-नेवारता। अपे अते इये अनँयग आँयग हुडिंगे ओंगलुःता, हनाँय जमाकू अते मरंग इदानिया।”


तोनोंगीग ईंगे सेवा दो, हाँय ईंग तयोमरे वेग इदा अरू ईंग दोहोनता हना ततेररे हाँय होंय दोहोनता। ईंगे सेवाता हाँय, ईंग अपांगे मान मरजइतता।


ईंग अपे जीविंग सलसतगेता। ईंग इनिंग अपे जीविंग सलसतगेता, मनदो चउंदीसरिकुःआ होड़कू सलसतगेता हना इया कोवान। हनालगा अपेराः जीव अहापे कुंभलाव ओवा अरू अहापे बोर।


ईंग अते अपेराः जीव सलसतरे दोहोन लगा नाःआ कता अपे एचेरेयिंग कता उदुःकेरा। चउंदीसरे अपे लगा गराह गिराह अरू कटसिया होयाःता, मनदो ईंग नाःआ जमाकूनते जितावतो इदानिंगा। हनालगा अपे डीड़तेपे दोहोन।”


मनदो जमा जइत होड़कू अते भगवानकू मान मरजइतता अरू सताय बुताकूनकू एचेयता हँकुःआ होड़कूय मनेवाता।


भगवानराः राइज जोम ञूय बदीरे कोवानेःआ। मनदो हन भगवानराः ओंगोल इयाःआ सताय कता बदीरे अरू सुद बिरुवा एमेयता हना सलसत अरू बहाल बदीरे इदा।


दो ईंगरिकुःआ अजी बोपोहकूतिंग, अपे ईसू मसी एचेरेपे बिसवासकेरा। हना अते अबू नाःआ असराय ओवाडबुःआ हाँयग भगवान, अपेराः जीव सलसतते अरू बहालतेय पेरेगगोड लगायिंग अरजीतना, जेमहा अपे सुद बिरुवाराः जंगरते हना असरारेपे बडे जुवाः।


तोनोंग तोनोंग होड़कू सहाव घड़ीन नपाय बुताकू बुतागोड ञवनता। हँकुःआ होड़कू भगवान अगीते मान मरजइत अरू मेर गुजुःता हना देह पवाः लगाकू चहाःतना। हँकुःआ होड़कू लगा भगवान ओरो टुटीगनेना हना जीवे एमेवाकूता।


बेलूर बुताकूनकू एचेयता हँकुःआ जमा होड़कूराः जीवरे गराह-गिराह अरू कटसिया होयाःता। नाःआ कटसिया मड़ंगरे एहूदाकू लगा अरू हना तयोमरे बेगर एहूदाकू लगा हों होयाःता।


अबू बिसवासकेडखन बेगर गारबार होड़कूबू बड़ाँवयना दो नुँहू अबूरीग परबू ईसू मसीते भगवान सुदा हेल-मेलरेबू दोहो अवेनता।


कसूर लूर-नेवन इयाकुःआ होड़कू भगवान अते एटाःकियानखनकू गोएग जुवाःता। मनदो सुद बिरुवाराः ओंगोल इयाकुःआ होड़कू सलसत जीव अरू ओरो टुटीगनेना हना जीवकू पनावाःता।


अरू मी होड़ कुंभार अनँयग ओंगोल इया गोलहात हासते ननपाय बुता लगा अरू सगर दिनराः बुता लगा भंडाकून तुला लगा हाँय एचेरे हातपात कोवानेःआ जा?


जेमहा हाँय मान मरजइतकू लगा मनाड़ंगतेय सपड़ाव दोहोतेडकुःआ हँकुःआ होड़कू हाँय तुमिन मरंग इदानिया, हनाय एचे सुदी अवेकू।


मनदो जोःओ इयाःआ सुद बिरुवाराः बुताते अबू जीवरे अलार-दुलार अरू अहाल-बहाल, सलसत अरू मया होयाःता, अबू सहाव घड़ीनबू दोहोनता, देनहार होड़कू अरू बिसवासगेयीग होड़कू,


अबू ईसू मसी सुदा मिनी इदानबुःआ दो, खतनान सहे बेगर खतनातबू दोहोन, हनारे तोनोंगाः मतलोब कोवानेःआ। मनदो मइद कता ननानाः हवे, एटाःकू दुलार घड़ीन अबूराः बिसवास उउदुः लगा इदा।


हनन इयापे एचेय दो ईसू मसी सुदा मिनीयान अते भगवान अपेराः जीव अरू ओंगोल सलसतरेय दोनोहोगोडता। अबू मनुवाकू नाःआ सलसत, कहियो ओरोबू सुदी तजाः अवेतेरा।


जूग परिया अते राजा इदानिया अरू सगर सइट लगा जीयत इदानिया अरू तोनोंगीग ओरोकू ञेल अवेतिरिया हनाँयग मिनीटोंग भगवानराः मान मरजइत अरू जाग सगर सइट होनोयागोड ञवन, आमीन!


सेरमो देसरिकुःआ बराहीलकू अते गुनमिन हुडिंगमे बड़ाँवतिडिया अरू जमा बरानाः हाँयराः आड़रे जिमाकेडखन


भगवान एचेरे इबराहीमके बिसवास दोहोना अरू हाँय नपाय बुता होंय एचेतेरा। इबराहीम आँयग बेटात भगवान लगा बलिदान एमेगेय लगाय सपड़ावनेना अरू हनाते हाँयराः बिसवास हों पुरावयान।


अपे अते कनहूनदार अरू सुदीगे इयायीग होड़ इये हवे? दो हँकुःआ होड़कू अँननकू अँकू हुडिंग ओंगोलकियानखन कनहून सुदा नपाय लूर-नेवनते जियाः लगा इदा।


तोनोंग दिनरे लाय जुवाःता हना सोना हों नपाय होयाः लगा सेंगेलरेकू गरावगेता। अपेराः बिसवास सोना अते मुरुक नपाय इदा, अरू हना बिसवास सताय हवे माःआन जासबाःका लगा, नाःआ कटसिया अपेराः जीवरे होयाःता। अरू ईसू मसी अनँयग आँयग होड़कू एचेरेय एचे ञिलुः मेला, अपेराः सताय बिसवास बदीरे भगवान अपे मरंगे ओंगोलपेता अरू अपे बदीरे भल-भलायकियानखने मान मरजइतपेता।


दो बिसवासी होड़कूरीग मूक सरवाहा, ईसू मसी कुदा वेग मेला, अपे लगा कहियो ओरो गोसोनेना हना मुरुक मान मरजइतगे इयाःआ इमाने एमेवापेता।


Ακολουθησε μας:

Διαφημίσεις


Διαφημίσεις