रूमी 15:5 - Korwa Bible

⁵ अबूय कता-बहालगोड ञवनता अरू सहाव घड़ीने दोहोवाबूता हाँयग भगवान एचेरेयिंग अरजीतना, जेमहा अबू ईसू मसीराः ओंगोल इया हेल-मेलरेबू दोहो ञवन।

रूमी 15:5 Σταυροειδείς Αναφορές

1 पतरस 3:8

नाःआ जमाकून एचे घड़ीन, अपे जमाकू सुदा मिनी जीवते, सोगा होड़ेंग घड़ीन अलार-दुलारतेपे दोहोन। अरू अँननपे अपे हुडिंग ओंगोलकियानखन सुधा होड़कूपे बड़ाँः।

रूमी 12:16

अपे जमा होड़कू सुदा हेल-मेलरेपे दोहोन। अपे अँननपे अपे कनहूनदारकू ओंगोलकियानखन अलोपे बड़वार, मनदो लचार होड़कू सुदा मिनीरेपे ननायगुः।

इपीसी 5:2

ईसू मसी अबू दुलारकेडखन अनँयग जीव अबू लगा भगवान मड़ंगरे मुरुक नपाय महकराः बलिदान इयाय जिमातेरा। हननलगा अपे अँननपे दुलार होड़ेंगगोड ञवन।

2 कुरिंती 13:11

टुनुटीगरे ईंगरिकुःआ अजी-बोपोहकूतिंग, बनाहालतेपे दोहोन; अपेराः लूर नेवन उडु-बुडू इदीनपे; ईंगराः कतापे होमगोड; मी जीवकियानखनपे दोहोन; हेल-मेलपे दोहोन। दो अपेय दुलारता अरू सलसते एमेवापेता हाँयग भगवान अपे सुदाय दोहोनता।

रूमी 15:13

दो ईंगरिकुःआ अजी बोपोहकूतिंग, अपे ईसू मसी एचेरेपे बिसवासकेरा। हना अते अबू नाःआ असराय ओवाडबुःआ हाँयग भगवान, अपेराः जीव सलसतते अरू बहालतेय पेरेगगोड लगायिंग अरजीतना, जेमहा अपे सुद बिरुवाराः जंगरते हना असरारेपे बडे जुवाः।

1 कुरिंती 1:10

ने ईंगरिकुःआ अजी बोपोहकूतिंग, ईसू मसीराः ञावते अपे एचेरे गोड़न पइयन घड़ीनिंग कतायतना, अपे जमाकू मिनी गूट जुवाःपे। अरू अपे अलोपे बेगराव हटिंगगुः, मनदो अपे मिनी जीव अरू मिनी ओंगोलते मिनी जुमूटपे दोहो ञवन।

पिलिपी 4:2

ने एवदी अरू सुंतुकी, अबा परबू ईसू एचेरेबा बिसवासगेतना। हनालगा ईंग अबा एचेरे गोड़न पइयनकियानखनिंग कतायतना, “अबा अलोबा कड़ी होड़ेंग, मनदो सलसतरेबा दोहोन।”

पिलिपी 2:2

दो अपे मिनी जीवते अलार-दुलार होड़ेंग घड़ीन, मिनी ओंगोल अरू चाहाःतेपे दोहोन, जेमहा ईंगराः जीव बनाहालते पेरेग जुवाः।

पिलिपी 1:27

तोनोंग इया होयाः, अपेराः लूर-नेवन ईसू मसीराः कतत नपाय सरवन इया होनोयाः लगा इदा। दो ईंग अपे एचेरेयिंग सेन सहे मेरिंग सेन, अपे बदीरेयिंग अयुमे, हँकू बिसवासरे बड़ियाड़ इदानकुःआ। ईंग नाःआ होयिंग अयुमे, हँकू मिनी जीवकियानखन मिनी ओंगोलते, ईसू मसीराः नपाय सरवन एटाः होड़कू बिसवासगे लगा, मुरुककू मिहनइतगेतना, माःआन।

2 पतरस 3:15

अबूरीग परबू अबू सुदा सहाव घड़ीने दोहोना दो, हना अबू सडावगुःराः बेलाबू बुझाः। ननानाः कता बदीरे अबूरीग बिसवासी वगाबू पउलूस हों हाँय पवावनेना हना कनहून इया अपे लगाय ओजाःकेरा।

पिलिपी 3:16

दो अबू चेडकिया हनन इया सनालावगोड ञवन लगा इदा।

मूक चेलाकू 4:32

जमा बिसवासी होड़कू मिनी जीव अरू ओंगोलतेकू दोहोना। तोनोंगीग मेरकू कतागाड, नाःआ जिनिसकून ईंगराः हवे, माःआन। मनदो हँकू एचेरे दोहोना हना जमा जिनिसकून बरोबइरकू हटिंग होड़ेंगा।

2 पतरस 3:9

अदोम होड़कू ओंगलेता, परबू अनँयगराः जबान एचे पुरावगे लगा कुबेरगेताय, माःआन। मनदो हाँय मेरेय कुबेरगेतना। हाँय मेरेय चहाःता तोनोंगीग लाय एंडा जुवाः, मनदो जमा होड़कू कसूर अते जीवकू कुदा लगा बेलाकू पवाः लगाय चहाःतना। हनालगा हाँय अपे सुदा सहाव घड़ीन इदानिया।

रूमी 15:3

ईसू मसी हों अनँयग ननायगुः लगा तोनोंगाः मेरेय एचेगाड, अरू नाःआ बदीरे भगवानराः कागदरे ओजाःतो इदा, “ने भगवान, होड़कू आमकू एरांगवाता दो ईंग होंकू एरंगवायिंगता।”

1 पतरस 3:20

तोलतोकू दोहोना हँकुःआ गोएगतो होड़कू नूहराः जूग परियारे भगवानराः कता मेरकू मनावगान हँकुःआ होड़कू हवे। हनमेला नूह मरंग दाः जहाजे तुलाःआ अरू होड़कू भगवान एचेरे बिसवासगे लगा, भगवान सहाव घड़ीने तंगी ञवना। मनदो आठगोटोंग होड़कू एकला हना दाःतेकू बनसावनेना।

2 कुरिंती 7:6

मनदो हदरावतो होड़कू डीड़े एमेवाकूता हाँयग भगवान अले एचेरे तितूस वारकेडखन अलेराः जीवे अहाल-बहालगोतेड।