रूमी 14:2 - Korwa Bible

² मी होड़ बिसवासगेता, जमा बरानाःबू जोम अवेयता, माःआन। मनदो बिसवासरे अबड़ इदानिया, हाँय अनाड़ाः-ऊतकूने जोमता।

रूमी 14:2 Σταυροειδείς Αναφορές

रूमी 14:1

ईंगरिकुःआ अजी बोपोहकूतिंग, बिसवासरे अबड़ इदानकुःआ, हँकुःआ होड़कू अहापे आड-बेकारवाकू अरू हँकू जाःता हना कताकून बदीरे, अपे अहापे अड़ा-चउकीःआ।

रूमी 14:14

परबू ईंगे एचे सुदीबाःगोतेरा, तोनोंगाः जिनिस अँनपनते बेलूर मेर होयाःता। मनदो तोनोंगीग ओंगलेता, नाःआ जिनिस बेलूर इदा, माःआन, दो हन हनाँय लगा बेनेलूर होयाःता।

रूमी 14:20

भगवान एचेकेरा हना बुता जोम जिनिस लगा अलोम आडगे। जमा जोम जिनिसकून नपाय इदा, मनदो आम तोनोंगाः जिनिस जोम अते एटाः होड़राः बिसवास अबड़ जुवाःता दो आम गारबारगेतना।

रूमी 15:1

ईंगरिकुःआ अजी बोपोहकूतिंग, अबू बिसवासरे बड़ियाड़ इदानबुःआ। हनालगा अबू अँननबू अबू अलोबू ननायगुः। मनदो बिसवासरे अबड़कू दोहोनता हँकुःआ होड़कू, सहाव घड़ीन संघरावाकू लगा इदा।

1 कुरिंती 10:25

बजाररेकू अकिरिंगगेता हना तोनोंगाः मासपे किजा जोम। नाःआ मास तोनोंगाः मुरतीराः देगतो मास हवे जा कोवान, माःआन अहापे ओंगले सहे तोनोंगीग एचेरे अलोपे होंबरे।

1 कुरिंती 8:9

अपे जमालेःआ अँननपेराः ओंगोल इयापे एचे अवेयता। मनदो अबड़ जीव होड़कू एचे कसूरकू अते सवासितीपे दोहोन।

1 कुरिंती 9:22

बिसवासरे अबड़ जीव होड़कू लगा ईंग हँननकू इयायिंग बड़ाँवनेना, जेमहा हँकू बिसवारेकू बड़ियाड़ जुवाः। ईंग जमा होड़कू लगा अँननकू इयायिंग बड़ाँवनेना, जेमहा ईंग अते तोनोंग इया ईसू मसी एचेरेकू बिसवासगे लगा हँकूके आँच पराः।

गलातिया 2:12

हाँयराः गारबार नाःआ दोहोना; एकूबरिकुःआ होड़कू हंडा अरीनकू वेग वरी बेगर एहूदा बिसवासी होड़कू सुदाय जोम-ञूया। मनदो हँकू वेजेड दो हाँय हँकू बोतोरते बेगर एहूदाकू सुदा जोम-ञूय लगाय अड़ाःगोतेड।

1 तिमुतियूस 4:4

भगवान तुलाकेरा हना जमा जिनिसकून ननपाय इदा अरू भगवान धनियाबाद घड़ीनबू जोमता दो, तोनोंगाः जिनिस लुलुंबाड़ लगा कोवानेःआ।

तितूस 1:15

सुद इदानकुःआ हँकुःआ होड़कू लगा जमा कता सुद इदा, मनदो इंदरी अरू ओंगोल बेनेलूराः नेवनते इदा हँकुःआ बेगर बिसवासी होड़कू अरू बेलूर ओंगोल होड़कू लगा जमा कता बेनेलूर इदा।

इबरानी 13:9

होड़कू अपे मसीराः चेडतो अते एटाः एटाःकू चेडपे दो, हनारे अलोपे बहकाःआ। जोजोमराः नियमकून मनावकेडखन अपेराः जीवरे तोनोंगाः नफा ओरो होयानेना। मनदो मसीराः मयाते अपेराः जीव बड़ियाड़गुःता।

इबरानी 9:10

नाःआ जमा नियमकून जोम ञूय अरू एटाः एटाः रिती-बिधी इयाःआ बुहालगुःराः बदीरे एकला दोहोना। अरू नाःआ नियमकून, नाःआ अते तोनोंगाः नपाय इलम अरीन होयाः वरी लगा एकला दोहोना।