रूमी 11:1 - Korwa Bible

¹ दो ईंग होंबरेतना, अनँयगरिकुःआ इसराएल होड़कू भगवान अड़ाः एंडागोतेडकुःआ जा? मेरेय अड़ाः एंडागाडकुःआ। ईंग हों इबराहीमरीग नइड़-बाँस होड़ हवे अरू बिनियामीन गोतोर अते मी होड़ इसराएल होड़ इदानिंगा।

रूमी 11:1 Σταυροειδείς Αναφορές

लूका 20:16

हाँय वेगवाडखन हँकुःआ अधियादारकूय ञेड एंडाकूता अरू अंगूर बगइचा एटाः होड़कूय जिमागोडवाता।” नाःआ कहड़ी अयूमवाडखन होड़कू कताया, “नाःआ इया कहियो अलो होयाः।”

मूक चेलाकू 22:3

हनते पउलूस कताया, “ईंग किलिकिया देसराः तरसूस सहररीग एहूदा होड़ हवे। मनदो ईंगराः पला दरी ननानाः सहररे होयानेना। अबू खुटिपरिया होड़कूराः नियम बदीरे ईंग गमालिएल एचेरेयिंग चिडुःआ। अपे भगवान जमालेःआ मान मरजइतगेय लगा सपड़ावतो इदानपेःआ, हना इया ईंग होयिंग दोहोना।

मूक चेलाकू 26:4

ईंगराः लूर-नेवन ईंगराः देसरे अरू एरुसलेम सहररे लनँइग वरीते करा इयायिंग दोहोना हना जमा एहूदाकू सुसुदीतना।

रूमी 11:11

दो ईंग अरूयिंग होंबरेतना, हँकुःआ इसराएल होड़कू मेरकू बिसवासगाड हना अते हँकू सगर दिन लगाकू एनेटाःयना जा? कोनोवान! हँकू गारबारतेरा हना अते भगवान बेगर इसराएल होड़कूय सडावकेडकुःआ, जेमहा हँकू बदीरे इसराएल होड़कू इरा जुवाः।

रूमी 3:4

नाःआ इया कहियो ओरो होयानेना। जमा होड़कू लबराकू बड़ाँव जुवाःता हों, भगवानराः कागदरे ओजाःतो इदा हनन इया, हाँय सनाताये दोहोनता। “ने परबू, आमराः जमा कताकून सनाताय इदा, अरू होड़कू आमकू फड़ियाव हों आम जितावबाः जुवाःताम।”

रूमी 9:3

होया अवेन दो भगवान ईंग सती-सरापतिरिंगखन ईसू मसीतेयिंग एटाः जुवाः, जेमहा हँकुःआ होड़कू हों ईसू मसीराः दुलारकू सुदी अवे।

2 कुरिंती 11:22

हँकू इबरानी होड़कू हवे दो, ईंग हों हवे। हँकू इसराएल होड़कू हवे दो, ईंग हों हवे। हँकू इबराहीमरिकुःआ नइड़-बाँस होड़कू हवे दो, ईंग हों हवे।

पिलिपी 3:5

नाःआ कता अयुमेपे, ईंग जनमावनेनते आठ दिनरे ईंगराः खतना होयानेना, अरू ईंग इसराएलरीग नइड़-बाँस होड़ हवे, अरू बिनियामीन गोतोर अतेयिंग जनमावकिया, अरू ईंग सताय एहूदा होड़ हवे, अरू एहूदाकूराः नियमकून नपायतेकू मनाःता हँकुःआ फरीसी गउदारीग होड़ हवे,