रूमी 10:9 - Korwa Bible

⁹ अपे ईसू मसी, परबू हवे माःआन अरू भगवान हाँय गोएगतो होड़कू अतेय जियाव रेमकिडिया, माःआनपे बिसवासगेता, अरूपे कबुलाःतान दो अपे सडाव जुवाःतापे।

रूमी 10:9 Σταυροειδείς Αναφορές

लूका 12:8

हनते ईसू कताया, “ईंग बड़रापे अयूम। तोनोंगीग होड़ एटाःकू मड़ंगरे ईंगे मान मरजइतता दो मनुवारीग बेटात हों भगवानरिकुःआ सेरमो देसरिकुःआ बराहीलकू मड़ंगरे हाँये मान मरजइतता।

एहुना 9:22

तोनोंगीग होड़ ईसू, मसी हवे माःआने मनेवाया दो, हाँयग होड़ अरजी ओड़ाः अते हिगार एंडाय लगा एहूदाकूरिकुःआ मूक होड़कू मी रायरेकू दोहोना। हनालगा हाँयग होड़रिकिनाः एंगात अपात एहूदाकूरिकुःआ मूक होड़कूराः बोतोरतेकिन कतातेरा, नाँय लँइग कोवाया। हनालगा अपे अनँयग एचेरेपे होंबरे, माःआन।

मूक चेलाकू 16:31

दो हँकिन कताया, “परबू ईसू एचेरेम बिसवासगे, दो आम अरू आमराः ओड़ाःरिकुःआ जमा होड़कू सडाव जुवाःता।”

मूक चेलाकू 2:24

मनदो हाँय गुनुजुः गुजुःराः आड़रे ओनोरोय दोहो अवेनेना। हनालगा भगवान हाँय गुजुः अते सडावतिरिगखने जियाव रेमकिरिया।

मूक चेलाकू 2:32

भगवान ननाँय ईसू गोएगतो होड़कू अतेय जियाव रेमकिरिया अरू अले जमाकू नाःआ सताय कताराः हिदइतदारकू इदानलेःआ।

मूक चेलाकू 8:36

दो हँकिन सेनेन सेन दूररे हना संडक कुटीरे दाः दोहोना। दो हाँयग मरंग हातपात होड़ कतातेरा, “ञेलमे नंडा दाः इदा। ईंग बतिसमा एमे अते तोनोंग टटी-बेड़ा इदा जा?”

रूमी 10:10

मी होड़ अनँयग जीवरे बिसवासकेडखन भगवानराः ओंगोलरे फड़ियावतो होड़े बड़ाँव जुवाःता अरू हाँय कबुलाः घड़ीने सडाव जुवाःता।

रूमी 14:11

भगवानराः कागदरे परबू नाःआ इयाय कताकेरा, “ईंग कनाताबाःगेतना, जमा होड़कू ईंग मड़ंगरेकू उकुड़ोमगुःता, अरू हँकू जमाकू भगवानकू जागता।”

रूमी 14:9

ननानाः लगा ईसू मसी गोएगनेनखन अरूय जियाव रेमकिया, जेमहा गोएगतो होड़कू अरू जीयत होड़कू होंकू कबुलाव अवेन, नाँय अबूरीग परबू हवे, माःआन।

रूमी 4:24

परबू ईसू गोएगतो होड़कू अते भगवान जियाव रेमकिडिया माःआनबू बिसवासगेता दो, भगवान अबू बेगर गारबार होड़कूय ओंगोल दोहोबाःकाबूता।

रूमी 8:34

अरू इये अबूय डंडियाव अवेबूता? ईसू मसी अबू लगाय गोएगनेना अरू गोएगतो अतेय जियाव रेमकिया, हनाँयग भगवानराः खउना तिःई गतररे मान मरजइत सुदा दुडुःकियानखन अबू लगा असे घड़ीने अरजीतना। हनालगा तोनोंगीग अबू ओरोय डंडियाव अवेतेडबुःआ।

1 कुरिंती 12:3

हनालगा ईंग कतायतना, सुद बिरुवाराः अगुवाइतेय सलाःता हाँयग होड़, ईसू सती-सरापतो इदानिया माःआन मेरेय कतायता। सुद बिरुवा तोनोंगीग मेर अगुवाइवाय दो हाँय, ईसू, परबू हवे, माःआन ओरोय कता अवेतेरा।

पिलिपी 2:11

हँकू इनीसू मसी, परबू हवे माःआनकू कबुलाःता जेमहा अपांग भगवानराः मान मरजइत होयाः।

1 पतरस 1:21

भगवान ईसू मसी गोएगतो होड़कू अते जियाव रेमकेडखने मान मरजइतकिडिया, जेमहा अपेराः बिसवास अरू असरा, भगवान एचेरे टक-टकावतो दोहोन।

1 एहुना 4:15

तोनोंगीग होड़ एटाःकू एचेरेय कतायता, ईसू भगवानरीग बेटात हवे, माःआन दो हाँय जीवरे भगवान दोहोनता अरू हाँय हों भगवान सुदाय मिनी जुवाःता।

2 एहुना 1:7

होड़कू एचेरेकू अडिग जोमता हँकुःआ होड़कू चउंदीसरे मुरुक इदानकुःआ। हँकू कतायता, ईसू मसी मनुवाराः सुरइत मुरइतरे मेरेय जनमावगान, माःआन। आअडिग होड़कू अरू मसी मुदइ होड़कू नननकू हवे।