रूमी 1:18 - Korwa Bible

¹⁸ भगवानराः ओंगोल इया मेरकू जियाःता हँकुःआ होड़कू सताय कता कसूरतेकू ओकोगोडता, अरू कसूर घड़ीन बेनेलूर जीवकू जियाःता। हनालगा सेरमो देस अते भगवान, हँकू सुदा मुरुक रीसतो इदानिया।

रूमी 1:18 Σταυροειδείς Αναφορές

रूमी 1:19

भगवान होड़कूराः जीवरे अनँयगराः बदीरे एचे सुदीकेडकुःआ। हनालगा अँननकू अँकू सतायरे भगवान बदीरेकू सुदी अवेयतना।

रूमी 1:28

हँकू भगवान मेरकू मनेवायता अते, अँकूराः बेनेलूर ओंगोल इयाकू एचेय लगा भगवान अनाड़ाः एंड़ागोतेडकुःआय।

रूमी 1:32

हँकू भगवानराः नियम नपायतेकू सुदीयता, नाःआ इया बेलूर बुताकू एचेयता हँकुःआ होड़कू गुजुःराः डंड पनावाः जुकूर इदानकुःआ। हनते हों हँकू हनानाः कसूरकूनकू एचेगोड ञवनता अरू हनानाः कसूरकून एचे ञवन लगा होड़कूकू लहराव ञवनता।

रूमी 2:3

ने सउंगता, भगवान हँकुःआ होड़कूय फनड़ियावकूता, मनदो आम ओंगलेतना, ननन इया बुता ईंग एचेय दो भगवान ईंग ओरोय डंडियावतिरिंगा, माःआन। दो आमराः ओंगोल इया भगवानराः डंडियावतेम बनसाव जुवाःता जा?

रूमी 3:9

दो नाःआ बदीरे चेले माःआनबू कता अवेयता? अले एहूदाकू एटाः होड़कू अते ननपाय इदानलेःआ जा? बुरी, कोनोवालेःआ। ईंग मड़ंगरेयिंग कता उदुःकेरा, एहूदाकू अरू बेगर एहूदाकू जमाकू कसूररे इदानबुःआ।

रूमी 4:15

होड़कू भगवानराः नियमकून जमालेःआ मेरकू मनाव अवेनतान अते भगवान डंडियावकूताय। मनदो नियमकून मेर दोहोन दो नियमकून टड़ावराः कता करा इया दोहोकुःआ?

रूमी 5:6

अबू अबड़बू दोनोहोन मेला, भगवान तोल दोहोतेरा हनानाः बेला, ईसू मसी अबूराः कसूर बदलारेय गोएगनेना।

रूमी 5:9

ईसू मसी अबू लगा बलिदाननेनखन बलंगीय तूतेरा। हनाते अबू भगवानराः ओंगोलरे बेगर गारबार होड़कूबू बड़ाँवयना, दो अबू भगवानराः डंडियावते हों बननसाव जुवाःताबू।

रूमी 6:13

अपेराः देह दगलीकून बेलूर ओंगोल इया कसूरगे लगा अहापे एमेय। अपे कसूरते गोएगतो इयापे दोहोना, मनदो नुँहू अपे नँवा जीवपे पवावकिया। हनालागा अपेराः देह दगलीकून नपाय बुता बुता लगा भगवान एचेरेपे जिमागोड।

इपीसी 5:6

तोनोंगीग होड़ अँकूराः लबरा चेडतोते अलोकू अडिग अवेपे। बेलूर बुता एचेकेडखन भगवानराः कता मेरकू मनाःता हँकुःआ होड़कू एचेरे भगवान रीस रंजाव जुवाःताय।

कुलूसी 3:6

ननानाः अते हुकुम मेरकू मनाःता हँकुःआ होड़कू एचेरे, भगवानराः रीस रंजाव जुवाःता।

2 तिसलूनिका 2:10

हाँय, सडावकेकुःआ हना सताय सरवन मेरकू दुलारगाड हँकुःआ लायतो होड़कू, जमा बरानाः बेलूर बुताकूनतेय अडिगगोडकूता।

2 तिसलूनिका 2:6

हाँयग रबूद होड़ वेग अते चिला रोंकावकिडिया हना अपे सुसुदीतना। अरू हाँय भगवान तोल दोहोकेरा हनानाः बेलारेय एचे ञिलुःता।