रूमी 1:13 - Korwa Bible

¹³ ने अजी बोपोहकूतिंग, नाःआ कता बदीरे अपे अनसिनहार अहापे दोहोन। एटाः जइत होड़कू बिसवासी होड़कूयिंग बड़ाँवकेरा। हनन इया अपे तलारे हों एचेय लगा ईंग अपे एचेरे घड़ी घड़ी सेन लगायिंग चहाःआ। मनदो नुँहू वरी मेरिंग सेने अवेगना।

रूमी 1:13 Σταυροειδείς Αναφορές

एहुना 12:24

अपे ईंगपे अयूम! गोहोम बिहान ओतरे वेरकेडखन मेर गुजुः दो, हना बिहान हनन इया दोहो जुवाःता। गुजुःतान दो हना बिहानते मुरुक जांगगुःता।

एहुना 15:16

अपे ईंग मेरपे सुनावगडिंगा। मनदो ईंग अपेयिंग सुनावकेडपेःआ अरू अपे सेनेकियानखन सगर बेला वरी दोहोनता हना नपाय बुताराः जोःओकून अदेर लगायिंग एटाःकेडपेःआ। हनाते अपे ईंगराः ञावते ईंग अपांग एचेरेपे असेय हना हाँय एमेवापेता।

एहुना 4:36

इईरीग होड़ बुतातना अरू हनाराः मंजूरीय गोःगोतना अरू ओरो टुटीगनेना हना जीव लगाय बटुड़ाव अदेरगेतना। नाःआते वेवेरीग होड़ इईर होड़ सुदा बना होड़किन बहाल जुवाःता।

मूक चेलाकू 1:15

दो मी दिनरे अंदांज मी सव बीस बिसवासी होड़कू मिनीरेकू जुमावनेना। अरू हँकू तलारे पतरस चड़ाँनेन

मूक चेलाकू 14:27

हंडाकिन सोदोरनेन दो हँकिन जमा बिसवासी होड़कूकिन एचे जुमावतेडकुःआ अरू हँकिनते भगवान एचेतेरा अरू भगवान बेगर एहूदाकू ईसू एचेरे करा उड़ीकू बिसवासतेरा हना जमाकूनकिन कता उदुःतेरा।

मूक चेलाकू 15:12

हना तयोमरे पउलूस अरू बरनाबास, भगवान बेगर एहूदाकू एचेरेय एचेतेरा हना जमा चिनहाकून अरू बयाव जुवाः इयाःआ बुताकूनकिन कता उदुःतेरा दो जमा बिसवासी होड़कू कलेकालयान अरू हँकिनराः बड़राकू अयूमतेरा।

मूक चेलाकू 19:21

नाःआ जमाकून होयानेन तयोमरे पउलूस मकिदुनिया राइज अरू अकाया छतर पारनेनखन एरुसलेम सेन लगाय ओंगोल रायनेना। हाँय कताया, “हंडा सेनेकियानखन ईंगके रूमी सहर हों सेन लगा इदा।”

मूक चेलाकू 21:19

पउलूस हँकूय सलामतेडा अरू आँयगराः सेवाते भगवान बेगर एहूदाकू तलारेय एचेतेरा हना जमा कताकूने उदुःतेरा।

मूक चेलाकू 28:14

हंडा अले बिसवासी होड़कू सुदाले जुमावनेना अरू हँकू कतातेड अते अले हँकू एचेरे सात दिनले दोहोना। अरू हनन इया अले रूमी सहर अगी तोराले।

रूमी 1:12

ईंगराः ओंगोल नाःआ इया इदा; ईंग अपे सुदायिंग जुमाः मेला। अबूराः बिसवासते अबू जमाकू कता-बहाल होड़ेंग अवेनबू।

रूमी 11:25

ईंगरिकुःआ अजी बोपोहकूतिंग, मड़ंगरे होड़कू मेरकू सुदीया नाःआ कता बदीरे अपे अनसिनहार अहापे दोहोन। अरू अपे अँननपे कनहूनदारकू अहापे ओंगलुः। इसराएल होड़कू अते अदोम होड़कू अँनकूराः जीवकू कटकटावगोतेडा। मनदो भगवान ओंगोल दोहोकेडकुःआ हँकुःआ बेगर एहूदाकू हाँय एचेरे अरीनकू बिसवासगे वरी हँकुःआ एहूदाकू अँनकूराः जीव केटेग कटकटावतोकू दोहोनता।

रूमी 7:1

दो ईंगरिकुःआ अजी बोपोहकूतिंग, अपे मोसेसराः नियमकूनपे सुसुदीतना। हनालगा अपे एचेरेयिंग कतायतना, तोनोंगीग होड़ जीयते दोहोन, हना वरी हाँय नियमकून इया सलाः पराःता।

1 कुरिंती 1:10

ने ईंगरिकुःआ अजी बोपोहकूतिंग, ईसू मसीराः ञावते अपे एचेरे गोड़न पइयन घड़ीनिंग कतायतना, अपे जमाकू मिनी गूट जुवाःपे। अरू अपे अलोपे बेगराव हटिंगगुः, मनदो अपे मिनी जीव अरू मिनी ओंगोलते मिनी जुमूटपे दोहो ञवन।

1 कुरिंती 10:1

ने अजी बोपोहकूतिंग, अबूरिकुःआ खुटिपरिया होड़कूराः जीवरे करा इया होयानेना हना बदीरेपे उहियारगे। हँकू टयंगाब ततेरतेकू सेने पार मेला, मीटोंग बदरीराः उंबूल उंबूलकू सेना अरू हँकू समुंदर तलारेकू सेने पारयान।

1 कुरिंती 12:1

दो ईंगरिकुःआ अजी बोपोहकूतिंग, सुद बिरुवाराः दहिनकून बदीरे अपे अनसिनहारपे दोहोन लगा मेरिंग चहाःतना।

1 कुरिंती 14:20

ने ईंगरिकुःआ अजी बोपोहकूतिंग, अपे लइंकू इया अहापे ओंगले। मनदो अपे सयाँड़ होड़कू इयापे ओंगले अरू बती लइंकू इया सुझिया होड़कूपे बड़ाँः।

1 कुरिंती 14:26

ने अजी बोपोहकूतिंग, अपे मिनीरेपे जुमाः मेला नाःआ इयापे एचेय। अपे मेमेड होड़ मेमेड होड़ एचेरे सेरेंगकून सहे, चेड सरवन सहे, भगवानराः एचे उदुःतो सरवन सहे, अनबुझ भासी सहे, अनबुझ भासीराः अरत उदुः लगा इदा दो, नाःआ जमाकूनते कलसियारिकुःआ जमा बिसवासी होड़कूराः नफा होयाः लगा इदा।

1 कुरिंती 9:2

अदोम होड़कू कतायतना, पउलूस ईसू मसीरीग मूक चेला ना लवे, माःआन। मनदो अपे ईंग ईसूरीग मूक चेला हवे माःआन अपे जीवरेपे ओंगोल दोहोबाःकाडिंगा। अपे ईसू एचेरेपे बिसवासकेरा हना ञेलकेडखन होड़कू सुदींगता, पउलूस ईसू मसीरीग मूक चेला हवे, माःआन।

2 कुरिंती 1:8

दो ईंगरिकुःआ अजी बोपोहकूतिंग, अलिंग आसिया राइजरेलिंग सहावतेरा हना कटसिया बदीरे अपे अनसिनहार अलोपे दोहोन लगालिंग चहाःतना। अलिंग मेरलिंग सहाव अवेय हना इया कटसियाते अलिंग जीव मुरुक ओंगोल कुहकाःआ, अरू गोनेग जुवाःता माःआनलिंग ओंगलेःआ।

2 कुरिंती 2:14

भगवान ईसू मसीते जमा बेला अबू बहालतेय एचे जितावबूता। अरू हाँय नपाय महकता हना सुनुम इयाःआ मसीराः कनहून, अबूते होड़कूय एचे सुदीगोडकूता। हनालगा भगवानिंग धनियाबादता।

गलातिया 3:15

ने अजी बोपोहकूतिंग, सगर दिनाः कताकून अते मीटोंग कतायिंग कतायता। होड़कूराः कता-जमकावतो तोनोंगीग मेरकू टड़ावगेता अरू मेरकू बदलायता।

गलातिया 6:18

ईंगरिकुःआ अजी बोपोहकूतिंग, परबू ईसू मसी अपेराः जीवे मयावा। आमीन!

पिलिपी 1:22

ईंग जिनियतिंग दोहोन दो परबू लगा नपाय सेवायिंग सेवा अवेता। ओहरे! ईंग मेरिंग सुसुदीतना ईंग लगा चिला नपाय दोहोनता, ईंग गोएग जुवाः जा जीयतिंग दोहोन?

पिलिपी 4:17

ईंग बदीरे अपे अहापे ओंगोलगे, नाँय तोनोंगाः संघरा पवाः लगाय चहाःतना, माःआन। मनदो ईंग चहाःतना, अपे ईंगपे संघरावातेरा, हनाते भगवान अपे इमाने एमेवापे।

कुलूसी 1:10

जेमहा अपे परबूराः हिछा इया जियाः घड़ीनपे ननायगोडेय, जमालेःआ नपाय बुतापे एचे अवेय, अरू भगवान अनउर नपायतेपे सुदीगोड ञवन।

कुलूसी 1:6

अपे भगवानराः सरवनपे अयूमकेरा, अरू जमालेःआ सतायते हाँयराः मयापे बुझावकिया, अरू हना वरीते अपेराः जीवरे नफा होयाकिया। ननन इया नाःआ नपाय सरवन, चउंदीसरिकुःआ जमा होड़कू एचेरे सेड़यावयना, अरू हँकू लगा हों नफा होया ञवनतना।

1 तिसलूनिका 2:18

अरू सतायरे ईंग पउलूस, घड़ी घड़ी सेन लगायिंग कुरनिसगेःआ, मनदो कलउ अलेय रोंकावगोतेडले।

1 तिसलूनिका 4:13

ने अजी बोपोहकूतिंग, गोएगयनाकू हँकुःआ बिसवासी होड़कू बदीरे अनसिनहार अहापे दोहोन, जेमहा गोएगतो होड़कू जियाव रिमुःता हना बदीरे असरा कोवानेःआ हँकुःआ होड़कू इया अहापे फिकिराः।

2 तिसलूनिका 2:7

नुँहू वरी होड़कू सोटो बोटो होड़ेंगतनाकू अरू हँकू भगवान मेरकू मनवेयतना। रोरोंकावीग दोहोन वरी हाँयग रबूद होड़ रोनोंकावतोय दोहोनता। मनदो रोरोंकावीग चलाः जुवाः दो,

2 तिमुतियूस 4:17

मनदो ईसू मसी ईंग सुदाय दोहोना अरू हाँयराः जमा सरवन बेगर एहूदाकू एचेरे परसार उदुःगे लगा हाँय ईंगे संघरावातेडिंगा अरू गुजुःराः दूरतेय बनसावतिरिंगा।