उदुःतो कताकून 9:20 - Korwa Bible

²⁰ हनते हों नाःआ हइजाते बनसावतो होड़कू अँननकू अँकूराः बेलूर बुताकून अड़ाःकेडखन जीव मेरकू कुदागाड, अरू भूतकूकू सेवाःआ। हँकू सोना अरू चाँदी अरू पितड़ अरू दिरि अरू कठवाराः मुरतीकूनराः सेवा मेरकू अड़ाःगाड। नाःआ मुरतीकून कहिसाः मेर ञेल अवेयता, मेर अयूम अवेयता अरू मेर सेने अवेनता।

उदुःतो कताकून 9:20 Σταυροειδείς Αναφορές

मती ओजाःतेरा भगवानराः नपाय सरवन 21:32

बतिसमा एमेयीग होड़ एहुना नपाय धरमिया दूरे उदुःवातेडपेःआ। अरू अपे हाँय एचेरे मेरपे बिसवासगाड। मनदो मलगुजारी गोः होड़कू अरू सनहा-सनही होड़कू बिसवासतेरा। अरू नाःआ ञेलतेडखन तयोमरे हों अपे कसूर अते जीव कुदाकेडखन एहुना एचेरे मेरपे बिसवासगाड।”

मूक चेलाकू 17:29

अबू भगवानरिकुःआ लइंकू हवे दो अबू अहाबू ओंगलेय हाँय मनुवाकूराः ओंगोल अरू कड़िगाड़तेकू तुलाकेरा हना तोनोंगाः सोना सहे चाँदी सहे दिरिराः मुरती इया इदानिया, माःआन।

मूक चेलाकू 19:26

अपे ञेलतना अरूपे सुसुदीतना, नाँयग पउलूस इपीसी सहररिकुःआ मुरुक बगरा होड़कू अरू जमा आसिया राइजरिकुःआ होड़कूय एचे सुदीगोतेडा अरू एटाः इयाय बहकावगोतेडकुःआ, माःआन। हाँय कतायतना मनुवाराः तिःईतेकू तुलाकेरा हना मुरतीकून भगवान हिरगिस ना लवे।

मूक चेलाकू 7:41

दो हनानाः दिनरे हँकू हारूनतेकू एचे तुलातेरा मीटोंग पठरू होनराः मुरती। हँकू हना मुरती लगा बलिदानकू देगा अरू हँकू हरूनतेकू एचे तुलातेरा हना मुरती लगा रीझ रंग घड़ीनकू सूना।

2 कुरिंती 12:21

ईंग बोरतना, अपे एचेरे अरूयिंग सेन दो होयाःकून करे अपे मड़ंगरे भगवान ईंगे एचे गियूगोडिंग। अपे अते मुरुक होड़कू मड़ंगरेकू एचेया हना सनहा-सनही, लमचोर-लिमचोर अरू बेलूर बुताकून अड़ाःकेडखन भगवान अगी जीव मेरकू कुदागरा। अरू हँकुःआ होड़कू हनानाः बुताकून एचे घड़ीनकू जियाःतना। दो ईंग हँकुःआ होड़कू लगा मुरुक फिकिराः पराःता करे?

1 तिमुतियूस 4:1

भगवानराः सुद बिरुवा नपायते उदुःगेता, दरवाःआ हना बेला अदोम होड़कू बहकावकूता हना भूतकूराः चेडरे बिसवासकेडखन सताय बिसवासकू अड़ाःगोडता, माःआन।

उदुःतो कताकून 15:1

हनते सेरमो देसरे मीटोंग मरंग अरू बयाव जुवाः इया चिनहायिंग ञेलतेरा। हंडा सातगोटोंग बराहीलकू दोहोना अरू हँकू एचेरे सातगोटोंग हइजा दोहोना। नाःआ टुटीग हइजाते भगवानराः रीस चबायान।

उदुःतो कताकून 16:8

हनते चाइर नमारीग सेरमो देसरीग बराहील अनँयगराः डुभा बेररेय दूलगोतेड अरू हनाते होड़कू सेंगेलते भुरटावकू लगा बेर हातपाते पवावनेना।

उदुःतो कताकून 9:19

हँकुःआ घोड़ाकूराः जंगर हँकूराः आहरे अरू चड़रोमरे दोहोना। हँकूराः चड़रोम बींगकू इया दोहोना अरू हना चड़रोमरे बोः हों दोहोना। हनानाःते होड़कूकू हनिःआ।

उदुःतो कताकून 9:21

हँकू होड़कू ञेड गोएग अते, पंगाड़ होड़ेंग अते, सनहा-सनही बुता अते अरू इइनिग बुता अते भगवान अगी अँकूराः जीव मेरकू कुदागाड।