उदुःतो कताकून 9:18 - Korwa Bible

¹⁸ सेंगेल अरू सोकोल अरू लेटे दिरिराः गुंडाराः पेयगोटोंग हइजा हँकूराः आहते उडुंगनेनखन चउंदीसरिकुःआ पेय बंटारे मी बंटा होड़कू गोएग एंडागोतेडकू।

उदुःतो कताकून 9:18 Σταυροειδείς Αναφορές

उदुःतो कताकून 8:10

हनते पेय नमारीग बराहील अनँयग मरंग सोहनाईए ओंगतेरा दो, मुरी इया सलगाःआ हना मीटोंग मरंग इपील सेरमो अते लोजोरयान। हना इपील नईकून अरू दाः सूतीकूनराः पेय बंटाराः मी बंटारे लोजोरयान।

उदुःतो कताकून 8:11

हाँयग इपीलराः ञाव दोहोना हटी तोरगे। हनते जमा दाः पेय बंटारे मी बंटा हटीयान अरू मुरुक होड़कू हना हटी दाःकू ञूतेड अतेकू गोएगयान।

उदुःतो कताकून 8:12

हनते चइर नमारीग बराहील अनँयग मरंग सोहनाईए ओंगतेरा दो, बेर, बांगो अरू इपीलकू पेय बंटारे मी बंटा अंदरायान। हनालगा दिनरे चइर घंटा अंदरायान अरू हनन इया रइतरे हों चइर घंटा भीट भीट अंदरायान।

उदुःतो कताकून 8:7

मड़ंगीग बराहील अनँयग सोहनाईए ओंगतेरा दो, बलंगीते मेसात अरील अरू सेंगेल, दाः झड़ियाव उयुःता इया ओतरे लोजोरनेना। हनमेला ओत अरू सींग दूबकून अरू जमा हड़ियड़ बीरकून पेय बंटारे मेमेड बंटा लो एंडायान।

उदुःतो कताकून 8:8

हनते बार नमारीग बराहील अनँयग मरंग सोहनाईए ओंगतेरा दो, मीटोंग सलगावतो मरंग पहाड़ इयाःआ तोनोंगाः जिनिस, समुंदररे लोजोरयान।

उदुःतो कताकून 8:9

हनमेला समुंदरराः दाः पेय बंटारे मी बंटा बलंगीयान, अरू समुंदररिकुःआ जिया-जउतकू पेय बंटारे मी बंटाकू गोएगयान, अरू जहाजकून पेय बंटारे मी बंटाकून लाय एंडायान।

उदुःतो कताकून 9:15

दो ननानाः बेला अरू दिन अरू महिना अरू बरिस लगा सपड़ाव दोहोतेडकुःआ हँकुःआ बराहीलकूय अड़ाःगोतेड। दो नुँहू हँकू पेय बंटारे मी बंटा चउंदीसरिकुःआ होड़कू ञेड गोएगकू लगाय अड़ाःगोतेडकुःआ।

उदुःतो कताकून 9:17

ईंग दरसनरे नाःआ इयायिंग ञेलतेरा; घोड़ा सलावदारकू झिलमकू तुसिंगतेरा। हँकूराः झिलमराः रंग सेंगेल इया लाल रंग, अरू दूमराकांत दिरि इया नीला रंग, अरू लेटे दिरि इया पियाड़ रंग दोहोना। हँकुःआ घोड़ाकूराः बोः कूलकूराः बोः इया दोहोना अरू हँकूराः आह अते सेंगेल, सोकोल अरू लेटे दिरिराः गुंडा उडुंगगुःआ।

उदुःतो कताकून 9:19

हँकुःआ घोड़ाकूराः जंगर हँकूराः आहरे अरू चड़रोमरे दोहोना। हँकूराः चड़रोम बींगकू इया दोहोना अरू हना चड़रोमरे बोः हों दोहोना। हनानाःते होड़कूकू हनिःआ।