उदुःतो कताकून 9:17 - Korwa Bible

¹⁷ ईंग दरसनरे नाःआ इयायिंग ञेलतेरा; घोड़ा सलावदारकू झिलमकू तुसिंगतेरा। हँकूराः झिलमराः रंग सेंगेल इया लाल रंग, अरू दूमराकांत दिरि इया नीला रंग, अरू लेटे दिरि इया पियाड़ रंग दोहोना। हँकुःआ घोड़ाकूराः बोः कूलकूराः बोः इया दोहोना अरू हँकूराः आह अते सेंगेल, सोकोल अरू लेटे दिरिराः गुंडा उडुंगगुःआ।

उदुःतो कताकून 9:17 Σταυροειδείς Αναφορές

उदुःतो कताकून 11:5

तोनोंगीग हँकिन हनीकिन लगाकू चहाःता, दो हँकिनराः आहते सेंगेल उडुंगगुःता अरू अँकिनरिकुःआ मुदइकू लाय एंडागोडकूता। ननन इया तोनोंगीग हँकिन हनी लगाकू चहाःता, हँकुःआ होड़कू लाय एंडा जुवाःता।

उदुःतो कताकून 14:10

भगवान हँकू सुदा मुरुके रीस रंजाव जुवाःता। अरू हाँय सेरमो देसरिकुःआ सुद बराहीलकू अरू भेड़ा होन मड़ंगरे हितकाःतो लेटे दिरि गुंडा अरू सेंगेलते हँकुःआ होड़कू मुरुक पीरारेय एचे परावकूता।

उदुःतो कताकून 19:20

मनदो हँकू हाँयग जानर अरू हाँय सुदा भगवानराः बड़रा लबराते कतायीग होड़ होंकू साबतेरा। भगवानराः बड़रा लबराते कतायीग होड़ जानर मड़ंगरे बयाव जुवाः इयाःआ चिनहाकूने एचेया। मड़ंगरे हाँय हना बयाव जुवाः इयाःआ चिनहाकूनते, हाँयग जानरराः चिनहाकू गोःतेरा अरू हाँयग जानरराः मुरतीकू सेवाःआ हँकुःआ होड़कूय अडिगतेडकुःआ। हँकिनकू साबतेरा हना तयोमरे, हँकिन बनर जिनियत जीयत सेंगेलराः हुडिंग समुंदररेकू रेमगे बोलोगोतेडकिन। हना सेंगेलराः हुडिंग समुंदररे लेटे दिरि हितकाःआ।

उदुःतो कताकून 20:10

हनते हँकुःआ होड़कू अडिगता हाँयग कलउ, सेंगेल अरू हितकाःतो लेटे दिरिराः हुडिंग समुंदररेय तेके बोलोगोडेयता। हंडा हाँयग जानर अरू भगवानराः बड़रा लबराते कतायीग होड़ हों दोहोनता। हँकू सगर सइट दिन रइत पीरारेकू पिड़ियाः पिड़ियाः ञवनता।

उदुःतो कताकून 21:20

अरू पाँच नमारराः नेव कइन रंगाः गोमेद दिरिते, अरू छो नमारराः नेव लाल रंगाः माड़िकिया दिरिते, अरू सात नमारराः नेव सोना रंगाः पीतमड़ी दिरिते, अरू आठ नमारराः नेव नीला रंगाः पोरोग दिरिते, अरू नव नमारराः नेव पियाड़ रंगाः पुखराज दिरिते, अरू दस नमारराः नेव धुमइल कड़िया रंगाः लहसनिए दिरिते, अरू गारह नमारराः नेव नीला रंगाः दुमरकांत दिरिते, अरू बारह नमारराः नेव धुः-धुमइल रंगाः अकूत दिरिते तुलात दोहोना।

उदुःतो कताकून 21:8

मनदो पोंकाहा होड़कू, अरू बेगर बिसवासी होड़कू, अरू एरंग होड़कू, अरू ञेड एएंडा होड़कू, अरू सनहा-सनही होड़कू, अरू पपंगाड़ होड़कू अरू मुरती सेवा होड़कू अरू जमा लबरा होड़कू, हँकू जमाकू हना सेंगेल अरू हितकाःतो लेटे दिरिराः हुडिंग समुंदररेकू रेमगे बोलोगोडकूता। अरू ननानाः हवे बार नमार गुजुः।”

उदुःतो कताकून 9:18

सेंगेल अरू सोकोल अरू लेटे दिरिराः गुंडाराः पेयगोटोंग हइजा हँकूराः आहते उडुंगनेनखन चउंदीसरिकुःआ पेय बंटारे मी बंटा होड़कू गोएग एंडागोतेडकू।

उदुःतो कताकून 9:9

हँकू लोहाराः झिलम कुड़ोमरेकू तुसिंगतेरा, अरू रंत सुदा तोलतो घोड़ाकू लड़ाइ लगाकू बतकाःता हना इया हँकूराः पंकीराः मुरुक सटी अरो अयमुःआ।