उदुःतो कताकून 8:5 - Korwa Bible

⁵ हनते हाँयग बराहील सकलाकू दोहोता हना सोनाराः डुबहा गोःतेडखन हना धामराः सेंगेले रेमतेरा अरू चउंदीसरेय गिरहागोतेड। हनमेला ठेड़ररे विड़चेड़नेना अरू बदरी हदूड़नेना अरू ओत डोलाःआ।

उदुःतो कताकून 8:5 Σταυροειδείς Αναφορές

मती ओजाःतेरा भगवानराः नपाय सरवन 24:7

मी जइतरिकुःआ होड़कू एटाः जइतरिकुःआ होड़कू सुदा अरू मी देसरिकुःआ होड़कू एटाः देसरिकुःआ होड़कू सुदाकू लड़ाइता। एटाः एटाः ततेरराः ओत डोलाःता अरू कतकाल हों होयाःता।

लूका 12:49

ईसू अरूय कताया, “ईंग चउंदीसरे सेंगेल सलगावगे लगायिंग वेगकिया। अरू ईंग चहाःतना नुनुँहू वरीते हना सेंगेल सलगाव जुवाः।

मूक चेलाकू 16:26

दो असाका हना ततेरराः ओत डोलावनेना अरू जेहेलराः नेव हों हिलावयान। हनमेला जेहेलराः जमा दुवारकून गीगयान अरू जमा होड़कूराः सिकिड़ी हों लड़ायान।

मूक चेलाकू 4:31

हँकू अरजीतेड हना तयोमरे हँकुःआ होड़कू दोहोना हना ततेरराः ओत डोलावनेना। हनते हँकुःआ जमा होड़कूराः जीव भगवानराः सुद बिरुवाते पेरेगयान अरू भगवानराः सरवन होड़कू एचेरे डीड़तेकू कता उदुःतेरा।

उदुःतो कताकून 11:13

हननमेला ओत मुरुक डोलावनेना अरू हना मरंग सहरराः दस बंटा अते मी बंटा वाः बोलोयान। अरू हना बिपइतरे सात हजार होड़कू गोएगयान। बनसावनेना हँकुःआ होड़कू बोरोयान अरू सेरमो देसरीग भगवानकू जागतेरा।

उदुःतो कताकून 11:19

हनते सेरमो देसरे इदा हना भगवानराः ओड़ाःकू गीगतेरा। अरू हना ओड़ाः पेंदारे भगवानराः कता-जमकावतोराः बकसा ञिलुःआ। हनमेला ठेड़ररे विड़चेड़ा अरू बदरी हदूड़ा अरू ओत डोलाःआ अरू मरंग मरंग अरील लोजोरनेना।

उदुःतो कताकून 4:5

हना गदी अते बदरी विड़चेड़नेना अरू ठेड़ररेनेना, अरू हना गदी मड़ंगरे सातगोटोंग ढिबरीकून सलगावनेना। हना ढिबरीकून भगवानराः सातगोटोंग बिरुवा हवे।

उदुःतो कताकून 6:12

ईंग ञेलतेरा, भेड़ा होन छो नमारराः मोहरे उघाड़तेरा। हनमेला ओत मुरुक डोलावनेना, अरू बेर कमड़ा इया भिंजीट कड़ियायान, अरू बांगो बलंगी इया अदग लालयान,

उदुःतो कताकून 8:3

भगवानराः गदी मड़ंगरे मीटोंग धाम दोहोना। अरू एटाःयीग, सेरमो देसरीग बराहील सकलाकू सोलोंगता हना सोनाराः डुबहा साबतेडखन धाम कुटीरेय चड़ाँयान। अरू हना गदी मड़ंगराः सोनाराः धामरे भगवानरिकुःआ सुद होड़कूराः अरजी सुदा देगगे लगा हाँयग बराहील मुरुक सकलाय पवावनेना।