उदुःतो कताकून 8:2 - Korwa Bible

² हनते ईंग सातगोटोंग बराहीलकू भगवानराः मड़ंगरे चड़ाँतिंग ञेलतेडकुःआ। हँकू मेमेडटोंग मेमेडटोंग मरंग सोहनाईकू पवावनेना।

उदुःतो कताकून 8:2 Σταυροειδείς Αναφορές

मती ओजाःतेरा भगवानराः नपाय सरवन 18:10

“अपे ईंगपे अयूम, ईंग एचेरेकू बिसवासगेता हँकुःआ होड़कू अते तोनोंगीग हुडिंगीग होड़ अहापे आड-बेकारवाय। सेरमो देसरे नँकूरिकुःआ अगुरादार बराहीलकू, हंडा इदानिया ईंगरीग अपांग भगवान सुदा सगर बेला इदानकुःआ।

मती ओजाःतेरा भगवानराः नपाय सरवन 24:31

हनते हाँय अनँयगरिकुःआ बराहीलकू मरंग सोहनाई ओंग घड़ीने वारकूता अरू हाँय चउंदीसराः चइरो गतर अते, सेरमोराः मी कोना अते एटाः कोना वरीते, भगवान सुनावकेडकुःआ हँकुःआ जमा होड़कू भगवान एचेरेय एचे जुमावकूता।”

लूका 1:19

दो हाँय कतातेड, “ईंगराः ञाव जिबराएल हवे अरू ईंग भगवानिंग सेवाता। नुँहू नाःआ नपाय सरवन आम एचेरे कता लगा भगवान ईंगे वारकेरा।

लूका 21:36

हनलगा अपे जगलेपे दोहोन अरू नाःआ चउंदीसरे होयाःता हना गराहते बनसाव अवेन लगा अरू मनुवारीग बेटात वेग मेला आँयग मड़ंगरे चड़ाँ अवेन लगा अरजीगोड ञवनपे।”

1 कुरिंती 15:52

मेडकू निपकावता हिनिन बितिक, ओहेन टुटीगरे मरंग सोहनाईकू ओंगता हनमेला, अबू जमाकूराः देह बनदलावबाः जुवाःता। मरंग सोहनाईकू ओंगता हनमेला, गोएगतो होड़कू जमाकू भगवान जियाव रेमकूता, अरू अबू जमाकूराः देह बनदलावबाः जुवाःता।

1 तिसलूनिका 4:16

हनमेला नाःआ इया होयाःता। परबू ईसू अनँयग आँयग सेरमो देस अतेय उतराव वेगता अरू हुमइसकेय हुकुमगेता। दो भगवानरीग मरंगीग बराहीलराः अरो अयमुःता अरू मी होड़ भगवानरीग बराहील सोहनाईए ओंगता। हनते गोएगयनाकू हँकुःआ बिसवासी होड़कू मड़ंगकू जियाव रिमुःता।

उदुःतो कताकून 1:4

ईंग एहुना, आसिया राइजराः सातगोटोंग कलसियारिकुःआ होड़कू लगायिंग ओजाःगेतना। जूग परियातेय दोहोना, अरू नुँहू इदानिया अरू अरूय कुदा वेगता हाँयग भगवान अपे मयावाडपेखन सलसत एमेवापे लगायिंग अरजीतना। अरू भगवानराः गदी मड़ंगरे इदा हना सातगोटोंग बिरुवा,

उदुःतो कताकून 11:15

हनते सात नमाररीग सेरमो देसरीग बराहील मरंग सोहनाईए ओंगतेड दो, सेरमो देसरे मुरुक सटी अरो अयमुःआ। हँकू कतातेरा, “चउंदीसराः राइजकून अबूरीग परबू भगवानराः अरू आँयगरीग मसीराः होयाकिया। अरू हाँय सगर जूग वरीय राइजगोड ञवनता।”

उदुःतो कताकून 15:1

हनते सेरमो देसरे मीटोंग मरंग अरू बयाव जुवाः इया चिनहायिंग ञेलतेरा। हंडा सातगोटोंग बराहीलकू दोहोना अरू हँकू एचेरे सातगोटोंग हइजा दोहोना। नाःआ टुटीग हइजाते भगवानराः रीस चबायान।

उदुःतो कताकून 16:1

हनते ईंग भगवानराः ओड़ाः अते सातगोटोंग सेरमो देसरिकुःआ बराहीलकू एचेरे तोनोंगीग कतातिंग अयूमतेरा, “दूपे, अरू भगवानराः रीसराः सातगोटोंग डुभाकून ओतरेपे दूलगोड।”

उदुःतो कताकून 8:13

हनते मीटोंग कुड़ीड सेरमोरे उडाःतोयिंग ञेलतिरिया अरू हाँयराः मुरुक सटी अरोयिंग अयूमतेरा, “पेयगोटोंग सेरमो देसरिकुःआ बराहीलकू मरंग सोहनाई ओंग लगा सपड़ावतो इदानकुःआ। हनालगा चउंदीसरिकुःआ होड़कू लगा सिकिसता, सिकिसता, मुरुक सिकिसता होयाःता।”

उदुःतो कताकून 8:6

हनते सातगोटोंग सेरमो देसरिकुःआ बराहीलकू सातगोटोंग मरंग सोहनाई ओओंग लगाकू सपड़ावयान।

उदुःतो कताकून 9:1

हनते पाँच नमारीग बराहील अनँयग मरंग सोहनाईए ओंगतेरा अरू ईंग सेरमो अते ओतरे मीटोंग इपील लोजोरनेना हना ईंग ञेलतेरा, अरू हाँयग इपील पतालपूरराः दुवारराः चाभीय पवावनेना।