उदुःतो कताकून 7:17 - Korwa Bible

¹⁷ गदीराः तलारे इदानिया हाँयग भेड़ा होन, हँकूरीग सरवाहाय दोहोनता। अरू जीव एमेता हना दाःराः सूती अगीय गोःयाकूता, अरू भगवान हँकूराः जमा मेड दाःए जोड अमिंगगेता।”

उदुःतो कताकून 7:17 Σταυροειδείς Αναφορές

मती ओजाःतेरा भगवानराः नपाय सरवन 2:6

एहूदिया छतरराः बेतलहेम सहररिकुःआ होड़कू, अपे अते मी होड़ मनारंग राजाय बड़ाँःता, अरू हाँय ईंगरिकुःआ इसराएल होड़कूय अगुवाइवाकूता। हनालगा अपेराः सहर एहूदिया छतरराः एटाः सहरकून अते मरंगकू ओंगलेता।”

मती ओजाःतेरा भगवानराः नपाय सरवन 5:4

इयाम घड़ीनकू फिकिराःता, हँकुःआ होड़कूराः जीव-जहन भगवान भलावाडखने नपायगेयता, अरू हाँय हँकुःआ होड़कूराः जीवे कता बहालगोडता।

एहुना 10:11

नपाय सरवाहा ईंग हवे। नपाय सरवाहा आँयगरिकुःआ भेड़ाकू लगा गुजुः लगा हों सपड़ावतो दोहोनता।

एहुना 10:14

नपाय सरवाहा ईंग हवे। ईंग ईंगरिकुःआ भेड़ाकूयिंग सुदीता अरू ईंगरिकुःआ भेड़ाकू ईंगकू सुदीता।

एहुना 4:10

हनते ईसू कतातेड, “भगवान एमेयता हना बदीरे अरू आम एचेरे दाः ञूय लगाय असेयतना हाँयग होड़ बदीरेम सुदीकेः दो, आम ईंग एचेरेम असेकेःआ अरू आम लगा जीवराः दाःयिंग एमेवाकेमेःआ।”

एहुना 4:11

हनते हाँयग अइमी कतातेरा, “ने साहेब, आम एचेरे दाः ओर उडुंगगे लगा हों कही कोवानेःआ अरू इंदोरा दो मुरुक गहीर इदा। दो जीव एमेयता हना दाः करा अगीते आम एचेरे इदा?

एहुना 4:14

मनदो ईंग एमेयता, हना दाः तोनोंगीग ञूय दो हाँय सगर सइट जूग वरी ततंगतो ओरोय दोहोनेना। सनातायरे, ईंग हाँयिंग एमेवाता, हना दाः हाँयराः इंदरीरे दाः सूती इया तू ञवनता अरू हना दाः हाँय ओरो टुटीगनेना हना जीव अगी गोःयायता।”

मूक चेलाकू 20:28

हनालगा अपे अँननपेराः जीवपे अगुरागे अरू अपेराः आड़रे इदानकुःआ हँकुःआ होड़कू होँपे तिहाकू। भगवान अनँयग बेटातराः बलंगीतेय किजाकेडकुःआ भगवानराः कलसियारिकुःआ होड़कू नपाय अगुवा होड़कू इयापे तिहाकू।

1 पतरस 5:2

भगवान अपे एचेरेय जिमाःकेडकुःआ हँकुःआ होड़कू मी होड़ सरवाहा अनँयगरिकुःआ भेड़ाकूय तिहाकूता हनन इया नपायतेपे तिहा हड़ाःकू। तोनोंगीगराः रेनहाते सहे गियू जुवाः इयाःआ नफा पवाः लगा कोवान, मनदो अपे मिनी जीवते भगवान ननाय जुवाः लगा हाँयराः ओंगोल इया हँकूपे तिहागोड ञवन।

उदुःतो कताकून 14:4

हँकू जमाकू कुवाँर इदानकुःआ, अरू कहियो तोनोंगीग अइमी सुदा मेरकू गेतेग मइलावगना। अरू भेड़ा होन हँकूय अगुवाइवाकूता, हनन अगी हाँय तयोम तयोमकू सेनता। हँकुःआ होड़कू मनुवाकू अते बुताराः मड़ंग बंटा इया भगवान अनँयग लगा अरू भेड़ा होन लगाय सडावतेडकुःआ।

उदुःतो कताकून 21:22

अगम जंगरदार परबू भगवान अरू भेड़ा होन हंडा दोहोना। हनालगा हना सहररे जाग ओड़ाःराः जरूरइत मेर दोहोगान।

उदुःतो कताकून 21:23

भनगवान विड़चेड़तना हनालगा बेर अरू बांगोते हना सहर मरसलगे लगा कोवानेःआ। अरू नाःआ सहरराः ढिबरी, भेड़ा होन दोहोना।

उदुःतो कताकून 21:4

हाँय हँकूराः जमा मेड दाःए जोड अमिंगकूता। अरू हना तयोमरे गुजुः अरू फिकीर, अरू इयाम, अरू हसू कहियो ओरो दोहोनेना। नाःआ जमाकून सगर सइट लगा टनाड़ाव एंडा जुवाःता।”

उदुःतो कताकून 21:6

हनते हाँय ईंग एचेरेय कतातेरा, “नाःआ कता पुरावयना। ईंग अलपा अरू ओमेगा हवे। जमाकून ईंग अते रेःएनता अरू लुलिग जुवाःता। ईंग जमा ततंगतो होड़कू जीवराः दाः सूती अते, ञूय लगा बेगर दामतेयिंग एमेवाकूता।

उदुःतो कताकून 22:1

हनते सेरमो देसरीग बराहील मीटोंग नईए उदुःवातेरिंगा। हना नईरे जीव एमेता हना दाः दोहोना। हना दाः मुरुक सफा अरू सिसा इया दोहोना। हना नई भगवानराः अरू भेड़ा होनराः गदी अते तुःआ,

उदुःतो कताकून 4:11

“ने अलेरीग परबू अरू भगवान, आम अनमराः ओंगोल इया जमा जिनिसकूनमे तुलाकेरा। अरू आम ओंगोल इया हना जमा नुँहू इदा, हान अनम हमा जमालेःआम तुलाकेरा। हनालगा आम जागगे इया अरू मान मरजइतगे इया अरू जंगरदार इदानमेःआ।”

उदुःतो कताकून 5:6

हनते हना गदी अरू चइरो जीव-जंतूकू अरू मूक होड़कू तलारे गेड ञेडतो इया मीटोंग भेड़ा होनिंग ञेलतेरा। हाँयराः सातगोटोंग देरेंग अरू सातगोटोंग मेड दोहोना। नाःआ सातगोटोंग मेड चउंदीसरे भगवान वारकेरा हना सातगोटोंग बिरुवा हवे।