उदुःतो कताकून 5:6 - Korwa Bible

⁶ हनते हना गदी अरू चइरो जीव-जंतूकू अरू मूक होड़कू तलारे गेड ञेडतो इया मीटोंग भेड़ा होनिंग ञेलतेरा। हाँयराः सातगोटोंग देरेंग अरू सातगोटोंग मेड दोहोना। नाःआ सातगोटोंग मेड चउंदीसरे भगवान वारकेरा हना सातगोटोंग बिरुवा हवे।

उदुःतो कताकून 5:6 Σταυροειδείς Αναφορές

लूका 1:69

हाँय अबू सडाव लगा मी होड़ जंगरदार होड़े वारकिरिया, अनँयग सेवकिया होड़ दाऊद राजाराः गोतोर अते मी होड़ होड़े वारकिरिया।

एहुना 1:29

एटाः दिन एहुना आँयग अगी ईसू वेगतो ञेलतिडिगखने कतातेरा, “ञेलेयपे, चउंदीसरिकुःआ होड़कूराः कसूरे बराव एंडाता भगवानरीग भेड़ा होन ननाँय हवे।

एहुना 1:36

अरू ईसू हँकू मड़ंगरेय सेने पारयान दो एहुना ञेलतिडिगखने कताया, “ञेलेयबा, नाँय दो भगवारीग भेड़ा होन हवे।”

मूक चेलाकू 8:32

दो हाँयग मरंग हातपात होड़ भगवानराः कागद अते ननाः पाठे बछाःआ; हाँय पुजागे लगाकू गोःगेयता हाँयग भेड़ा इयाकू इदीतिरिया। अरू हाँय ऊबकू ईर उडुंगता हँकुःआ होड़कू मड़ंगरे कलेकाले दोहोनता हाँयग भेड़ा होन इया हाँय हों कलेकाले दोहोना।

उदुःतो कताकून 1:4

ईंग एहुना, आसिया राइजराः सातगोटोंग कलसियारिकुःआ होड़कू लगायिंग ओजाःगेतना। जूग परियातेय दोहोना, अरू नुँहू इदानिया अरू अरूय कुदा वेगता हाँयग भगवान अपे मयावाडपेखन सलसत एमेवापे लगायिंग अरजीतना। अरू भगवानराः गदी मड़ंगरे इदा हना सातगोटोंग बिरुवा,

उदुःतो कताकून 12:11

हँकुःआ बिसवासी होड़कू भेड़ा होनराः बलंगीते, अरू हाँयरिकुःआ हिदइतदारकू दोहोन अतेकू जितावयान। अरू हँकू गुजुः ततेररे हों, अँननकूराः जीव बनसावगे लगा मेरकू ओंगोल दोहोगाड।

उदुःतो कताकून 13:8

चउंदीसराः बुँहड़ीन अते मड़ंग भगवान मुरुक होड़कूराः ञाव ञेड एंडात भेड़ा होनराः जीवराः कागदरेय ओजाः दोहोकेरा। अरू हना कागदरे ञाव ओजाःतो कोवानेःआ, हँकुःआ जमा होड़कू हाँयग जानरकू जागता।

उदुःतो कताकून 14:1

हनते ईंग भेड़ा होन सीयोन पहाड़रे चड़ाँतिंग ञेलतिरिया। अरू हाँय सुदा मी लाक चउवालीस हजार होड़कू दोहोना। हँकुःआ होड़कूराः समांगरे हाँयराः ञाव अरू आँयगरीग अपातराः ञाव ओजाःतो दोहोना।

उदुःतो कताकून 17:14

हँकू भेड़ा होन सुदाकू लड़ाइता। मनदो हाँयग भेड़ा होन राजाकूरीग राजा अरू परबूकूरीग परबू हवे। हनालगा हाँय हँकूय हरुवावगोडकूता। हाँय सुदा इदानकुःआ हँकुःआ होड़कू हों हाँय सुदाकू जीताव जुवाःता। हँकू राःतो, अरू सुनावतो, अरू बिसवासगे इयाकुःआ हवे।”

उदुःतो कताकून 21:22

अगम जंगरदार परबू भगवान अरू भेड़ा होन हंडा दोहोना। हनालगा हना सहररे जाग ओड़ाःराः जरूरइत मेर दोहोगान।

उदुःतो कताकून 21:23

भनगवान विड़चेड़तना हनालगा बेर अरू बांगोते हना सहर मरसलगे लगा कोवानेःआ। अरू नाःआ सहरराः ढिबरी, भेड़ा होन दोहोना।

उदुःतो कताकून 22:1

हनते सेरमो देसरीग बराहील मीटोंग नईए उदुःवातेरिंगा। हना नईरे जीव एमेता हना दाः दोहोना। हना दाः मुरुक सफा अरू सिसा इया दोहोना। हना नई भगवानराः अरू भेड़ा होनराः गदी अते तुःआ,

उदुःतो कताकून 22:3

हंडा सती-सरापतो तोनोंगाः ओरो दोहोनेना। मनदो भगवानराः अरू भेड़ा होनराः गदी हना सहररे दोहोनता, अरू हाँयरिकुःआ सेवकियाकू हाँयकू सेवाता।

उदुःतो कताकून 4:8

चइरो जीव-जंतूकूराः छो छोगोटोंग पंकी दोहोना, अरू हँकूराः जमा देह दगलीरे, भितरी अरू बहरी, मेनेड मेड दोहोना। हँकू बेगर लोड़ोनते दिन रइत कता ञवना, “सुद इदानिया, सुद इदानिया, परबू भगवान सुद इदानिया, अगम जंगरदार भाबी भगवान, हाँय दोहोना, अरू नुँहू इदानिया, अरू कुदा वेग लगा इदानिया।”

उदुःतो कताकून 5:11

अरू ईंग ञेलतेरा दो हना गदीराः अरू हँकुःआ जानरकूराः अरू मूक होड़कूराः चइरो गतर सेरमो देसरिकुःआ मुरुक बराहीलकूराः अरोयिंग अयूमतेरा। हँकू लाक लाक अरू करोड़ करोड़कू दोहोना।

उदुःतो कताकून 5:12

अरू हँकू मुरुक सटीतेकू सेरेंगा, “ने ञेड गोएगतो भेड़ा होन आम जंगर अरू आन-धान, कनहून अरू सवांग, मान मरजइत अरू जाग, अरू धनियाबाद पवाः जुकूर इदानमेःआ।”

उदुःतो कताकून 5:13

हनते ईंग सेरमो देसरिकुःआ, अरू ओतरिकुःआ, अरू पतालपूररिकुःआ, अरू समुंदररिकुःआ जमाकू नाःआ इया कतातिंग अयूमतेडकुःआ, “ने भगवान आम गदीरेम दुड़ुःकिया दो आम लगा अरू भेड़ा होन लगा, होड़कू सगर सइट वरी मान मरजइत, जाग, अरू धनियाबादकू एमे अरू अबाराः राइज सगर सइट दोहोन।”

उदुःतो कताकून 5:14

हनते चइरो जीव-जंतूकू कतातेरा, “आमीन”, अरू हँकुःआ मूक होड़कू तबेरनेनखन हँकिनकू जागतेरा।

उदुःतो कताकून 6:16

हँकू पहाड़ अरू चटइनकू कतावाःआ, “अले चोटरे रूब जुवाः, जेमहा गदीरेय दुड़ुःकिया हाँय, अले अलोय ञेल अवेले अरू भेड़ा होनराः रीस अतेले बनसाव जुवाः।