उदुःतो कताकून 3:19 - Korwa Bible

¹⁹ ईंग दुलारकूता हँकुःआ जमा होड़कू ईंग सोएग दूररेयिंग नपायकूता अरूयिंग डंटावकूता। हनालगा अपेराः जीवपे होमगोड, अरू कसूर अते भगवान अगी जीवपे कुदा।

उदुःतो कताकून 3:19 Σταυροειδείς Αναφορές

मती ओजाःतेरा भगवानराः नपाय सरवन 25:7

हनते जमा धंगड़ीकू रेमनेनखन अँनकूराः ढिबरीकूनकू सोझावतेरा।

एहुना 2:17

दो हनमेला भगवानराः कागदरे ओजाःतो इदा हना कता हाँयरिकुःआ चेलाकू उहियार अगूतेरा, “आमराः ओड़ाःराः ओंगोलते ईंगराः जीव मेर सिडाःतना।”

रूमी 12:11

तोनोंगाः बुतारे अलोपे ओडोसगुः, मनदो सुद बिरुवाराः अगुवाइते मिहनइत घड़ीन परबूपे सेवागोड ञवन।

1 कुरिंती 11:32

मनदो परबू अबू सोझावबू लगाय डंडियावबूता, जेमहा चउंदीसरिकुःआ एटाः होड़कू सुदा अहाय डंडियावबू।

2 कुरिंती 6:9

अनसिनहार होड़कू इया इदानलेःआ हों जगल इदानलेःआ, गोएगतो इया इदानलेःआ मनदो जिनियत इदानलेःआ, ञेडतेला होड़कू इदानलेःआ मनदो ञेड एंडात कोवालेःआ।

2 कुरिंती 7:11

ईंगराः चिठी बछावनेनखन भगवान अगीते अपेराः जीव हुडिंगनेना दो ओंगलेपे अपेराः जीवरे चिला नफा होयाकिया? अपे बेगर गारबारते इदानकुःआ माःआन उदुःगुः लगापे कुरनिसगेःआ, अपे रीसनेना अरूपे बयावयना, अपे मुरुक ईंग ञेल लगापे उसाडनेना, अपे ओसताजपे दोहोना अरू कसूर होड़कू डंडियावकू लगा सपड़ावतोपे दोहोना। अपे जमा बेला नाःआ कतारे बेगर गारबार होड़कू इदानलेःआ माःआनपे उदुःबाःगोतेडा।

गलातिया 4:18

अपे नपाय ओंगोलते ओसताजपे दोहोन दो मुरुक नपाय इदा, मनदो ईंग अपे सुदायिंग दोहोनता हना बेला एकला ओसताज अहापे दोहोन।

तितूस 2:14

हाँय अनँयग आँयगते गुजुः लगाय जिमायान, जेमहा अबूराः जमा बरानाः बेलूर नेवन अते सडावकेडबूखन नपाय बुता बुता लगा ओसताज इदानकुःआ अनँयगरिकुःआ सुद होड़कूबू बड़ाँव अवेन।

एकूब 1:12

अपेराः बिसवास बदीरे अंदजाव होयाः मेला, सहाव घड़ीन बिसवासरे बड़ियाड़े दोहोनता हाँयग होड़राः जीव, भगवान ननपायगेता। तयोमरे हाँय लगा ओरो टुटीगनेना हना जीवराः इमान भगवान एमेयता। भगवानकू दुलारता हँकुःआ होड़कू हना इमान एमे लगाय जबानकेरा।

उदुःतो कताकून 2:5

हनालगा अपे उहियारगुःपे करतेपे कसड़किया, अरू जीव कुदाकेडखन मनाड़ंग इयाःआ बुताकूनपे बुता। अपे जीव मेरपे कुदाय दो ईंग अपे एचेरे सेनेकियानखन अपेराः ढिबरी अपे अतेयिंग चलाः एंडागोडता।