उदुःतो कताकून 21:1 - Korwa Bible

¹ हनते ईंग नँवा सेरमो अरू नँवा ओतिंग ञेलतेरा। जुनाःआ सेरमो अरू ओत टगाव एंडायान अरू समुंदर हों मेर दोहोगान।

उदुःतो कताकून 21:1 Σταυροειδείς Αναφορές

रूमी 8:21

मनदो नुँहू असरागे लगा इदा। जमा सकालाः अनाडतोते उडुंगकियानखन भगवानरिकुःआ होड़कू सुदा नपाय होयाः लगा उंभराः घड़ीन इदा।

2 पतरस 3:10

अबू मेरबू टकायता हनमेला, इनिग होड़ वेगता हनन इया परबूराः दिन निचकाःता, अरू हना दिन सेरमो मुरुक हड़र-हुड़ूरकियानखन टगाव जुवाःता, अरू बेर, बांगो, इपीलकू अरू सेरमोराः जमालेःआ मिनी जूदा पघलाव एंडा जुवाःता। ओत अरू ओतराः जमा तुलात जिनिसकून हों लो एंडा जुवाःता।

2 पतरस 3:13

मनदो अबू भगवानराः जबान इया बेगर गारबार इदानकुःआ हँकुःआ होड़कू एकलाकू दोहोनता हना नँवा सेरमो अरू नँवा ओत लगाबू टकागोड ञवनतना।

उदुःतो कताकून 13:1

हनते ईंग मीटोंग जानर समुंदर अते उडुंगतोयिंग ञेलतिरिया। हाँयराः दसगोटोंग देरेंग अरू सातगोटोंग बोः दोहोना। हाँयराः मेमेडटोंग देरेंगरे मेमेडटोंग राजाराः पगरी दोहोना। हाँयराः मेमेडटोंग बोःरे भगवान ओपतागेराः ञावकून ओजाःतो दोहोना।

उदुःतो कताकून 20:11

हनते ईंग मीटोंग मरंग उजड़ गदीयिंग ञेलतेरा। अरू हना गदीरे मी होड़ दुड़ुःतोय दोहोना। ओत अरू सेरमो हाँय मड़ंग अते ञीरयान अरू हना ओको लगा ततेर मेर दोहोगान।

उदुःतो कताकून 21:5

हनते गदीरे दुड़ुःतोय दोहोना हाँय ईंग एचेरेय कतातेरा, “ईंग जनामायिंग नँवागोडता।” हनते अरूय कतातेरा, “नाःआ सरवन जमाकून सताय अरू भरसागे इया इदा। हनालगा नाःआ ओजाःगेमे।”

उदुःतो कताकून 6:14

हनते सेरमो कोंडोड़तो कागद इया कोंडोड़यान अरू जमा पहाड़कून अरू डुगुकून हों हनानाः ततेर अते चलाःयान।