उदुःतो कताकून 20:14 - Korwa Bible

¹⁴ हनते हाँय गुजुः अरू पतालपूर सेंगेलराः हुडिंग समुंदररेय सोलोंगगोतेड। नाःआ सेंगेलराः हुडिंग समुंदर बार नमार गुजुः हवे।

उदुःतो कताकून 20:14 Σταυροειδείς Αναφορές

1 कुरिंती 15:26

गुजुः, होड़कूराः मुदइ होड़ इया इदा अरू टुटीगरे हाँय हनानाःए लाय एंडागोडता।

1 कुरिंती 15:53

नुँहू अबूराः देह सेयाकेडखन लाय एंडा जुवाःता। दो अबूराः नाःआ देह बदलाव जुवाःता अरू हना नँवा देह कहियो ओरो सेया लायनेना।

उदुःतो कताकून 1:18

ईंग गोएगनेना, मनदो अयुमेमे सनागर सइट जिनियतिंग दोहोनता। अरू गुजुः अरू पतालपूरराः चभी इनिंग एचेरे इदा।”

उदुःतो कताकून 14:10

भगवान हँकू सुदा मुरुके रीस रंजाव जुवाःता। अरू हाँय सेरमो देसरिकुःआ सुद बराहीलकू अरू भेड़ा होन मड़ंगरे हितकाःतो लेटे दिरि गुंडा अरू सेंगेलते हँकुःआ होड़कू मुरुक पीरारेय एचे परावकूता।

उदुःतो कताकून 19:20

मनदो हँकू हाँयग जानर अरू हाँय सुदा भगवानराः बड़रा लबराते कतायीग होड़ होंकू साबतेरा। भगवानराः बड़रा लबराते कतायीग होड़ जानर मड़ंगरे बयाव जुवाः इयाःआ चिनहाकूने एचेया। मड़ंगरे हाँय हना बयाव जुवाः इयाःआ चिनहाकूनते, हाँयग जानरराः चिनहाकू गोःतेरा अरू हाँयग जानरराः मुरतीकू सेवाःआ हँकुःआ होड़कूय अडिगतेडकुःआ। हँकिनकू साबतेरा हना तयोमरे, हँकिन बनर जिनियत जीयत सेंगेलराः हुडिंग समुंदररेकू रेमगे बोलोगोतेडकिन। हना सेंगेलराः हुडिंग समुंदररे लेटे दिरि हितकाःआ।

उदुःतो कताकून 2:11

अयूम अवेयता हाँयग होड़, सुद बिरुवा कलसियारिकुःआ होड़कू एचेरे चेले माःआन कतायतना हनाय अयूम ठुड़ावा। जितावबाः जुवाः हाँयग होड़ लगा, बार तुरहा गुजुःते हाँयराः तोनोंगाः हनी ओरो होयानेना।”

उदुःतो कताकून 20:10

हनते हँकुःआ होड़कू अडिगता हाँयग कलउ, सेंगेल अरू हितकाःतो लेटे दिरिराः हुडिंग समुंदररेय तेके बोलोगोडेयता। हंडा हाँयग जानर अरू भगवानराः बड़रा लबराते कतायीग होड़ हों दोहोनता। हँकू सगर सइट दिन रइत पीरारेकू पिड़ियाः पिड़ियाः ञवनता।

उदुःतो कताकून 20:13

हनते समुंदररेकू गोएगनेना हँकुःआ होड़कू अरू पतालपूररिकुःआ गोएगतो होड़कू अँनकू एचे फड़ियावगुः लगा गदी मड़ंगरेकू सेनेडा। अरू हँकुःआ जमा होड़कू अँनकूराः बुता इया हँकूय फड़ियावतेरा।

उदुःतो कताकून 20:15

अरू तोनोंगीग होड़राः ञाव जीवराः कागदरे ओजाःतो मेर दोहोगान, हँकुःआ होड़कू सेंगेलराः हुडिंग समुंदररेकू रेमगे बोलोगोतेडकू।

उदुःतो कताकून 20:6

मड़ंगरेकू जियाव रेमनेना हँकुःआ होड़कूराः जीव भगवान भल-भलायवातेडा अरू हँकू सुद इदानकुःआ। बार नमार गुजुःके हँकू जीवरे तोनोंगाः हातपात कोवानेःआ। हँकू भगवान अरू मसी लगा पुजउरीकू दोहोनता अरू मसी सुदा हजार बरिस वरीकू राइजगोड ञवनता।

उदुःतो कताकून 21:4

हाँय हँकूराः जमा मेड दाःए जोड अमिंगकूता। अरू हना तयोमरे गुजुः अरू फिकीर, अरू इयाम, अरू हसू कहियो ओरो दोहोनेना। नाःआ जमाकून सगर सइट लगा टनाड़ाव एंडा जुवाःता।”

उदुःतो कताकून 21:8

मनदो पोंकाहा होड़कू, अरू बेगर बिसवासी होड़कू, अरू एरंग होड़कू, अरू ञेड एएंडा होड़कू, अरू सनहा-सनही होड़कू, अरू पपंगाड़ होड़कू अरू मुरती सेवा होड़कू अरू जमा लबरा होड़कू, हँकू जमाकू हना सेंगेल अरू हितकाःतो लेटे दिरिराः हुडिंग समुंदररेकू रेमगे बोलोगोडकूता। अरू ननानाः हवे बार नमार गुजुः।”

उदुःतो कताकून 6:8

दो ईंग मीटोंग पिःपियाड़ रंग घोड़ायिंग ञेलतेरा। अरू हाँयग घोड़ा सेरमो मी होड़ होड़ दुड़ुःकुःआ। हाँयराः ञाव दोहोना गुजुः, अरू पतालपूर हाँय तयोम तयोम दोहोना। हँकिन चउंदीसरिकुःआ होड़कू चइर बंटारे मी बंटा होड़कू ञेड एंडाकू लगा हातपातकिन पवावकिया। हँकिन होड़कू तलवइरते, अरू कतकालते अरू हइजाते अरू पहाड़ जानरकूते गोएग एंडाकू लगा हातपातकिन पवावकिया।