उदुःतो कताकून 2:26 - Korwa Bible

²⁶ जितावबाः जुवाःता अरू ईंगराः ओंगोल इयाय सलावगोड ञवनता हाँयग होड़ लगा, जमा जइत होड़कू एचेरे हातपातिंग एमेवायता।

उदुःतो कताकून 2:26 Σταυροειδείς Αναφορές

मती ओजाःतेरा भगवानराः नपाय सरवन 10:22

अरू ईंगराः ञाव अते जमा होड़कू अपेकू हिनइस-बिनइसवापेता। मनदो अरीन टुटीगगुः वरीय सनाहाव ञवन हनाँयग होड़ भगवान सडावगेयता।

मती ओजाःतेरा भगवानराः नपाय सरवन 19:28

दो ईसू कतातेड, “अपे ईंगपे अयूम, नँवा चउंदीस बड़ाँः मेला, मनुवारीग बेटात मान मरजइत घड़ीन राइजगे लगाय दुड़ुःता। हनमेला ईंग देह दूरपे सलाःतना अपे हों, बारहगोटोंग गदीरे दुडुःकियानखन इसराएलरिकुःआ बारहगोटोंग गोतोररिकुःआ होड़कूपे राइजता।

मती ओजाःतेरा भगवानराः नपाय सरवन 24:13

मनदो टुटीग वरी सहाव घड़ीने दोहोनता हाँयग होड़ बनसाव जुवाःता।

एहुना 6:29

दो ईसू कतावाडकू, “भगवान ईंगे वारकिरिंगा। हनालगा ईंग एचेरेपे बिसवासगे। ननानाः हवे भगवानराः ओंगोल इयाःआ बुता।”

रूमी 2:7

तोनोंग तोनोंग होड़कू सहाव घड़ीन नपाय बुताकू बुतागोड ञवनता। हँकुःआ होड़कू भगवान अगीते मान मरजइत अरू मेर गुजुःता हना देह पवाः लगाकू चहाःतना। हँकुःआ होड़कू लगा भगवान ओरो टुटीगनेना हना जीवे एमेवाकूता।

रूमी 8:37

मनदो नाःआ इयाःआ जमा कताकूनरे, अबूय दुलारकेरा हाँयग ईसू मसीते, अबू जिनितावबाः जुवाःता।

1 तिसलूनिका 3:5

ईंग बोरा, अपेराः बिसवास एचे अड़ाःपे लगा कलउ लहकाव सोतेडपेःआय करे अरू अले अपे तलारेले एचेतेरा हना बुता सदाःआ होयायान करे, माःआन। नाःआ ईंग मेरिंग सहाव अवेगड। हननलगा अपेराः बिसवास बदीरे ईंग सुदीगे लगा तिमुतियूस अपे एचेरेयिंग वारतिरिया।

इबरानी 3:6

मनदो बेटात इया भगवानराः जमा ओड़ाःरे ईसू मसी बिसवासगेयीगे दोहोना। अरू अबू डीड़ घड़ीन टुटीग वरीबू असरागोड ञवन दो अबू हाँयराः ओड़ाःरिकुःआबू बड़ाँःता।

एकूब 2:20

आम बोको होड़ इदानमेःआ। आम मेरेम सुदीयता जा, बेगर बुताते दोहोनता हना बिसवास बेगर लूर दोहोनता।

1 एहुना 2:19

नँकुःआ मसी मुदइ होड़कू मड़ंग अँननबू सुदाकू दोहोना, मनदो हँकू सनातायते अबूरिकुःआ होड़कू मेरकू दोहोगान। हँकू अबूरिकुःआ होड़कू दोहोकुःआ होले, अँननबू सुदाकू दोनोहो ञवनकुःआ। मनदो हँकू अबू अते हिगारयनाकू अरू ननानाः अते सुदीगोतेडकुःआबू हँकू अबूरिकुःआ होड़कू मेरकू दोहोगान।

1 एहुना 3:23

भगवानराः हुकुम ननानाः हवे। भगवानरीग बेटात ईसू मसी एचेरे अबू बिसवासगे लगा इदा। अरू ईसू मसी अबू एचेरेय हुकुमकेरा हनन इया एटाः होड़कू सुदा अलार-दुलारते दोहोन लगा इदा।

1 एहुना 5:5

ईसू भगवानरीग बेटात हवे माःआनकू बिसवासगेतना हँकुःआ होड़कू एकला नाःआ चउंदीसराः बेलूर ओंगोल अरू कताकूनकू अड़ाः अवेयता।

उदुःतो कताकून 2:11

अयूम अवेयता हाँयग होड़, सुद बिरुवा कलसियारिकुःआ होड़कू एचेरे चेले माःआन कतायतना हनाय अयूम ठुड़ावा। जितावबाः जुवाः हाँयग होड़ लगा, बार तुरहा गुजुःते हाँयराः तोनोंगाः हनी ओरो होयानेना।”

उदुःतो कताकून 2:17

अयूम अवेयता हाँयग होड़, सुद बिरुवा कलसियारिकुःआ होड़कू एचेरे चेले माःआन कतायतना हनाय अयूम ठुड़ावा। जितावबाः जुवाः हाँयग होड़ लगा, ओकोत इदा हना मनाह ञावाः रुटी अते अदोमिंग एमेवायता। अरू हाँय लगा मीटोंग उजड़ दिरि होयिंग एमेवायता अरू हना दिरिरे मीटोंग ञाव ओजाःतो दोहोनता। अरू हना दिरि पवाः होड़ एकला हना ञावे सुदी अवेता।”

उदुःतो कताकून 2:7

अयूम अवेयता हाँयग होड़, सुद बिरुवा कलसियारिकुःआ होड़कू एचेरे चेले माःआन कतायतना हनाय अयूम ठुड़ावा। जितावबाः जुवाः हाँयग होड़, भगवानराः बगइचारे इदा हना जीवराः सींग अते जोःओ जोम लगा हातपातिंग एमेवायता।”

उदुःतो कताकून 20:4

हनते ईंग गदीकूनिंग ञेलतेरा। अदोम होड़कू हना गदीकूनरेकू दुड़ुःकिया अरू हँकू फड़ियावगे लगा हातपातकू पवावकिया। ईसूराः सताय कता अरू भगवानराः सरवन उदुः अते पुजा ञेड एंडाकुःआ हँकुःआ होड़कूराः बिरुवा ईंग ञेलतेरा। हँकुःआ होड़कू जानर अरू हाँयराः मुरती मेरकू सेवागाड, अरू हाँयग जानरराः चिनहा अँकूराः समांगरे सहे तिःईरे मेरकू गोःगाड। हँकू जियाव रेमनेनखन मसी सुदा हजार बरिस वरीकू राइजगोड ञवना।

उदुःतो कताकून 21:7

जितावबाः जुवाःता हँकुःआ होड़कू नाःआ जमाकूनराः इताडदारकू होयाःता। ईंग हँकूरीग भगवानिंग दोहोनता अरू हँकू ईंगरिकुःआ लइंकू दोहोनता।

उदुःतो कताकून 22:5

हंडा कहियो ओरो अयूबनेना। परबू भगवान हँकू मरसले एमेवाकूता। हनालगा हँकूके ढिबरी अरू बेर, मरसल एमे लगा ओरो दोहोनेना। अरू हँकुःआ सेवकियाकू सगर सइट लगा राजाकू इयाकू राइजगेता।

उदुःतो कताकून 3:12

जितावबाः जुवाः हाँयग होड़ ईंग भगवानराः ओड़ाःराः मीटोंग खुंटायिंग बड़ाँवगेयता, अरू हाँय हना ओड़ाः अड़ाःकेडखन कहियो ओरोय सेनेडा। ईंग ईंगरीग भगवानराः ञाव हाँय इंदरीरेयिंग ओजाःगेता। अरू हाँय इंदरीरे भगवानराः सहरराः ञाव होयिंग ओजाःगेता। हना सहरराः ञाव, नँवा एरुसलेम हवे अरू हन ईंगरीग भगवान अगीते सेरमो देस अते उतराव वेगता। अरू ईंगराः नँवा ञाव हाँय चोटरेयिंग ओजाःगेता।

उदुःतो कताकून 3:21

ईंग हों जितावनेनखन ईंगरीग अपांगराः गदीरे हाँय सुदायिंग दुड़ुःयना। दो हनन इया जितावबाः जुवाः हाँयग होड़ हों ईंगराः गदीरे ईंग सुदायिंग दुड़ुःगेयता।

उदुःतो कताकून 3:5

जितावबाः जुवाःता हाँयग होड़, हँकुःआ होड़कू इया उजड़ सोनहेयिंग तुसिंगगेयता, अरू हाँयराः ञाव जीवराः कागद अते कहियो ओरोयिंग कटावतेरा। ईंग ईंगरीग अपांग भगवान अरू हाँयरिकुःआ बराहीलकू मड़ंगरेयिंग कबुलाःता, नाँय ईंगरीग होड़ हवे, माःआन।