उदुःतो कताकून 19:19 - Korwa Bible

¹⁹ हनते हाँयग जानर अरू चउंदीसरिकुःआ राजाकू अरू अँकूरिकुःआ सइनाकू मिनीरे जुमावतो ईंग ञेलतेडकुःआ। हँकू उजड़ घोड़ा चोटरे दुड़ुःतो होड़ अरू हाँयरिकुःआ सइनाकू सुदा लड़ाइ लगाकू जुमावनेना।

उदुःतो कताकून 19:19 Σταυροειδείς Αναφορές

उदुःतो कताकून 11:7

हँकिनाः हिदइतदारकिन भगवानराः सरवनकिन परसार उरियाव जुवाः दो, पतालपूरते उडुंगगुःता हाँयग जानर हँकिन सुदा लड़ाइकियानखन हाँय जिताःता अरू हँकिने ञेड एंडाता।

उदुःतो कताकून 14:9

हनते पेय नमारीग सेरमो देसरीग बराहील वेजेडखन मुरुक सटीतेय कतातेड, “तोनोंगीग होड़ हाँयग जानर अरू आँयगराः मुरतीय जाग, अरू अनँयग समांगरे सहे तिःईरे जानरराः चिनहाय गोः,

उदुःतो कताकून 16:14

नँकुःआ पेनेय भूतकू एचेरे बयाव जुवाः इयाःआ चिनहाकून उदुः लगा जंगर दोहोना। हँकू चउंदीसरिकुःआ जमा राजाकू एचेरे सेनेकियानखन अगम जंगरदार भगवानराः मरंग दिनरे हाँय सुदा लड़ाइ लगाकू एचे जुमावकुःआ।

उदुःतो कताकून 16:16

हनते हँकू हँकुःआ राजाकू मी ततेररेकू एचे जुमावतेडकुःआ। हना ततेरराः ञाव इबरानी भासीरे हर-मगीदोन माःआनकू कतावाता।

उदुःतो कताकून 18:9

हँकू सुदाकू सनहानेना अरू अहाल-बहालतेकू दोहोना, हँकुःआ चउंदीसरिकुःआ राजाकू फिकिराःता। हँकू लोःता हना सेंगेलराः सोकोलकू ञेल मेला कुड़ोम चपाड़ घड़ीनकू इयामता।

उदुःतो कताकून 19:21

जानररिकुःआ सइनाकू जमाकू उजड़ घोड़ा सलावदारराः आहते उडुंगनेना हना तलवइरतेकू ञेड एंडायान। अरू जमा तितीगकू हँकूराः मास मुरुक हबर-सबरकू जोम बी ञेडयान।