उदुःतो कताकून 19:15 - Korwa Bible

¹⁵ राइज राइजरिकुःआ होड़कू ञेड लगा हाँयराः आहते मीटोंग लसेर तलवइर उडुंगगुःतना। हाँय लोहाराः बोंग साबकेडखन हँकू एचेरेय राइजगेता। हाँय अंगूरराः रस उडुंग लगा डोडहारे अनँयग आँयग धड़ियावगेता। हना डोडहा अगम जंगरदार भगवानराः रंजावतो रीस उदुःता।

उदुःतो कताकून 19:15 Σταυροειδείς Αναφορές

2 तिसलूनिका 2:8

कसूर रबूद होड़ एचे ञिलुःता। मनदो परबू ईसू ओंगकेडखन हाँयग रबूद होड़े ञेड एंडागोडेयता अरू परबू हितकाःतो सेंगेलरेय वेगतान अते हाँय लाय जुवाःता।

उदुःतो कताकून 1:16

हाँय अनँयग खउना तिःईरे सातगोटोंग इपीलकूय साबकातेरा अरू हाँयराः आहते मीटोंग बनर परोम लसेर तलवइर उडुंगतो दोहोना, अरू हाँयराः सुरइत मुरुक लवकाःता हना बेर इया दोहोना।

उदुःतो कताकून 12:5

हनते हाँयग अइमी मी होड़ हेरेल होने जनमावतिरिया। हाँयग हेरेल होन लोहाराः बोंग साबतेडखन जमा जइत होड़कू एचेरे राइजगे लगाय दोहोना। हाँयग लँइग जनमावनेना हनानाः बेला सेरमो देसरीग बराहील लुड़ीकिडिगखन भगवान एचेरे अरू हाँय दुड़ुःकिया हना गदीरेय इदीगोतेडीग।

उदुःतो कताकून 14:10

भगवान हँकू सुदा मुरुके रीस रंजाव जुवाःता। अरू हाँय सेरमो देसरिकुःआ सुद बराहीलकू अरू भेड़ा होन मड़ंगरे हितकाःतो लेटे दिरि गुंडा अरू सेंगेलते हँकुःआ होड़कू मुरुक पीरारेय एचे परावकूता।

उदुःतो कताकून 19:21

जानररिकुःआ सइनाकू जमाकू उजड़ घोड़ा सलावदारराः आहते उडुंगनेना हना तलवइरतेकू ञेड एंडायान। अरू जमा तितीगकू हँकूराः मास मुरुक हबर-सबरकू जोम बी ञेडयान।

उदुःतो कताकून 2:12

पिरगामून सहरराः कलसियारीग बराहील लगा नाःआ चिठीम ओजाः बनर परोम लसेरतो तलवइर साबतोयीग नाःआ इयाय कतायता,

उदुःतो कताकून 2:16

हनालगा अपे कसूर अते भगवान अगी जीवपे कुदा। निही दो, ईंग ओहेन अपे एचेरे वेगकियानखन हँकू सुदा ईंगराः आहराः तलवइरतेयिंग लड़ाःता।

उदुःतो कताकून 2:27

भगवानराः कागदरे ओजाःतो इदा, हाँय लोहाराः बोंग साबकेडखन हँकू एचेरेय राइजगेता अरू चटू इयाय रोचोड एंडागोडकूता। हनन इया ईंग हों ईंगरीग अपांग भगवान अते हातपातिंग पवावकिया।