उदुःतो कताकून 18:24 - Korwa Bible

²⁴ भगवानराः बड़रा कता होड़कू अरू सुद होड़कूराः बलंगी अरू चउंदीसरेकू ञेड एंडातेडकुःआ, हँकुःआ होड़कूराः बलंगी अँननपे एचेरे इदा।”

उदुःतो कताकून 18:24 Σταυροειδείς Αναφορές

मती ओजाःतेरा भगवानराः नपाय सरवन 23:27

ने पचघुचिया नियम चेडदार होड़कू अरू फरीसी होड़कू, अपे दोपे ठीकयना। अपे बहरी बहरी नपायते गुरीत, सुघर मड़गट इया इदानपेःआ, मनदो हना मड़गट पेंदारे गोएगतो होड़कूराः जांग अरू जमा बरानाः मइलावतो इदा।

मती ओजाःतेरा भगवानराः नपाय सरवन 23:35

दो मनाड़ंगरे ञेड एंडात नपाय होड़ हाबील अते भगवानराः ओड़ाः अरू धामराः तला राचरेपे ञेड एंडातिरिया हाँयग बिरिकियाहरीग बेटात जकरिया वरी जमा नपाय होड़कूराः बलंगीराः आभा अपेके एएमे पराःता।

मूक चेलाकू 7:52

अपेरिकुःआ खुटिपरिया होड़कू भगवानराः बड़रा कता होड़कू जमाकूकू संतावतेरा। अपेरिकुःआ खुटिपरिया होड़कू बेगर गारबार होड़राः बदीरे मड़ंगरेकू कतातेरा हँकुःआ होड़कू होंकू ञेड गोएग एंडातेडकुःआ। अरू नुँहू अपे ईसू चुबिलीतेडखनपे एचे ञेडतिरिया।

1 तिसलूनिका 2:15

हँननकुःआ एहूदाकू भगवानरिकुःआ बड़रा कता होड़कू अरू परबू ईसू मसीकू ञेड एंडातेरा। अरू हँनकुःआ होड़कू अले होंकू एचे ञीरगोतेडले। अरू हँननकुःआ एहूदाकू जमा होड़कूकू घंटावता अरू भगवान हँकू सुदा बहाल कोवाया।

उदुःतो कताकून 11:7

हँकिनाः हिदइतदारकिन भगवानराः सरवनकिन परसार उरियाव जुवाः दो, पतालपूरते उडुंगगुःता हाँयग जानर हँकिन सुदा लड़ाइकियानखन हाँय जिताःता अरू हँकिने ञेड एंडाता।

उदुःतो कताकून 16:6

मुदइ होड़कू आमराः बड़रा कता होड़कू अरू आमरिकुःआ सुद होड़कूराः बलंगीकू एचे तूतेरा, हनालगा आम, हँकूके पवाः लगा दोहोना हनन इया हँकू बलंगीम एचे ञूतेडकुःआ।”

उदुःतो कताकून 17:6

हाँयग अइमी, ईसूराः सताय कताकू कताया, हँकुःआ भगवानरिकुःआ सुद होड़कूय ञेड एंडातेरा अरू हँकूराः बलंगी ञूतेडखन बुनूलतोयिंग ञेलतिरिया। ईंग हाँयिंग ञेलतेड दो मुरुकिंग बयावयान।

उदुःतो कताकून 19:2

आमराः फनड़ियाव नपाय अरू सताय इदा। मरंग सनही अइमी अनँयग सनही बुताते चउंदीसरिकुःआ होड़कूय एचे बेलूरगोतेडा, अरू आमरिकुःआ सेवकियाकूकू ञेड एंडातेरा हनालगा हाँयग मरंग सनही अइमी बाबील सहरमे फड़ियावकेडखन हनाराः बदलाम कुदाकेरा।”