उदुःतो कताकून 18:15 - Korwa Bible

¹⁵ नाःआ जिनिसकूनरिकुःआ फेरवइत होड़कू, नँकू अते मुरुककू गिरहतनेना। अरू हँकुःआ होड़कू हँकूराः पीराराः बोरते, हँकू अते मुरुक लंकारे चड़ाँकियानखन फिकिराः घड़ीनकू इयामता,

उदुःतो कताकून 18:15 Σταυροειδείς Αναφορές

मरकूस 11:17

अरू हाँय चेडवाडखने कतावाडकू, “भगवानराः कागदरे नाःआ इया ओजाःतो कोवानेःआ जा? ईंगराः ओड़ाः जमा जइतकू लगा अरजीराः ओड़ाःकू कतायता, मनदो अपे इनिग होड़कूराः लातपे बड़ाँवगोतेडा।”

मूक चेलाकू 16:19

हाँयग बेगारीनरिकुःआ मालिककू सुदीगोतेड अबूराः ढिबुवा अदेरगेराः असरा चलाः एंडानतना, माःआन। दो हँकू पउलूस अरू सिलास साबतेडखन बजार अगी हना सहररिकुःआ हातपात होड़कू एचेरेकू ओर गोःयाडकिन।

उदुःतो कताकून 18:12

हना जिनिसकून नाःआ हवे; सोना, चाँदी, मुरुक किमइतराः दिरि, मुती, सान, तिरिकाट सोनहे, लाल सोनहे, धुः-धुमइल सोनहे, नपाय महकराः कठवा, हथी खिसाते तुलात जिनिसकून, मुरुक किमइतराः कठवाते तुलात जिनिसकून, पितड़, लोहा, संगमरमर दिरि,

उदुःतो कताकून 18:13

सेबेल बकला, मसाला, सकला, इतर, लसा, दारू, सुनुम, मइदा, गोहोम, उरिगकू अरू भेड़ाकू, घोड़ाकू अरू रंतकून, बेगारी होड़कू अरू मनुवाकूराः जीव।

उदुःतो कताकून 18:14

हँकू कतायता, “ने बाबीलरिकुःआ होड़कू, अपे चहाःआ, हना जमाकून अपे अते चलाः एंडायान, अरू नाय नपाय अरू मुरुक किमइतराः जिनिसकून अपे अते तोरेयना, अरू हान कहियो ओरोपे पवावनेना।”

उदुःतो कताकून 18:19

हँकू अँनकूराः बोःरे धुंदराकूनकू गिरहाता अरू इयाम घड़ीनकू फिकिराःता अरूकू खिररीता, “ठीकयना, ठीकयना, ने मरंग सहर, दाः जहाजकून अँननकू एचेरे दोहोना हँकुःआ होड़कू जमाकू गिरहतयानकू। मनदो मिनी जूदारे, हना मरंग सहर लाय एंडायना।

उदुःतो कताकून 18:3

जमा जइत होड़कू गोड़ावयान, हँकू नाःआ सहररिकुःआ होड़कूराः सनहा बुतातेकू गोड़ावयान। चउंदीसरिकुःआ राजाकू हँकू सुदाकू सनहानेना, अरू चउंदीसरिकुःआ फेरवइत होड़कू हँकूराः बेलूर बुताराः ओंगोलतेकू गिरहतनेना।”