उदुःतो कताकून 16:5 - Korwa Bible

⁵ हनते दाःराः हातपाते पवावनेना हाँयग बराहील कतातिंग अयूमतिरिया, “ने सुद भगवान, आम इदानमेःआ अरूम दोहोना, आम नाःआ फड़ियावरे सताय इदानमेःआ।

उदुःतो कताकून 16:5 Σταυροειδείς Αναφορές

एहुना 17:25

अगम नपायीग अपांग, चउंदीसरिकुःआ होड़कू आम मेरकू सुदीगाडमेःआ। मनदो ईंग आमिंग सुसुदीतना अरू ईंगरिकुःआ चेलाकू होंकू सुदीयतना अनम ईंगमे वारकेरा।

रूमी 2:5

आमराः जीव केटेगयना, अरू कसूर अते भगवान अगी जीव कुदागे लगा मेरेम चहाःतना। हनालगा भगवान सतायते जमा होड़कूय फड़ियावता हना दिन, हाँय आम सुदा मुरुके रीस जुवाःता अरू हाँय अते अरू बगरा डंडियावमे पवाःता।

रूमी 3:5

मनदो अदोम होड़कू कतायता, अलेराः कसूरते होड़कू सुदीगोडता भगवान तुमिन नपाय इदानिया, माःआन। दो नाःआ कता बदीरे चेले माःआनबू कताय? होड़कू अँनकूराः ओंगोल इयाकू कता अवेयता, हाँय अलेराः कसूर बदलारेय डंडियावले दो हाँयराः फड़ियाव सताय कोवानेःआ, माःआन। (ईंग होड़कूराः ओंगोल इयायिंग कतायतना।)

उदुःतो कताकून 1:4

ईंग एहुना, आसिया राइजराः सातगोटोंग कलसियारिकुःआ होड़कू लगायिंग ओजाःगेतना। जूग परियातेय दोहोना, अरू नुँहू इदानिया अरू अरूय कुदा वेगता हाँयग भगवान अपे मयावाडपेखन सलसत एमेवापे लगायिंग अरजीतना। अरू भगवानराः गदी मड़ंगरे इदा हना सातगोटोंग बिरुवा,

उदुःतो कताकून 1:8

जूग परियातेय दोहोना, अरू नुँहू इदानिया, अरूय कुदा वेगता, हाँयग अगम जंगरदार परबू भगवान ननाःय कतायतना, “ईंग अलपा अरू ओमेगा हवे।”

उदुःतो कताकून 11:17

हँकू कतातेरा, “ने अगम जंगरदार परबू भगवान, आम दोहोना अरू नुँहू इदानमेःआ। आम आमराः अगामाः जंगरते राइजगे लगाम बुँहड़ीकेरा, हनालगा अले आमले धनियाबादतना।

उदुःतो कताकून 16:4

हनते पेय नमारीग सेरमो देसरीग बराहील अनँयगराः डुभा नईकून अरू दाः सूतीकूनरेय दूलगोतेड, अरू हना दाः बलंगीयान।

उदुःतो कताकून 16:7

हनते ईंग धाम अगीते मीटोंग अरोयिंग अयूमतेरा, “हाव, ने अगम जंगरदार परबू भाबी भगवान, आमराः फनड़ियाव जनामा सताय अरू नपाय इदा।”

उदुःतो कताकून 19:2

आमराः फनड़ियाव नपाय अरू सताय इदा। मरंग सनही अइमी अनँयग सनही बुताते चउंदीसरिकुःआ होड़कूय एचे बेलूरगोतेडा, अरू आमरिकुःआ सेवकियाकूकू ञेड एंडातेरा हनालगा हाँयग मरंग सनही अइमी बाबील सहरमे फड़ियावकेडखन हनाराः बदलाम कुदाकेरा।”

उदुःतो कताकून 4:8

चइरो जीव-जंतूकूराः छो छोगोटोंग पंकी दोहोना, अरू हँकूराः जमा देह दगलीरे, भितरी अरू बहरी, मेनेड मेड दोहोना। हँकू बेगर लोड़ोनते दिन रइत कता ञवना, “सुद इदानिया, सुद इदानिया, परबू भगवान सुद इदानिया, अगम जंगरदार भाबी भगवान, हाँय दोहोना, अरू नुँहू इदानिया, अरू कुदा वेग लगा इदानिया।”

उदुःतो कताकून 6:10

हँकू खिररी घड़ीनकू कताया, “ने अगम मरंगीग परबू, आम सुद अरू सताय इदानमेःआ। अलेकू ञेड एंडाकेरा चउंदीसरिकुःआ हँकुःआ होड़कू, फड़ियावकेडखन अलेराः बलंगीराः बदला कुदाय लगा चिला लगाम कुबेरगेतना?”