उदुःतो कताकून 16:16 - Korwa Bible

¹⁶ हनते हँकू हँकुःआ राजाकू मी ततेररेकू एचे जुमावतेडकुःआ। हना ततेरराः ञाव इबरानी भासीरे हर-मगीदोन माःआनकू कतावाता।

उदुःतो कताकून 16:16 Σταυροειδείς Αναφορές

एहुना 19:13

नाःआ कता अयूमतेडखन पिलातूस ईसू बाहरीय अगूतिरिया। हंडा दिरि दूर ञावराः मीटोंग ततेर दोहोना, अरू इबरानी भासीरे गबबाता माःआनकू कतावाता। हंडा हाँय फड़ियावगे लगा गदीरेय दुड़ुःनेना।

एहुना 19:17

हनते हँकू ईसूकू गोःयाडीग अरू हाँय अनँयग कुरूस रेमतेडखन एरुसलेम सहर अते इबरानी भासीरे गुलगुता माःआनकू कतावाता, हना बोः खुरपीराः ततेर अगीय सेनेडा।

एहुना 5:2

एरुसलेमरे भेड़ा ञावराः हता दुवार कुटीरे मीटोंग दाह दोहोना। इबरानी भासीरे नाःआ दाहराः ञाव दोहोना बेत-हसदा। अरू हना दाहराः चइरो गतर पाँचगोटोंग मरंग परछी दोहोना।

मूक चेलाकू 26:14

दो अले जमा होड़कू ओतरेले कसड़यान अरू इबरानी भासीरे ईंग मीटोंग बड़रायिंग अयूमतेरा, साहूल, साहूल, आम चिला लगा ईंगमे संतावगींगतना? पयनारेम तकिनगे दो आम लगा मुरुक कटसिया होयाःता, माःआन।

उदुःतो कताकून 17:14

हँकू भेड़ा होन सुदाकू लड़ाइता। मनदो हाँयग भेड़ा होन राजाकूरीग राजा अरू परबूकूरीग परबू हवे। हनालगा हाँय हँकूय हरुवावगोडकूता। हाँय सुदा इदानकुःआ हँकुःआ होड़कू हों हाँय सुदाकू जीताव जुवाःता। हँकू राःतो, अरू सुनावतो, अरू बिसवासगे इयाकुःआ हवे।”

उदुःतो कताकून 9:11

पतालपूरीग बराहील हँकूरीग राजाय दोहोना। हाँयराः ञाव इबरानी भासीरे अबादोन अरू उनानी भासीरे अपुलियोन इदा। (बनर लबदराः मतलोब लाय एंडायीग हवे।)