उदुःतो कताकून 16:14 - Korwa Bible

¹⁴ नँकुःआ पेनेय भूतकू एचेरे बयाव जुवाः इयाःआ चिनहाकून उदुः लगा जंगर दोहोना। हँकू चउंदीसरिकुःआ जमा राजाकू एचेरे सेनेकियानखन अगम जंगरदार भगवानराः मरंग दिनरे हाँय सुदा लड़ाइ लगाकू एचे जुमावकुःआ।

उदुःतो कताकून 16:14 Σταυροειδείς Αναφορές

मती ओजाःतेरा भगवानराः नपाय सरवन 24:14

अरू भगवानराः राइजराः नपाय सरवन चउंदीसराः जमा जइत होड़कू एचेरेकू परसारगेता। अरू हना तयोमरे चउंदीस टुटीग जुवाःता।

मती ओजाःतेरा भगवानराः नपाय सरवन 24:24

हना बेला मुरुक बगरा होड़कू लबरा घड़ीनकू कतायता, ईंग मसी हवे अरू ईंग भगवानराः बड़रा कतायीग होड़ हवे, माःआन। हँकू मुरुक चिनहाकून अरू बयाव जुवाः इयाःआ बुताकून एचेवाडखन भगवानरिकुःआ सुनावतो होड़कू हों बहकावकू लगाकू कुरनिसगेता।

मरकूस 13:22

हना बेला मुरुक बगरा होड़कू लबरा घड़ीनकू कतायता, ईंग मसी हवे अरू ईंग भगवानराः बड़रा कतायीग होड़ हवे, माःआन। हँकू मुरुक चिनहाकून अरू बयाव जुवाः इयाःआ बुताकून एचेवाडखन भगवानरिकुःआ सुनावतो होड़कू हों बहकावकू लगाकू कुरनिसगेता।

लूका 2:1

हनानाः दिनरे अगसतस ञावीग रूमी देसरीग कइसर राजा नाःआ हुकुमे एमेतेरा, जमा रूमी देसरिकुःआ होड़कू मलगुजारी एमे लगा अँनकूराः ञाव एचे जोड़ाव इदा, माःआन।

एहुना 8:44

कलउ अपेरीग अपांग हवे अरू हाँयराः ओंगोल इया एचेय लगापे चहाःता। हाँय मनाड़ंग वरीते होड़कूय ञेड गोएगता अरू तोनोंग इयाःआ सताय हाँय एचेरे कोवानेःआ। हनालगा हाँय भगवानराः सताय सरवने हिनइस-बिनइसवाता। हाँय लबरा इदानिया अरू जमा बरानाः लबरा हनाँय अगीते उडुंगगुःता। हनालगा हाँय अनँयगराः लूर-नेवन इया लबरा बड़राय कतागोड ञवनता।

रूमी 1:8

अपेराः बिसवास बदीरे, चउंदीसरिकुःआ मुरुक होड़कू नपायकू कतायतना। हनालगा ईंग ईसू मसीते, मड़ंगरे अपे लगा अबूरीग भगवानिंग धनियाबादगेयतना।

2 तिसलूनिका 2:9

हाँयग कसूर रबूद होड़ कलउराः जंगरतेय एचे ञिलुःता अरू जमा बयाव जुवाः इयाःआ चिनहाकूने एचे उदुःता अरू लबरा बुता, सताय बुता इयाय एचे उदुःगोडता।

1 तिमुतियूस 4:1

भगवानराः सुद बिरुवा नपायते उदुःगेता, दरवाःआ हना बेला अदोम होड़कू बहकावकूता हना भूतकूराः चेडरे बिसवासकेडखन सताय बिसवासकू अड़ाःगोडता, माःआन।

एकूब 3:15

नाःआ इयाःआ कनहून भगवान अगीते मेर होयाःता, मनदो नाःआ चउंदीसरिकुःआ होड़कूराः हवे। नाःआ इयाःआ ओंगोल मनुवाकूराः अरू कलउराः ओंगोल हवे।

1 एहुना 5:19

अबू सुदीयतना अबू भगवानरिकुःआ लइंकू हवे अरू जमा चउंदीसरिकुःआ होड़कू बेलूर इदानिया हाँयराः आड़रे इदानकुःआ।

उदुःतो कताकून 12:9

हनते हाँयग लाल मरंग बींग चउंदीसरेकू तेके लोजोरगोतेडीग। हाँय अरू आँयगरिकुःआ बराहीलकू सेरमो देस अतेकू तेके लोजोरगोतेडकू। हाँयग बींग दरहा अरू कलउ माःआनकू कतावायता। हनाँय जमा चउंदीसरिकुःआ होड़कू मनाड़ंग वरीतेय बहकावकूता।

उदुःतो कताकून 13:3

हाँयग जानरराः मीटोंग बोःरे गोएग जुवाः इयाःआ मीटोंग घाव दोहोना। मनदो हना गोएग जुवाः इयाःआ घाव ओरेगयान। अरू चउंदीसरिकुःआ जमा होड़कू हाँयग जानर तयोम तयोम बयावगुः घड़ीनकू सेना।

उदुःतो कताकून 16:16

हनते हँकू हँकुःआ राजाकू मी ततेररेकू एचे जुमावतेडकुःआ। हना ततेरराः ञाव इबरानी भासीरे हर-मगीदोन माःआनकू कतावाता।

उदुःतो कताकून 16:7

हनते ईंग धाम अगीते मीटोंग अरोयिंग अयूमतेरा, “हाव, ने अगम जंगरदार परबू भाबी भगवान, आमराः फनड़ियाव जनामा सताय अरू नपाय इदा।”

उदुःतो कताकून 17:14

हँकू भेड़ा होन सुदाकू लड़ाइता। मनदो हाँयग भेड़ा होन राजाकूरीग राजा अरू परबूकूरीग परबू हवे। हनालगा हाँय हँकूय हरुवावगोडकूता। हाँय सुदा इदानकुःआ हँकुःआ होड़कू हों हाँय सुदाकू जीताव जुवाःता। हँकू राःतो, अरू सुनावतो, अरू बिसवासगे इयाकुःआ हवे।”

उदुःतो कताकून 20:8

अरू हाँय चउंदीसरिकुःआ चइरो गतर इदानकुःआ हँकुःआ गोग अरू मागोगरिकुःआ होड़कूय अडिगता। अरू हँकू हाँय सुदा लड़ाइ लगाकू उडुंगगुःता। हँकू समुंदरराः बितील बरोबइर मुरुक इदानकुःआ।

उदुःतो कताकून 3:10

ईंग कतातेरा, अपे सहाव घड़ीन ईंग एचेरेपे बिसवासगोड ञवन अरू ईंगराः हना कता अपे मनावनेना। हनालगा जमा चउंदीसरिकुःआ होड़कू अंदजावकू लगा कटसिया होयाःतान मेला अपे हना अंदजावरेयिंग बनसाव दोहोपेता।

उदुःतो कताकून 6:17

हँकिन रीसगुःराः मरंग दिन सोदोरयना, अरू तोनोंगीग हँकिन मड़ंगरेय चड़ाँ अवेनता जा?”